Elçin Qarayev

Elçin Qarayev 1969-cu il yanvar ayının 1-də Mingəçevir şəhərində doğulmuşdur. Əslən Ağdamın Novruzlu kəndindəndir. Orta təhsilini Mingəçevir şəhər 12 saylı orta məktəbdə almış, 1986-cı ildə buradan məzun olmuşdur. 1987-ci ildə hərbi xidmətə çağırılmış, Türkmənistana səfərbər edilmiş, 2 ay sonra oradan da SSRİ-Əfqanıstan müharibəsinə yollanmışdır. 1-ci müharibədən döndükdən sonra daxili işlər orqanlarında yol polis əməkdaşı kimi xidmətə başlamış, 1991-ci ildə Birinci Qarabağ müharibəsinə yollanmışdır. Ağdam, Kəlbəcər, Füzuli, Zəngilan, Ağdərə, Cəbrayıl istiqamətində gedən döyüşlərdə iştirak etmiş, döyüş yoldaşlarını, yaralıları döyüş meydanından çıxararaq həyatlarını xilas etmişdir. 1994-cü ildə Birinci Qarabağ müharibəsindən geri dönmüşdür. Hal–hazırda Azərbaycanda həyatda olan az saylı 2 müharibə veteranlarındandır.

Ailəlidir, 2 oğlu var.

• 1988 —   "Beynəmiləlçi döyüşçüyə minnətdar əfqan xalqı adından" medalı (Əfqanıstan)
• 1988 —   "Beynəlmiləlçi döyüşçüyə" döş nişanı (SSRİ)
• 1988 —   "SSRİ Silahlı Qüvvələrinin 70 illiyi" yubiley medalı
• 2009 —   "SSRİ qoşunlarının Əfqanıstanı tərk etməsinin 20 illiyi" yubiley medalı
• 2014 —   "Əfqanıstan müharibəsi veteranı" medalı
• 2014 —   "Əfqanıstanda döyüş əməliyyatlarının bitməsinin 25 illik xatirəsinə" medalı (Rusiya Federasiyası)

• Hacı Nərimanoğlu, "Mingəçevirin şəhid polisləri" kitabı, səh. 65. Bakı, Səda-2001

• Birinci Qarabağ müharibəsi
• SSRİ-Əfqanıstan müharibəsi