Elçin İmanov[1] (4 yanvar 1962, Bakı)[2] — Azərbaycan bəstəkarı[1], mahnı mətni müəllifi, aktyor, səs operatoru[3].
| Elçin İmanov | |
|---|---|
| Ümumi məlumatlar | |
| Doğum tarixi | |
| Doğum yeri | Bakı |
Elçin İmanov 4 yanvar 1962-ci ildə Bakıda[2] ziyalı ailəsində doğulmuşdu. Valideynləri Qarabağdandırlar, anası Şuşadandır. Atası — fizika-riyaziyyat üzrə alimdir.[4] Anası — uzun müddət Musiqi Akademiyasında dərs demiş və Elçin İmanovun musiqi sənətində inkişafında mühüm rol oynamışdı[1]. Qardaşı isə atasının yolu ilə getdi[4].
1 saylı musiqi məktəbdə oxumuşdu, İncəsənət İnstitutunu bitirmişdi. Şəfiqə Axundovadan dərs almışdı.[4]
Ailəlidir[4], iki övladı var[1]. Həyat yoldaşı — Xatirə xanım stomatoloqdur[4]. Övladların hər ikisi 2014-cü ildə tələbə idilər: qızı Çinarə Tibb Universitetində, oğlu Emil Azərbaycan Diplomatik Akademiyasında təhsil alırdılar[1].
Əvvəllər ansambllarda musiqi alətdə ifa edirdi. Sonra müğənnilik etmək istədi. Amma müxtəlif janrlarda mahnı yazmağa başladı: instrumental, estrada, şanson, klassik janrlarda.[4]
İlk bəstələrindən biri Eyyub Yaqubovun ifasında Mikayıl Müşfiqin sözlərinə yazdığı "Ana" mahnısı[1] çox uğurlu olmuşdu[4]. Mikayıl Müşfiqin sözlərinə yazdığı "Küləklər" kompozisiyası da böyük uğur qazanmışdı[4].
Filmlərə, seriallara musiqi bəstələmişdi. Çoxlu instrumental kompozisiyaları var. "Bakı Bulvarı" kompozisiyası Ənvər Sadıqovun ifasında səslənmişdi.[1]
Azərbaycan dilində, rus dilində, dağ yəhudiləri dilində bir sıra mahnıların sözlərinin müəllifidir. Musiqisini bəstələdiyi dağ yəhudiləri dilində mahnılarının sayı 20-dən artıqdır — Mayya Baazova və Şabtay Aqarunov o mahnıların sözlərinin müəllifləridir. Dağ yəhudiləri dilində olan mahnılarını Manuel İsakov, Xəyyam Nisanov, Ayan Babakişiyeva, Rafael Hacıyev və digərləri ifa edirlər. STMEQİ Beynəlxalq xeyriyyə fondunun rəhbərliyi bəstəkarın fəaliyyətini qiymətləndirmişdi, və dağ yəhudilərinin musiqi mədəniyyətinin inkişafında töhfəsinə görə Elçin İmanov 2019-cu ildə Sergey Vaynşteyn adına mükafatın laureatı oldu.[2]
Kinorejissor[4] Eldar Quliyevin "İstanbul reysi" filmində aktyor kimi[1] musiqi professoru rolunda çəkilmişdi[4].
- Gündoğar ölkəyə sevgilərlə (film, 2002)
- İlham Əliyev. Diplomatiyada uğur rəmzi (film, 2002)
- Sonuncu orden (film, 2002)
- Həsrətli gözlərin rəsmi (film, 2003)
- Şimşəklər kimi (film, 2003)
- Şöhrət, yaxud unudulan adam (film, 2003)
- 1 2 3 4 5 6 7 8 NƏRİMAN, Şəlalə. "ELÇIN İMANOV: "Bu gözəl dünyada çalışmalısan ki, həm çox yaşayıb çox görəsən, həm də ətrafda olan insanların həyatını uzadasan"". OxuMeni.Az (az.). 17 iyul 2014. İstifadə tarixi: 17 yanvar 2026.
- 1 2 3 "Эльчин Иманов". STMEGI Media Group (rus). İstifadə tarixi: 17 yanvar 2026.
- ↑ "Elçin İmanov (II)". Kinobiz.az. İstifadə tarixi: 17 yanvar 2026.
- 1 2 3 4 5 6 7 8 9 10 "Азербайджанский композитор: "Это будет экстрим по полной программе" – ФОТО". Day.Az (rus). 11 oktyabr 2011. İstifadə tarixi: 17 yanvar 2026.