Vikipediya ?

Elçin İsgəndərzadə

Elçin İsgəndərzadə — Professor, Texnika və Filologiya Elmləri Doktoru, Azərbaycan Texniki Universitetinin "Metrologiya və Standartlaşdırma" kafedrasının müdiri, Prezident təqaüdçüsü, Azərbaycan Respublikasının Əməkdar Müəllimi, Azərbaycan Respublikasının Fəxri Mədəniyyət İşçisi, Avropanın Fəxri Alimi, Mədəniyyət Səfiri

ELÇİN İSGƏNDƏRZADƏ
Doğum tarixi 16 sentyabr 1964 (1964-09-16) (55 yaş)
Doğum yeri Şuşa
Fəaliyyəti yazıçı

Həyatı

16 sentyabr 1964–cü ildə Azərbaycan Respublikasının Şuşa şəhərində anadan olub.

1971-1979-cu illərdə Ağdam rayon Əhmədavar kənd 8 illik məktəbdə oxuyub. 1979-1981-ci illərdə Ağdam şəhər 6 saylı orta məktəbdə oxuyub və həmin məktəbi Qızıl medalla bitirib.

1981-1986-cı illərdə Azərbaycan Politexnik İnstitutunun Mexanika fakültəsində təhsil alıb. İnstitutu fərqlənmə diplomu ilə bitirib. Adlı təqaüdçü olub.

1981-1986-cı illərdə Azərbaycan Ali Məktəb Tələbələrinin Ümumrespublika Elmi Konfranslarında beş dəfə Birinci Dərəcəli Diploma layiq görülüb.

1982-ci ildə Omsk şəhərində (Rusiya Federasiyası) keçirilən Ali riyaziyyat fənni üzrə Ümumittifaq Olimpiadasının diplomantı olub.

1984-cü ildə Təhsil Nazirliyi tərəfindən "Ən yaxşı tələbə elmi işi üçün" medalı ilə təltif olunub.

1983-cü ildə M. Bauman adına Moskva Ali Texniki Məktəbdə, 1984-cü ildə Sank-Peterburq Texniki Universitetində, 1985-ci ildə A.Sneckaus adına Vilnüs Politexnik İnstitutunda (Litva) və Tallin Politexnik İnstitutunda (Estoniya), 1986-cı ildə Minsk Politexnik İnstitutunda (Belorusiya) keçirilən Ümumittifaq Tələbə Elmi Konfranslarının Birinci Dərəcəli diplomlarına layiq görülüb və elmi əsərləri kitab halında çap olunub.

1985-ci ildə ilk elmi ixtirası Bakı Məişət Kondisionerləri zavodunda istehsalata tətbiq olunub və ildə 1,2 milyon rubl iqtisadi səmərə verib.

1986-cı ildə Moskva şəhərində Ümumittifaq Xalq Təsərrüfatı Nailiyyətləri Sərgisinin Qızıl medalına layiq görülüb.

1989-cu ildə "Maşın və mexanizmlər nəzəriyyəsi" ixtisası üzrə Azərbaycan Texniki Universitetinin aspiranturasına qəbul olub.

1989-2016-cı illərdə Dünyanın müxtəlif ölkələrində keçirilmiş 100-dək Beynəlxalq, regional və respublika miqyaslı elmi qurultay, konqres, simpozium və konfransların iştirakçısı, məruzəçisi, sədri, həmsədri və bölmə rəhbəri olub.

1993-cü ildə namizədlik dissertasiyası müdafiə edərək, texnika elmləri namizədi alimlik dərəcəsi alıb. Uyğun ixtisas üzrə keçmiş İttifaqın və Azərbaycanın ən gənc alimi olub.

1994-cü ildə "VEKTOR" Beynəlxalq Elmlər Akademiyasını təsis edib.

1995-ci ildə Beynəlxalq "Nizami Aydın" mükafatı ilə təltif olunub.

1997-ci ildə Azərbaycan Yazıçılar Birliyinin üzvü seçilib. Azərbaycan Yazıçılarının X, XI, XII Qurultaylarının nümayəndəsi olub.

1998-ci ildə Azərbaycan Jurnalistlər Birliyinin üzvlüyünə qəbul edilib. Həmin il "Akademik Yusif Məmmədəliyev mükafatı" və medalı ilə təltif olunub.

2000-ci ildə "Qızıl Qələm" mükafatına layiq görülüb. "VEKTOR" Beynəlxalq Elmlər Akademiyası tərəfindən Xudu Məmmədov adına Beynəlxalq Elm mükafatı və Şahmar Əkbərzadə adına Beynəlxalq Ədəbiyyat mükafatı təsis edib.

2002-ci ildə Nyu-York Elmlər Akademiyasının (ABŞ) həqiqi (akademik) üzvü seçilib. "Hacı Zeynalabdin Tağıyev" mükafatı ilə təltif olunub.

2003-cü ildə "Qafqaz xalqları" Beynəlxalq Elmlər Akademiyasının (Gürcüstan) və Rusiya Təbiət Elmləri Akademiyasının (Rusiya Federasiyası) həqiqi (akademik) üzvü seçilib. Türkiyə İLESAM (Elm və Ədəbiyyat Əsəri Sahibləri Məslək Birliyi) üzvü seçilib. II "Yaşıl irmaq" Şeir Şölənində (Tokat, Türkiyə) Azərbaycanı təmsil edib. Şahmar ƏKBƏRZADƏ adına Beynəlxalq Mədəni Əlaqələr Vəqfini təsis edib. "BAYATI" Beynəlxalq ədəbi-sənət dərgisini təsis edib və baş redaktoru seçilib. "VEKTOR" Beynəlxalq elm dərgisini təsis edib və baş redaktoru seçilib."VEKTOR" Beynəlxalq Nəşrlər Evini təsis edib. Uluslararası Nizamidən Yunis İmrəyə, Atatürkdən Heydər Əliyevə uzanan sevgi yolu simpoziumunun təşkilat komitəsinin həmsədri olub.

2004-cü ildə Milli elmin və ziyalılığın təbliği sahəsindəki xidmətlərinə görə Azərbaycan Yazıçılar Birliyinin Ədəbiyyatı Təbliğ və Müəllif Hüquqları Bürosu tərəfindan "YADDAŞ" Milli Mükafatı ilə təltif edilib. X "Xəzər" Beynəlxalq Şeir Şölənində təşkilat komitəsinin üzvü seçilib. II Uluslararası Füzuli Şeir Yarışması çərçivəsində Türk Dünyası Şairlər Şölənində (Ankara, Türkiyə) iştirak edib. Dünya Gənc Türk Yazarlar Birliyinin "Türk Dünyasına Xidmət" ödülü ilə təltif olunub. TÜSİAB (Türkiyə Sənayeçi və İş Adamları Beynəlxalq Cəmiyyəti) ödülü ilə təltif olunub. XI "Xəzər" Beynəlxalq Şeir Şölənində (Elazığ, Türkiyə) Azərbaycanı təmsil edib. Beynəlxalq Rəsul Rza mükafatı ilə təltif olunub. Hüseyn Qazi Vakfı (Türkiyə) tərəfindən "Türk elminə və mədəniyyətinə xidmət" mükafatı ilə təltif olunub. "KIBATEK xidmət ödülü" ilə təltif olunub. Azərbaycan yazıçılarının XI qurultayının nümayəndəsi və məruzəçisi olub. IX KIBATEK Ədəbiyyat Şölənində (Buxarest, Rumıniya) Azərbaycanı təmsil edib. Ankarada çap olunmuş "Yüreğimin sevda türküleri" və Bakıda çap olunmuş "Çərçivəsiz rəsmlər" kitablarına görə Azərbaycanda İLİN ŞAİRİ seçilib. "Türk Dünyası Ədəbiyyatına xidmət" diplomu ilə təltif olunub. Təsisçisi və baş redaktoru olduğu "Bayatı" dərgisi Azərbaycanda İLİN DƏRGİSİ seçilib.

2005-ci ildə Beynəlxalq Kadr Akademiyasının (Ukrayna) və Türk Dünyası Araşdırmaları Beynəlxalq Elmlər Akademiyasının (Türkiyə) həqiqi (akademik) üzvü seçilib. I. Uluslararası Nəsimi Simpoziumunda (Türkiyə) iştirak edib. Avrasiya Dostluq, Mədəniyyət, Sənət və Turizm Qurumunun (Türkiyə) "Türk dünyası elminə üstün xidmət" mükafatı ilə təltif olunub. "QARACAOĞLAN" Özəl Ödülü (Türkiyə) ilə təltif olunub. Avrasiya Dostluq, Mədəniyyət, Sənət və Turizm Qurumunun (Türkiyə) Asiya ölkələri üzrə Mədəniyyət Səfiri təyin edilib. Qırğızıstan Milli Yazarlar Birliyinin üzvü seçilib. Qırğızıstanın paytaxtı Bişkek şəhərində çap edilmiş "Kraski vremen" kitabı Qırğızıstan Milli Yazarlar Birliyinin laureatı diplomuna layiq görülüb. Türk Dünyası Araşdırmaları Beynəlxalq Elmlər Akademiyasının prezidenti seçilib. X KIBATEK Ədəbiyyat Şölənində (Kiyev, Ukrayna) və XI KIBATEK Ədəbiyyat Şölənində (Lefkoşa, Quzey Kıbrıs) Azərbaycanı təmsil edib. "Türk dünyasına xidmət" Qızıl medalı (Türkiyə) və Beynəlxalq Kadr Akademiyasının (Ukrayna) "Elm və təhsilin inkişafındakı xidmətlərə görə" Qızıl Ordeni ilə təltif edilib. İran İslam Respublikası Təbriz Dil və Mədəniyyət Akademiyasının həqiqi üzvü seçilib və Akademiyanın Fəxri Diplomu ilə təltif olunub. Türkdilli xalqların mədəniyyətlərinin inkişafındakı xidmətlərinə görə Qırğızıstanda fəaliyyət göstərən "AZƏRİ" Cəmiyyətinin Fəxri Fərmanı ilə təltif edilib. Ankara Sinçan Sağlık Qrupunun xüsusi mükafatına və Türkiyə Şəhid Ailələri və Qazilər dərnəyinin özəl mükafatına layiq görülüb.

Dünyanın 30-dan çox ölkəsində (Almaniya, Yunanıstan, İran, Türkiyə, Quzey Kıbrıs, Ukrayna, Qırğızıstan, Qazağıstan, Rusiya, Suriya, Bolqarıstan, Rumıniya, Gürcüstan, Albaniya, Makedoniya) və s. yerli xalqların dillərinə çevrilərək kitabları çap olunub.

2006-cı ildə Müqəddəs Həcc Ziyarətində olub.

Avropa Mədəniyyət Akademiyasının (Sofiya, Bolqarıstan) həqiqi (akademik) üzvü seçilib. Bolqarıstan Yazarlar Birliyinin üzvü seçilib. Bolqarıstan Türk Kültür Mərkəzinin "Türk Dünyasına xidmət" mükafatı və Ömər Lütfi Dərnəyinin (Kırcaali, Bolqarıstan) "Türk Dünyasına xidmət" mükafatı ilə təltif olunub. Rumıniya Yazarlar Birliyinin üzvü seçilib. "Türkçem" dərgisinin (Prizren, Kosova) "İlin mükafatı"na layiq görülüb. KIBATEK Uluslararası Səyahət Ədəbiyyatı simpoziumunda (Nevşehir, Türkiyə) iştirak edib. III. Uluslararası Nizamidən Yunis Əmrəyə, Atatürkdən Heydər Əliyevə uzanan sevgi yolu simpoziumunun təşkilat komitəsinin həmsədri olub.

Avrasiya Dostluq, Mədəniyyət, Sənət və Turizm Qurumunun (Türkiyə) Asiya Fəxri Başkanı seçilib. KIBATEK XII. Uluslararası Ədəbiyyat Qurultayının Baş koordinatoru təyin edilib. Kosova Türk Yazarlar Birliyinin üzvü seçilib. İsparta Göllər Bölgəsi Yazarlar və Şairlər Dərnəyinin (Türkiyə) Şərəf Ödülü ilə mükafatlanıb. Yunis Əmrə Uluslararası Kültür və Sənət Həftəsində (Əskişəhər, Türkiyə) iştirak edib. VII. Millətlərarası Türk Xalq Kültürü Kongresində (Gaziantep, Türkiyə) iştirak və məruzə edib. KIBATEK XIII. Uluslararası Ədəbiyyat Şöləninin (Türkiyə, Suriya) iştirakçısı olub.

2007-ci ildə Aalen-Antakya Kültür və Sənət Dərnəyinin (Almaniya-Türkiyə) Fəxri Başkanı seçilib. "Hatay ədəbiyyatına xidmət" ödülü ilə təltif edilib. Burdur Qəzetəçilər Cəmiyyətinin (Türkiyə) xüsusi mükafatı ilə təltif edilib. "BAY" Kültür və Sənət dərgisinin (Balkanlar) təşəkkür diplomu ilə təltif edilib. "Dialoq" Kültür Həftəsində iştirak edib (Batumi, Gürcüstan). IV. Uluslararası Nizamidən Yunis Əmrəyə, Atatürkdən Heydər Əliyevə uzanan sevgi yolu simpoziumunun (Antalya-Türkiyə) təşkilat komitəsinin həmsədri olub. "Gelibolunun Türk Kültüründə və Turizmində yeri" Beynəlxalq simpoziumunda iştirak edib (Çanakkala, Gelibolu-Türkiyə). Ərəb Yazarlar Birliyi Baş Assambleyasının Beynəlxalq toplantısında iştirak edib (Qahirə, El-Ariş-Misir Ərəb Respublikası). Krımtatarların Türk kültüründə yeri" Beynəlxalq Simpoziumunda iştirak və məruzə edib (Ağməscid, Gözlev, Yalta, Baxçasaray) I. Uluslararası İskele Şeir Şölənində (KKTC) Azərbayçanı təmsil edib. Süleyman Brina (Kosova) Balkan ədəbiyyatına xidmət Beynəlxalq mükafatı ilə təltif edilib. Ukrayna Beynəlxalq Kitab Akademiyasının həqiqi üzvü secilib. I. Uluslararası Datça Şeir Şölənində (Muğla-Türkiyə) Azərbaycanı təmsil edib. Avropa Əməkdaşlıq və İnteqrasiya Beynəlxalq Assosiasiyası tərəfindən "Avropa Şahini" Beynəlxalq Mükafatına layiq görülüb (Malta). Türkiyə Yazarlar Sendikasının üzvlüyünə qəbul edilib. KİBATEK Uluslararası Ədəbiyyat Ödülü ilə təltif olunub.

2008-ci ildə Beynəlxalq Mükafat Komitəsinin (UNCOPA, İsveçrə) Türkiyə və Azərbaycan təmsilçisi seçilib.

2009-cu ildən Avropa Təbiət Elmləri Akademiyasının (Hanover, Almaniya) Türkdilli ölkələr Şöbəsinin rəhbəridir.

2009-cu ildə İtaliya Beynəlxalq Elmlər Akademiyasının həqiqi üzvü seçilmiş və “Roma şəhərinin Fəxri Alimi” fəxri adı və medalı ilə təltif olunmuşdur.

2010-cu ildə Dünya Böyük Şeir Mükafatına (The World Grand Prize for Poetry) (Paris, Fransa) layiq görülüb.

2011-ci ildə “Avropanın Fəxri İxtiraçısı” adına və Qızıl Medalına layiq görülüb.

2011-ci ildə texnika elmləri doktoru, professor elmi adına layiq görülüb. Həmin il Yunanıstanın Komotino şəhərinin Fəxri Vətəndaşı seçilib.

2012-ci ildə “Avropanın Əməkdar Elm və Mədəniyyət Xadimi” fəxri adı ilə təltif olunub.

2013-cü ildə Azərbaycan Respublikası Mədəniyyət Nazirliyinin poeziya üzrə “QIZIL KƏLMƏ” Dövlət mükafatına layiq görülüb.

1 sentyabr 2013-cü ildən 7 iyul 2015-ci ilədək Azərbaycan Texniki Universitetinin “Metrologiya və standartlaşdırma” kafedrasının professoru və Tədris işləri üzrə prorektorun köməkçisi vəzifələrində çalışmışdır. 7 iyul 2015-ci ildən hal-hazıradək həmin kafedranın müdiri vəzifəsində çalışır. Universitet və Fakültə Elmi Şurasının üzvüdür.

2013-cü ildə Azərbaycan Respublikası Prezidenti yanında Ali Attestasiya Komissiyasının Ekspert Şurasının üzvü seçilib.

2014-cü ildə Prezident Mükafatına layiq görülüb.

2014-cü ildə AzTU-nun nəzdində fəaliyyət göstərən Dissertasiya Şurasının üzvü və həmin Şuranın seminarının sədr müavini seçilmişdir.

2014-cü ildə Azərbaycan Respublikasının Təhsil Nazirliyi tərəfindən Fəxri Fərmanla təltif edilib.

2015-ci ildə “Azərbaycan Respublikasının Qabaqcıl Təhsil İşçisi” fəxri adı və medalına layiq görülüb.

Azərbaycan Respublikası Prezidentinin 4 oktyabr 2016-cı il tarixli sərəncamı ilə "Azərbaycan Respublikasının Əməkdar Müəllimi" fəxri adı ilə təltif edilmişdir.

230-dan çox elmi əsərin, 52 ixtiranın, 14 monoqrafiya və dərs vəsaitinin, 95 bədii və elmi kitabın, 130 çevirmə kitabının müəllifidir.

500-dək bədii və elmi kitabların elmi redaktoru olub. "Ədəbiyyat" qəzetinin (Azərbaycan), "Mars" dərgisinin (Azərbaycan), "Alov" dərgisinin (Azərbaycan), "Kümbət" dərgisinin (Türkiyə), "Turnalar" dərgisinin (Quzey Kıbrıs), "Kaynak" dərgisinin (Bolqarıstan), "Türkçem" dərgisinin (Kosova), "Jalın" dərgisinin (Kazaxıstan), "Yeni nəşrlər" dərgisinin (Azərbaycan), "Yazıçı" dərgisinin (Azərbaycan), "Kərkük" dərgisinin (İraq), "Sürməli" dərgisinin (Türkiyə) və digər nəşrlərin İdarə Heyətinin üzvüdür.

Sankt-Peterburq şəhərində çap olunan “Актуальные вопросы современной науки” və “Azərbaycan Aqrar Elmi” jurnallarının redaksiya şurasının üzvüdür.

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019