Earendil

Earéndil ya da dənizçi Earendil (kv. Eärendil; /ɛaˈrɛndil/ | ing. Eärendil the Mariner) — C. R. R. Tolkinin legendariumunda personaj, bəşər övladının ən böyük dənizçisi. "Silmarillion" əsərində daha geniş təsvir edilir. "Üzüklərin hökmdarında" da adı çəkilir.

Earendil
Eärendil
Yaradan	Con Tolkin
Əsər	Silmarillion İtirilən Hekayələr Kitabı
Məlumat
Digər adları	Ardamire, Azrubel
Ləqəbi	Dənizçi
Növü	yarı-elf
Cinsi	kişi
Doğum tarixi	503 Birinci Dövr
Ölüm tarixi	elf taleyini seçib
Yaşayış yeri	Qondolin, Sirion limanı, İlmen (Qəzəb Müharibəsindən sonra)
Silahı	yay-ox
Ailəsi
Atası	Tuor
Anası	İdril
Həyat yoldaşı	Elvinq
Uşaqları	Elrond, Elros

Earendil professor Tolkinin legendariumunda ilk peyda olan personajlardan biri olub. İlk dəfə 1916-cı ildə Tolkin tərəfindən "İtirilmiş Hekayələr Kitabının" "Qondolinin süqutu" bölməsində təsvir edilmişdir.

Bioqrafiyası

Earendil Birinci Dövrün 503-cü ilində Qondolində Hador nəslindən olan insan Tuorun və Turqonun qızı şahzadə elf İdril Kelebrindalin ailəsində anadan olub. Uşaqlıqda Earendil Qondolinin lordları Salqant və Ektelionla çox yaxşı münasibətdə olub. Earendil hələ on yaşında olanda Qondolinin kralı Turqonun bacısı Aredel Ar-Feiniel və Qara Elf Eolun oğlu Maeqlini Morqot əsir etdi. Morqot Qondolinin hakimliyini üstəlik həmişə sevdiyi İdrili ona vəd edərək əvəzinə Qondolinin yerini öyrəndi. Beləliklə Maeqlinin xəyanətinə görə Morqot Qondolinin yerini aşkarlayaraq şəhərə hücüm edir. Hücum zamanı Maeqlin uşağ Earendili öldürməyə və anasını yaxalamağa cəhd edir, lakin onun özü Tuor tərəfindən öldürülür. Earendil və valideynləri gizli keçid vasitəsilə məğlub olan Qondolindən qaçırlar. Onlar qaçaraq Sirion Limanlarında sığınacaq tapırlar, Earendil gələcək həyat yoldaşı Elvinqlə burada tanış olur.

Ədəbiyyat

Tolkin, C. R. R. "Silmarillion". Allen & Unwin. 1977. ISBN 0-04-823139-8.