Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinDorkinq toyuğu — Toyuqkimilər fəsiləsinə aid toyuq növü.
| Dorkinq toyuğu | ||||
|---|---|---|---|---|
 | ||||
| Elmi təsnifat | ||||
|
XƏTA: latin parametri doldurulmayıb. |
||||
| Beynəlxalq elmi adı | ||||
|
XƏTA HAQQINDA MƏLUMAT Bu parametr doldurulmayıb: latin |
||||
| ||||
Dorkinq toyuğu ən qədim Britaniya toyuq cinslərindən biridir. Bəzən bu cinsin Roma imperiyası dövründə Britaniyaya gətirilən beşbarmaqlı toyuqlardan törədiyi irəli sürülür, lakin romalıların özləri ilə toyuq gətirib-gətirmədiyi və ya gəldikləri zaman beşbarmaqlı toyuqlar tapıb-tapmadığı məlum deyil. Həmin dövrdə yaşamış Roma yazıçısı Kolumella beşbarmaqlı toyuqları ən yaxşı yetişdirilmə materialı kimi qeyd edir, "beş barmağı olanlar ən dəyərli hesab olunur".[1]
Dorkinq toyuğu cinsi İngiltərənin cənub-şərqindəki ev qraflıqlarında yaranmışdır və adını Surrey qraflığındakı Dorkinq bazar şəhərindən almışdır. Buradan quşlar London bazarına göndərilib. XX əsrin əvvəllərində Susseks cinsi tərəfindən sıxışdırılana qədər Dorkinq toyuğu London üçün əsas ət cinsi idi. Həmçinin sərgi quşu kimi də məşhurlaşmışdır. Bu cins 1845-ci ildə London Zooparkında keçirilən ilk quş sərgisində nümayiş etdirilən cinslər arasında idi.[2]
Dorkinq toyuğu ilk quşçuluq standartı olan "The Standard of Excellence in Exhibition Poultry" daxil edilmişdir. XIX əsrin sonlarında müxtəlif rəng növləri üçün ayrı-ayrı cins cəmiyyətləri yaradıldı, bunlardan ikisi birləşərək Dorkinq Klubunu yaratdı və Şotlandiya Dorkinq Klubu da formalaşdı. Təxminən İkinci Dünya müharibəsi dövrünə qədər bu cəmiyyətlərin heç biri fəaliyyət göstərmirdi. Bu cinsə maraq sürətlə azalmışdı və nəsli kəsilmək təhlükəsi ilə üzləşmişdi. Dorkinq Klubu 1970-ci ildə yenidən fəaliyyətə başladı.[3]
Üç rəng növü – rəngli, gümüşü-boz və ağ – 1874-cü ildə Amerika Quşçuluq Assosiasiyasının ilk "Mükəmməllik Standartı"na daxil edilmişdir; qırmızı rəng isə 1995-ci ildə əlavə edilmişdir. Üç bantam növü – rəngli, gümüşü-boz və çiçəkli ağ – 1960-cı ildə əlavə edilmişdir.[4]
Dorkinq toyuğu düzbucaqlı bədən quruluşuna və qısa, beşbarmaqlı ayaqlara malikdir. Bütün tək ibikli quşlarda olduğu kimi, çox soyuq havalarda ibik ucları qorunma tələb edə bilər. Dorkinq toyuğu həm yumurta, həm dət ət istehsalı üçün çox yönlü bir cins kimi tanınır. Bu, qırmızı qulaqcıqlara malik olub ağ qabıqlı yumurta qoyan azsaylı cinslərdən biridir. Lələklərin altındakı dəri rəngi ağdır. Çəkisi xoruzlar üçün 4.55–6.35 kq, gənc xoruzlar üçün 3.60–5.00 kq və toyuqlar üçün 3.60–4.55 kq təşkil edir. Beş tanınmış rəng növü var, ağ, gümüşü-boz, qırmızı, tünd və kuku.[5]
- ↑ William Bernhard Tegetmeier (editor) (1865). The Standard of Excellence in Exhibition Poultry, authorized by the Poultry Club. London: Groombridge and Sons, for the Poultry Club. 56 pp.
- ↑ Barbara Rischkowsky, Dafydd Pilling (editors) (2007). List of breeds documented in the Global Databank for Animal Genetic Resources, annex to: The State of the World's Animal Genetic Resources for Food and Agriculture. Rome: Commission on Genetic Resources for Food and Agriculture, Food and Agriculture Organization of the United Nations. ISBN 9789251057629. Archived 23 June 2020.
- ↑ Liste des races et variétés homologuée dans les pays EE (28.04.2013). Entente Européenne d’Aviculture et de Cuniculture. Archived 16 June 2013.
- ↑ Lucius Junius Moderatus Columella (trans. Anon.) (1745). L. Junius Moderatus Columella of Husbandry, in Twelve Books: and his book, concerning Trees. Translated into English, with illustrations from Pliny, Cato, Varro, Palladius and other ancient and modern authors London: A. Millar.
- ↑ Victoria Roberts (2008). British poultry standards: complete specifications and judging points of all standardized breeds and varieties of poultry as compiled by the specialist breed clubs and recognised by the Poultry Club of Great Britain. Oxford: Blackwell. ISBN 9781405156424.
- Thomas William Sturges (1911). The Poultry Manual: A Complete Guide for the Breeder and Exhibitor, second edition. London: Macdonald and Evans.