Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinDryophytes cinereus və ya Hyla cinerea — Ağacqurbağaları fəsiləsinə aid qurbağa növü.
| Dryophytes cinereus | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Dryophytes cinereus |
||||||||||
| Beynəlxalq elmi adı | ||||||||||
|
||||||||||
| ||||||||||
Dryophytes cinereus əsasən ABŞ-nin mərkəzi və cənub-şərq bölgələrində yaşayır. Açıq meşəliklərdə, daimi su mənbələri və bol bitki örtüyü olan ərazilərdə məskunlaşır. Dryophytes cinereusə bəzən Amerika yaşıl ağac qurbağasıda deyilir. O, qış yuxusu və cütləşmə mövsümlərində tamamilə suda yaşayır.[2]
Ərazisini qoruyarkən ya aqressiv səs siqnalları verir, ya da daxil olanlarla mübarizə aparır, lakin bu nadir hallarda yaralanma və ya ölümlə nəticələnir. Yırtıcılardan qaçmaq üçün qurbağa suya tullanır və ya ağacların zirvəsinə qalxır.[3]
Dryophytes cinereus orta ölçülüdür. Uzun ayaqları, incə və axıcı bədən quruluşu və hamar dərisi var. Uzunluğu 3,2 ilə 6,4 santimetr arasında dəyişir. Yeni çevrilmiş balaların uzunluğu təxminən 20,6 mm-dir. Onların bel tərəfi parlaq yaşıldan qırmızımtıl-qəhvəyiyə qədər dəyişən rənglərə malik ola bilər. Bu rəng müxtəlifliyi səbəbindən qurbağa digər növlərlə səhv salına bilər. Bəzi məlumatlar göstərir ki, Dryophytes cinereuslar arxa fon və ya temperatur dəyişikliklərinə uyğun olaraq rəng dəyişdirə bilər. Bel tərəfi kiçik qızılı ləkələrlə örtülüdür, qarın tərəfi isə ağ və ya krem rənglidir. Dryophytes cinereusların yan tərəflərində ağ zolaqlar var. Onlar normal olaraq ekzotermik və heterotermikdir. Onun orta çəkisi 3,76 qramdır, lakin bu 2,15 qram ilə 5,11 qram arasında dəyişə bilər. Dişilər adətən erkəklərdən daha böyükdür.[4][5]
Daha böyük erkəklər cütləşmə zamanı dişiləri cəlb etmək üçün daha güclü səs siqnalları verir və ya fiziki üstünlüyə malik olur. Dişi Dryophytes cinereuslar erkəklərdən daha böyükdür. Bədən ölçüsü tez-tez rəqabət qabiliyyətini və reproduktiv davranışı müəyyən edən mühüm amildir. Cütlər amplexus vasitəsilə çoxalır. Erkəklər dişiləri cəlb etmək üçün aşağı tezlikli səs siqnalları verir. Cütləşmə rəqabəti zamanı erkəklər qonşu rəqiblərin səslərini dinləyir və ya siqnal vaxtını tənzimləyir, ya da səssiz qalaraq yaxınlaşan dişiləri ələ keçirir. Androgenlər erkəklərin səs çıxarmasını stimullaşdırır.[6][7]
Dryophytes cinereusların yaşayış mühiti əsasən şəhərləşmə və meşə örtüyünü məhv edən yanğınlar səbəbilə kəskin şəkildə azalır. Əksər amfibiyalar dar yaşayış mühiti tolerantlığına və miqrasiya məhdudiyyətlərinə malik olduğundan, Amerika yaşıl ağac qurbağaları meşə örtüyünün bərpası üçün alternativ sığınacaqlara ehtiyac duyur. Son illərdə şəhərləşmə səbəbilə Dryophytes cinereusların çoxalmaq üçün istifadə etdiyi bataqlıqlarda duzluluq və pestisid konsentrasiyası artmışdır. Bu, spermin hərəkətliliyinə mənfi təsir göstərmiş və reproduktiv uğurun azalmasına səbəb olmuşdur.[8][9]
- ↑ Integrated Taxonomic Information System (ing.). 1996.
- ↑ Leary, Christopher J.; Crocker-Buta, Sarah P.; Kennedy, Joseph G. C.; Bohenek, Jason R. "Adoption of satellite behavior by small male green treefrogs, Dryophytes cinereus, is not associated with age: Implications for the maintenance of alternative behavioral phenotypes". Ethology (ingilis). 130 (9). 2024. doi:10.1111/eth.13496. ISSN 1439-0310.
- ↑ Haber, V. R. "The food of the Carolina tree frog, Hyla cinerea Schneider". Journal of Comparative Psychology. 6 (2). aprel 1926: 189–220. doi:10.1037/h0073728. ISSN 0093-4127.
- ↑ Redmer, Michael; Brown, Lauren E.; Brandon, Ronald A. "Natural History of the Bird-voiced Treefrog (Hyla avivoca) and Green Treefrog (Hyla cinerea) in Southern Illinois". Illinois Natural History Survey Bulletin (ingilis). 36 (1–5). 2002: 37–66. doi:10.21900/j.inhs.v36.124. hdl:2142/18679. ISSN 2644-0687.
- ↑ Lodato, M. J., Engbrecht, N. J., Klueh-Mundy, S., & Walker, Z. (2014). The Green Treefrog, Hyla cinerea (Schneider), in Indiana. Proceedings of the Indiana Academy of Science, 123(2), Article 2.
- ↑ Lodato, Michael J.; Engbrecht, Nathan J.; Klueh-Mundy, Sarabeth; Walker, Zachary. "The Green Treefrog, Hyla cinerea (Schneider), in Indiana". Proceedings of the Indiana Academy of Science (ingilis). 123 (2). 2014: 179–195. ISSN 2380-7717.
- ↑ King, Richard B.; Hauff, Scott; Phillips, John B. "Physiological Color Change in the Green Treefrog: Responses to Background Brightness and Temperature". Copeia. 1994 (2). 1994: 422–432. doi:10.2307/1446990. ISSN 0045-8511. JSTOR 1446990.
- ↑ Redmer, Michael; Brown, Lauren E.; Brandon, Ronald A. "Natural History of the Bird-voiced Treefrog (Hyla avivoca) and Green Treefrog (Hyla cinerea) in Southern Illinois". Illinois Natural History Survey Bulletin (ingilis). 36 (1–5). 2002: 37–66. doi:10.21900/j.inhs.v36.124. hdl:2142/18679. ISSN 2644-0687.
- ↑ Pham, Lanminh; Boudreaux, Seth; Karhbet, Sam; Price, Becky; Ackleh, Azmy S.; Carter, Jacoby; Pal, Nabendu. "Population Estimates of Hyla cinerea (Schneider) (Green Tree Frog) in an Urban Environment". Southeastern Naturalist. 6 (2). iyun 2007: 203–216. doi:10.1656/1528-7092(2007)6[203:PEOHCS]2.0.CO;2. ISSN 1528-7092.
- Hammerson & Hedges (2004). Hyla cinerea. 2006. IUCN Red List of Threatened Species. IUCN 2006. www.iucnredlist.org.
- Hammerson, G.A.; Hedges, B., "Dryophytes cinereus", IUCN Red List of Threatened Species, 2017, 2017, doi:10.2305/IUCN.UK.2017-1.RLTS.T55449A112713111.en, İstifadə tarixi: 12 noyabr 2021. Database entry includes a range map and brief justification of why this species is of least concern.
- Betten, Jane. "Hyla cinerea (green treefrog)." Animal Diversity Web, University of Michigan
- "Green Treefrog, Hyla cinerea." Northern Prairie Wildlife Research Center, U.S. Department of the Interior
- USGS page
- Images of development from egg to adult frog
- The Green Tree Frog: How a Bill Becomes a Law PBS Learning Media