Edvard Bikkerstet (ing. Edward Bickersteth; 27 iyun 1850[1], Banningem[d], Norfolk qraflığı – 5 avqust 1897[1], Çiseldon[d], Uiltşir[d]) – Cənubi Tokio yepiskopu olmuş missioner.
| Edvard Bikkerstet | |
|---|---|
 | |
| Doğum tarixi | 27 iyun 1850[1] |
| Doğum yeri | |
| Vəfat tarixi | 5 avqust 1897[1] (47 yaşında) |
| Vəfat yeri |
|
| Fəaliyyəti | Anqlikan rahibi[d], missioner |
 Vikianbarda əlaqəli mediafayllar | |
Edvard Bikkerstet 26 iyun 1850-ci ildə Norfolkun Banningem kəndində doğulmuşdur.[2] Atası Edvard Henri Bikkerstet Ekseter yepiskopu olmuşdur.[2] Anası Roza isə Samuel Biqnoldun qızı idi.[2] Bikkerstet Haygeyt məktəbində təhsil almış, 1869-cu ildə Pembrok kollecində təhsil almaq üçün təqaüd qazanmışdır.[2] 1873-cü ildə bakalavr, 1876-cı ildə magistr dərəcəsi ilə məzun olmuşdur.[2] 1874-cü ildə Şolefild və Evans mükafatlarını qazanmışdır.[2] O, London yepiskopluğundan 1873-cü ildə diakon, 1874-cü ildə isə keşiş titulu almışdır.[2] 1873–1875-ci illərdə Hempsteddə Müqəddəs Üçlüyün kuratoru olmuşdur.[2] 1875-ci ildə kollecinin müxbir üzvü seçilmişdir.[2]
Bikkerstetin səyləri nəticəsində Dehlidə Kembric missiyası qurulmuş və 1877-ci ildə missiyanın birinci başçısı kimi İngiltərəni tərk etmişdir.[2] Səhhətindəki problemlərə görə 1882-ci ildə İngiltərəyə qayıtmış və Fremlingemdə yerləşən Müqəddəs Mikayıl kilsəsinin rektorluğuna təyin olunmuşdur.[2]
Bikkerstet Yaponiyada Cənubi Tokio yepiskopu olmaq təklifini qəbul edərək İngiltərəni bir daha tərk etmişdir.[2] 1886-cı ildə təqdis olunaraq yepiskopluğa doğru yola düşmüşdür.[2] Yaponiyada Müqəddəs Katolik Kilsəsinin yaradılmasında iştirak etmiş, Yaponiyada fəaliyyət göstərən aktiv anqlikan olmuşdur.[2] Bikkerstetin digər kilsələrlə ekumenik əlaqələr qurmaq cəhdi 1897-ci ildə uğursuz olmuşdur.[2]
Bikkerset səhhətində yaşadığı problemlərə görə növbəti dəfə İngiltərəyə qayıtmalı olmuşdur.[2] Uzun çəkən xəstəlikdən sonra 5 avqust 1897-ci ildə Uiltşirin Çiseldon kəndində yerləşən evində ölmüşdür.[2]
- ↑ 1 2 3 4 History of Missiology. Boston University School of Theology.
- ↑ 1 2 3 4 5 6 7 8 9 10 11 12 13 14 15 16 17 18 Burckland, A.R. "Bickersteth, Edward". Oxford Dictionary of National Biography (ingiliscə). 23 sentyabr 2004. 8 iyul 2023 tarixində arxivləşdirilib. İstifadə tarixi: 18 oktyabr 2022.