Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalədəki məlumatların yoxlanıla bilməsi üçün əlavə mənbələrə ehtiyac var. |
Elçin Əbdülrəhim oğlu Mirzəbəyli (12 avqust 1967, Lənkəran) — Azərbaycan siyasətçisi və deputatı. O, Azərbaycan Milli Məclisinin VII çağırış deputatı və Azərbaycanın əməkdar jurnalistidir.[6]
| Elçin Mirzəbəyli | |
|---|---|
Vəzifədədir | |
| 23 sentyabr 2024-cü ildən[1] | |
| Seçki dairəsi | 2024 — 90 saylı Ağsu Seçki Dairəsi |
| Əvvəlki | Tahir Kərimli |
Ədalət, Hüquq, Demokratiya Partiyasının ictimai-siyasi əlaqələr üzrə katibi | |
| 16 mart 2024 – 29 sentyabr 2025 | |
| Sədr | Qüdrət Həsənquliyev |
| Əvvəlki | Vəzifə təsis edildi |
| Sonrakı | Azər Qasımov[2] |
| 30 aprel 2018[3][4][5] – 16 mart 2024 | |
| Sədr | Qüdrət Həsənquliyev |
| Sonrakı | Vəzifə ləğv edildi |
| 12 avqust 2005 – 30 aprel 2018 | |
| Sədr | Qüdrət Həsənquliyev |
Azərbaycan Mətbuat Şurası İdarə Heyətinin üzvü | |
Vəzifədədir | |
| 10 mart 2018-ci ildən | |
Azərbaycan Yazıçılar Birliyi İdarə Heyətinin üzvü | |
Vəzifədədir | |
| 26 oktyabr 2022-ci ildən | |
| Şəxsi məlumatlar | |
| Doğum tarixi | 12 avqust 1967 (58 yaş) |
| Doğum yeri | |
| Partiya | |
| Təhsili | |
| Fəaliyyəti | Jurnalist |
|
|
|
| Təltifləri |
   |
12 avqust 1967-ci ildə Lənkəran şəhərində doğulub.
Azərbaycan Dövlət Mədəniyyət və İncəsənət Universitetini və Rusiya Dövlət Səhnə Sənətləri İnstitutunu (Sankt-Peterburq Teatr, Musiqi və Kinematoqrafiya İnstitutu) bitirib[7].
Azərbaycan Dövlət Mədəniyyət və İncəsənət Universitetində, Azərbaycan Respublikasının Mədəniyyət Nazirliyində müxtəlif vəzifələrdə çalışıb.
"Sevil" kinoteatrının direktoru, "Sara" TV-nin "Xəbər" departamenti direktorunun müavini və redaktoru, "Üç nöqtə" qəzetinin redaktoru olub. 2015–2017-ci illərdə Lider Televiziyasında "Geosiyasət" proqramının müəllifi və aparıcısı, 2017–2019-cu illərdə Xəzər TV-də gündəlik "Xəzər Aktual" proqramının aparıcısı olub. Azərbaycan Dövlət Televiziyasında (AzTV), "Space", "Sara" telekanalında müəllif proqramları ilə çıxış edib. Məhəmməd Füzulinin 500 illiyinə həsr olunmuş filmin rejissoru, Bəxtiyar Vahabzadə, Rüstəm Behrudi və digər görkəmli şəxslər haqqında çəkilmiş filmlərin müəllifi və rejissorudur.
Naxçıvan Dövlət Musiqili Dram Teatrında Nəriman Nərimanovun "Nadir şah" dramına quruluş verib. Quruluşçu rejissoru olduğu "Nadir şah" dramı paytaxt Bakıda və Azərbaycanın müxtəlif bəlgələrində, eləcə də Türkiyədə, İranda uğurla nümayiş etdirilib. Mədəniyyət Nazirliyində çalışdığı dövrlərdə bir çox dövlət tədbirlərinin ssenari müəllifi, rejissoru və redaktoru olub. Milli Azadlıq Hərəkatının marşı olan, hal-hazırda Azərbaycan Respublikasının Silahlı Qüvvələrində ifa olunan, orta ümumtəhsil müəssisələrində tədris edilən "Azadlıq" marşının müəllifidir. Şeirlərinə Abbas Əhməd, Xanım İsmayılqızı, Nailə Mirməmmədli, Hikmət Mirməmmədli, Hatəm Nəbioğlu və digər tanınmış musiqiçi və bəstəkarlar tərəfindən mahnılar bəstələnib. Bu mahnıların arasında Abbas Əhmədin ifa etdiyi "Ürəyim yanar" mahnısı daha çox populyarlıq qazanıb. Şeirləri, esseləri və publisistik məqalələri Azərbaycan, Türkiyə, İtaliya, Özbəkistan və Rusiyada nəşr olunub. "Xalq Cəbhəsi" qəzetinin, Azərbaycan və İtalyan dillərində yayımlanan "Via della Seta" (İpək yolu) jurnalının baş redaktoru və Beymedia İnformasiya Agentliyinin baş direktorudur.[mənbə göstərilməlidir]
Azərbaycan Mətbuat Şurası İdarə Heyətinin, Azərbaycan Yazıçılar Birliyi İdarə Heyətinin və Beynəlxalq Mətbuat İnstitutunun (İnternational Press İnstitute) üzvüdür.[mənbə göstərilməlidir]
Bakı Natiqlik Məktəbi İctimai Birliyinin sədridir.[mənbə göstərilməlidir]
2003-cü ildə Azərbaycan Respublikası prezidentliyə namizəd Qüdrət Həsənquliyevin Azərbaycan Respublikası Mərkəzi Seçki Komissiyasında məşvərətçi səs hüquqlu üzvü olmuşdur[8].
2008-ci ildə Azərbaycan Respublikası Prezidentinin seçkilərində Bütöv Azərbaycan Xalq Cəbhəsi Partiyasının Azərbaycan Respublikası Mərkəzi Seçki Komissiyasında səlahiyyətli nümayəndələrindən biri olmuşdur[9].
Elçin Mirzəbəyli 2004–2013-cü illərdə Bütöv Azərbaycan Xalq Cəbhəsi Partiyası sədrinin beynəlxalq məsələlər üzrə müavini, 30 aprel 2018 – 16 mart 2024-cü illərdə Bütöv Azərbaycan Xalq Cəbhəsi Partiyası sədrinin ictimai-siyasi məsələlər üzrə müavini vəzifələrində çalışıb. 16 mart 2024-cü ildə keçirilən qurultayda partiyanın adı dəyişdirilib və Ədalət, Hüquq, Demokratiya (ƏHD) Partiyası adlandırılıb. O, həmin vaxtdan ƏHD Partiyası sədrinin ictimai-siyasi məsələlər üzrə müavini olub.[mənbə göstərilməlidir] Bu vəzifədən 29 sentyabr 2025-ci ildə azad edilib.[2]
2024-cü il növbədənkənar parlament seçkilərində 90 saylı Ağsu Seçki Dairəsinə ƏHD Partiyasının üzvü kimi seçkiyə qatılıb. Qələbə qazanaraq Azərbaycan Respublikasının Milli Məclisinin VII çağırış deputatı seçilib.
Milli Məclisin Elm və təhsil komitəsi, Beynəlxalq münasibətlər və parlamentlərarası əlaqələr komitəsinin üzvüdür.
2024-cü il oktyabrın 8-də Azərbaycan — Ekvador parlamentlərarası əlaqələr üzrə işçi qrupunun rəhbəri seçilib.[10]
Elçin Mirzəbəyli həm də Azərbaycan-Belarus, Azərbaycan-Bosniya və Herseqovina, Azərbaycan-İtaliya, Azərbaycan-Latviya, Azərbaycan-Lüksemburq, Azərbaycan-Norveç, Azərbaycan-Rusiya, Azərbaycan-Serbiya, Azərbaycan-Slovakiya parlamentlerarası əlaqələr üzrə işçi quruplarının üzvüdür
- "Bir gecənin tənhalığı" şeir kitabı.
- "İtirilmiş vaxtın adamı" şeir kitabı.
- "Poz bu sükutu" şeir kitabı.
- "Sevgi məktubları" şeir kitabı
- "Anamın duası" şeir kitabı
- Vicdan haqqı (teleserial, 2016) — şeirlərindən istifadə olunan
- 21.07.2010 —
"Tərəqqi" medalı[11]. - 2013-cü ildə Beynəlxalq Türk Mədəniyyəti Təşkilatı TÜRKSOY-un Basın Onur Ödülünə (Mətbuat Şərəf Mükafatı) layiq görülüb.
- 2013-cü il iyulun 22-də Ali Media Mükafatı ilə təltif olunub.[1] [ölü keçid]
- Azərbaycan Respublikasının Prezidentinin 2019-cu il 25 iyul tarixli sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif olunub
- 22.07.2020 — Azərbaycan Respublikasının əməkdar jurnalisti
- ↑ MİRZƏBƏYLİ Elçin Əbdülrəhim oğlu — Milli Məclisin rəsmi veb-saytı
- ↑ 1 2 Azər Qasımova yeni vəzifə verildi
- ↑ "Mirzəbəyli və Orduxanlı müavin təyin olundular". 10 aprel 2023 tarixində arxivləşdirilib. İstifadə tarixi: 10 aprel 2023.
- ↑ "BAXCP-də yeni təyinatlar". 10 aprel 2023 tarixində arxivləşdirilib. İstifadə tarixi: 10 aprel 2023.
- ↑ "Qüdrət Həsənquliyev yenidən sədr seçilib". 15 aprel 2023 tarixində arxivləşdirilib. İstifadə tarixi: 10 aprel 2023.
- ↑ "Azərbaycan Respublikasının kütləvi informasiya vasitələrinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". 26 dekabr 2021 tarixində arxivləşdirilib. İstifadə tarixi: 17 avqust 2020.
- ↑ "Arxivlənmiş surət". 31 may 2022 tarixində arxivləşdirilib. İstifadə tarixi: 28 yanvar 2022.
- ↑ "E. Ə. Mirzəbəylinin prezidentliyə namizəd Q. M. Həsənquliyevin Mərkəzi Seçki Komissiyasında məşvərətçi səs hüquqlu üzvü kimi təsdiq edilməsi haqqında" Azərbaycan Respublikası Mərkəzi Seçki Komissiyasının 15 avqust 2003-cü il tarixli, 24/177 nömrəli Qərarı. [ölü keçid] (az.)
- ↑ "Azərbaycan Respublikasının Prezidenti seçkilərində bəzi partiyaların səlahiyyətli nümayəndələri və maliyyə məsələləri üzrə səlahiyyətli nümayəndələri barədə" Azərbaycan Respublikası Mərkəzi Seçki Komissiyasının 12 avqust 2008-ci il tarixli, 11/52 nömrəli Qərarı. [ölü keçid] (az.)
- ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 8 oktyabr 2024 tarixində arxivləşdirilib. İstifadə tarixi: 22 oktyabr 2024.
- ↑ "Azərbaycan Respublikasının mətbuat işçilərinin "Tərəqqi" medalı ilə təltif edilməsi haqqında" Azərbaycan Respublikası Prezidentinin 21 iyul 2010-cu il tarixli 1037 nömrəli Sərəncamı. e-qanun.az Arxivləşdirilib 2019-06-22 at the Wayback Machine (az.)