Edvard Fella (ing. Edward Fella; 1938[1][2][…], Detroyt, Miçiqan[3]) — Amerikalı qrafik dizayneri, rəssamı və müəllimi.[4] O, 1993-cü ildə OutWest şriftini yaratmışdır.
| Edvard Fella | |
|---|---|
| Doğum tarixi | 1938[1][2][…] (86–87 yaş) |
| Doğum yeri | |
| Fəaliyyəti | qrafik dizayner, dizayner |
Edvard Fella 1938-ci ildə Miçiqan ştatının Detroyt şəhərində orta təbəqə ailəsində anadan olub. Detroytdakı Kass Texniki Liseyində oxuyub və orada hərf, illüstrasiya, yapışdırma və digər kommersiya sənəti texnikalarını öyrənib. O, 1957-ci ildə ordan məzun olub və kommersiya qrafika sənayesinə daxil olub.[5]
Edvard Fella 1957-ci ildən 1987-ci ilə qədər 30 il kommersiya rəssamı olub. Bu müddət ərzində yaratdığı əsərlərin əksəriyyəti avtomobil və səhiyyə posterləri olub. Fellaya qəribə illüstrasiya tərzinə görə "zinq kralı" adı verilib. Fella 1993-cü ildə OutWest şriftini yaratması ilə məşhur olub.[6][7]
Onun əsərləri Kuper-Hyuitt, Milli Dizayn Muzeyi, Brauer İncəsənət Muzeyi və Müasir İncəsənət Muzeyinin kolleksiyalarında saxlanılır. O, 2007-ci il AIGA Medalı ilə təltif olunub. O, həmçinin 1997-ci ildə Chrysler Mükafatı laureatı olub. Kurt Kloninqer Fellanı "əl ilə çəkilmiş tipoqrafiyanın müasir ustası" adlandırıb.[8][9]
- ↑ 1 2 Edward Fella // Photographers' Identities Catalog.
- ↑ 1 2 Edward Fella // CONOR.SI.
- ↑ 1 2 Union List of Artist Names (ing.). 2018.
- ↑ Neil Macmillan. An A-Z of Type Designers. Yale University Press. 1 avqust 2006. səh. 82. ISBN 978-0-300-11151-4. İstifadə tarixi: 12 oktyabr 2012.
- ↑ Fella, Edward. "Cal arts Bio" (PDF). İstifadə tarixi: 17 noyabr 2013.
- ↑ carducci, vince. "Ed fella". AIGA. İstifadə tarixi: 4 noyabr 2013.
- ↑ Bucher, Stefan. "All access: the making of 30 extraordinary Graphic Designers" (PDF). Rockport publications. İstifadə tarixi: 18 noyabr 2013.
- ↑ Fella, Ed. "Bio" (PDF). İstifadə tarixi: 4 noyabr 2013.
- ↑ Harper, Laurel. "Radical Graphics, Graphics Radical" (PDF). Chronicle Books. İstifadə tarixi: 18 noyabr 2013.