Doroti Hovard (ing. Dorothy Howard; 1902[1], Texas – 23 mart 1996[2], Massaçusets) — amerikalı folklorşünas, dövlət məktəbi müəllimi, məktəb direktoru və Frostburq Dövlət Universitetinin professoru olmuşdur. [3]Hovard təhsildə folklorun tətbiqinin ilk tərəfdarlarından biri və uşaq folklorunun pionerlərindən biri hesab olunur. Amerika Folklor Cəmiyyətinin "Folklor və Təhsil Mükafatı" onun adını daşıyır.[4]
| Doroti Hovard | |
|---|---|
 | |
| Doğum tarixi | 1902[1] |
| Doğum yeri | |
| Vəfat tarixi | 23 mart 1996[2] |
| Vəfat yeri | |
 Vikianbarda əlaqəli mediafayllar | |
Hovard Doroti Qrey Mills adı ilə iyul 1902-ci ildə, Texasda anadan olmuşdur. 1925-ci ildə Ceyms Hovard ilə evlənib və onların iki övladı olmuşdur. [5]O, 1969-cu ildən etibarən Nyu-Meksiko ştatının Rozvell şəhərində yaşayıb. Səhhətinin pisləşməsi səbəbindən Massaçusets ştatının Qrinfild şəhərinə köçüb və 1996-cı ildə, 93 yaşında vəfat etmişdir. Hovard 1923-cü ildə Şimali Texas Dövlət Müəllimlər Kollecini (indiki Şimali Texas Universiteti) təhsil üzrə bakalavr dərəcəsi ilə bitirmişdir. 1938-ci ildə Nyu-York Universitetində doktorluq dərəcəsi almışdır. Onun dissertasiyası "Amerika uşaqlarının xalq jinqlləri: müasir uşaqlar tərəfindən istifadə olunan qafiyələrin toplanması və tədqiqi" adlanırdı.[6]
Hovard 1920-ci ildə cəmi 17 yaşında olarkən müəllim kimi işləməyə başlayıb. [7]1923-cü ildən sonra Texas, Nyu-York və Nyu-Cersi ştatlarında müəllim və məktəb direktoru kimi çalışıb. 1944-cü ildə o, Frostburq Dövlət Universitetində ingilis dili professoru olub və 1967-ci ilə qədər burada dərs demişdir. [8]1967-1969-cu illərdə Nebraska Universitetində qonaq professor kimi fəaliyyət göstərib. 1954-1955-ci illərdə Fulbrayt Təqaüdü çərçivəsində 10 ay ərzində Avstraliya uşaqlarının oyunlarını sənədləşdirmişdir. Bu, Avstraliya uşaq folklorunun sistemli şəkildə tədqiq edildiyi ilk hadisə olub.[9]
Onun işi uşaq oyunları, məktəb həyətində oxunan mahnılar, nidalı şüarlar, qafiyələr və hətta təhqirləri əhatə edirdi.[10][11] Hovard uşaqların "xalq jinqlləri" ilə bağlı PhD dərəcəsi alan ilk şəxslərdən biri omuşdur. [12]O, təhsildə folklorun istifadəsinə verdiyi töhfələrə görə Amerika Folklor Cəmiyyəti və Oyun Tədqiqatları Antropoloji Assosiasiyası tərəfindən pioner alimlərdən biri kimi tanınıb.[13]
Onun Avstraliya araşdırmaları 2000-ci ildə Viktoriya Muzeyinə bağışlanıb.[14]
Hovard "The New Yorker" kimi jurnallarda məqalələr yazıb və müxtəlif kitablar, elmi məqalələr və araşdırmalar nəşr etdirib. Onun bəzi əsas əsərləri:
- Ramsey, Eloise; Howard, Dorothy. Folklore for Children and Young People: a Critical and Descriptive Bibliography for Use in the Elementary and Intermediate School. Philadelphia: American Folklore Society Bibliographical Series. 1952.
- Howard, Dorothy. Dorothy's World: Childhood in Sabine Bottom, 1902-1910. Simon & Schuster. 1977. ISBN 978-0132186025.
- Howard, Dorothy. Pedro of Tonalá. Hall-Poorbaugh Press. 1989.
- ↑ 1 2 https://www.afsnet.org/page/HowardPrize.
- ↑ 1 2 Library of Congress Authorities (ing.). Library of Congress.
- ↑ Grider, Sylvia Ann. "Dorothy Howard: Pioneer Collector of Children's Folklore". Children's Folklore Review. 17 (1). 1994: 3–18.
- ↑ Factor, June. Darian-Smith, Kate (redaktor). Child's Play: Dorothy Howard and the Folklore of Australian Children. Melbourne: Museum Victoria. 2005. ISBN 0957747179.
- ↑ Rosenberg, Jan. "An Eclectic Schoolteacher: Dorothy Howard as Applied Folklorist". Children's Folklore Review. 30. 2007–2008: 61–68.
- ↑ Howard, Dorothy. Folk Jingles of American Children: A Collection and Study of Rhymes Used by Children Today. New York University. 1938.
- ↑ Factor, June. Darian-Smith, Kate (redaktor). Child's Play: Dorothy Howard and the Folklore of Australian Children. Melbourne: Museum Victoria. 2005. ISBN 0957747179.
- ↑ Grider, Sylvia Ann. "Dorothy Howard: Pioneer Collector of Children's Folklore". Children's Folklore Review. 17 (1). 1994: 3–18.
- ↑ "Dorothy Howard Papers". library.umbc.edu. Albin O. Kuhn Library & Gallery - University of Maryland, Baltimore County. İstifadə tarixi: 20 March 2022.
- ↑ "Dorothy Howard Folklore and Education Prize". americanfolkloresociety.org. American Folklore Society. 8 March 2022 tarixində arxivləşdirilib. İstifadə tarixi: 20 March 2022.
- ↑ Sutton-Smith, Brian. "TAASP Recognition and Award Presentation to Dorothy Howard". TAASP Newsletter. 7. 1990: 2–6.
- ↑ "Dorothy Gray Mills Howard Collection". library.unt.edu. 22 May 2022 tarixində arxivləşdirilib. İstifadə tarixi: 20 March 2022.
- ↑ Jones, Mike; Darian-Smith, Kate; Tout-Smith, Deborah; McCarthy, Gavan. "The Dorothy Howard Collection: revealing the structures of folklore archives in museums". Archives and Manuscripts. 45 (2). 2017: 100–117. doi:10.1080/01576895.2017.1328695.
- ↑ Factor, June. Darian-Smith, Kate (redaktor). Child's Play: Dorothy Howard and the Folklore of Australian Children. Melbourne: Museum Victoria. 2005. ISBN 0957747179.
- ↑ Jones, Mike; Darian-Smith, Kate; Tout-Smith, Deborah; McCarthy, Gavan. "The Dorothy Howard Collection: revealing the structures of folklore archives in museums". Archives and Manuscripts. 45 (2). 2017: 100–117. doi:10.1080/01576895.2017.1328695.
- ↑ Grider, Sylvia Ann. "Dorothy Howard: Pioneer Collector of Children's Folklore". Children's Folklore Review. 17 (1). 1994: 3–18.
- ↑ Grider, Sylvia Ann. "Dorothy Howard: Pioneer Collector of Children's Folklore". Children's Folklore Review. 17 (1). 1994: 3–18.