Don't Believe the Truth (tərc. "Həqiqəti qəbul etmə") — İngiltərə mənşəli rok qrupu "Oasis"in sayca altıncı studiya albomu. "Big Brother Recordings"in 30 may 2005-ci ildə üzə çıxardığı bu albom Böyük Britaniyada misli görünməmiş bir təlabatla qarşılanıb. Birinci həftənin özündə 237 865 nüsxə satılaraq "UK Albums Chart"da liderliyi ələ keçirib və Britaniya tarixinin ən sürətli satılan albomları arasında 32-ci yerə oturub. Amerika cəbhəsində də vəziyyət ümidverici olub. İlk həftə 65 000 nüsxə satışı ilə ABŞ siyahısına 12-ci yerdən ayaq basan albomu qrupun "Be Here Now"dan sonra, yəni səkkiz il ərzində Amerikada göstərdiyi ən güclü açılış olub. Siyahıda o qədər də çox dayanmasa da, albom öz möhürünü vurmağı bacarıb. 2006-cı ilin əvvəlində Böyük Britaniyada üç dəfə platin həddinə çatan "Don't Believe the Truth" adada bir milyondan artıq alıcı tapıb. ABŞ-də isə bu rəqəm 200 000-in üstünə çıxıb.[4][5]
| Don't Believe the Truth | |||||||
|---|---|---|---|---|---|---|---|
 | |||||||
| "Oasis" tərəfindən ifa olunmuş studiya albomu | |||||||
| Yayımlanma tarixi | 30 may 2005 | ||||||
| Yazılma tarixi | dekabr 2003 – yanvar 2005 | ||||||
| Janr | |||||||
| Müddət | 42:52 | ||||||
| Dil | ingilis dili | ||||||
| Leybl | Big Brother[ing.] | ||||||
| Prodüser | |||||||
| "Oasis" albomlarının xronologiyası | |||||||
|
|||||||
|
|||||||
Noel Gallaher "Oasis"də sözsüz ki, baş müəllifdir. Amma bu albomda işlər bir az fərqli gedir. Qrupun digər üzvləri də bu dəfə yazım masasına oturur və tarix üçün ilk dəfə bütün yük hamının çiyninə bərabər düşür. Mahnılar arasında vəzifə bölgüsü də maraq doğurur. Daimi bas gitaraçı Endi Bell bəzi nömrələrdə gitaraya keçir, Gem Arçer və Noel Gallaher isə başqalarında bası öz üzərlərinə götürür. Albomun bir başqa ilki də var. Zak Starki bu lövhənin arxasında ilk dəfə "Oasis" adından çıxış edir. Barabançı Alan Vayt uzun illər sonra qrupu tərk edəndə onun yerini məhz Z. Starki tutur. Bütün üzvlərə xüsusi minnətdarlıq bildirdiyi DVD isə ayrıca diqqət çəkir. Nəticə etibarilə albom tənqidçiləri razı sala bilib. Hətta bir çoxu açıqca deyir ki, "Oasis" son on ildə bundan yaxşısını yaratmayıb.
Liam Gallaherin yaradıcı potensialı bu albomda tam üzə çıxıb. Qardaşı Noel deyir ki, "Oasis"in son dörd işi arasında bu ürəyinə ən yaxın olanıdır, çünki qrupun bütün üzvləri yaradıcılıq prosesinə qoşulub. Məhz buna görə albom yalnız Noelin qələmindən çıxan "Oasis" işlərindən fərqli bir əhval-ruhiyyə daşıyır.
Londonun "Astoria" salonunda pərdəsini açan "Don't Believe the Truth" turu qrupu 26 ölkəyə aparıb. Qastrol boyunca 113 konsert keçirilir, ümumilikdə 3.2 milyon nəfər zalda yerini tutur. Səfərin hər anı kameraya alınır və ortaya "Rəbbim addımlarımı ləngitmə" (orij. "Lord Don’t Slow Me Down") filmi çıxır, o da DVD-də yayımlanır.[6] Albom bu günə qədər dünya üzrə yeddi milyon nüsxə satıb.[7]
| № | Başlıq | Yazar(lar) | Müddət |
|---|---|---|---|
| 1. | "Turn Up the Sun" | Endi Bell | 3:59 |
| 2. | "Mucky Fingers" | Noel Gallaher | 3:56 |
| 3. | "Lyla" | N. Gallaher | 5:10 |
| 4. | "Love Like a Bomb" | Liam Gallaher, Gem Arçer | 2:52 |
| 5. | "The Importance of Being Idle" | N. Gallaher | 3:39 |
| 6. | "The Meaning of Soul" | L. Gallaher | 1:42 |
| 7. | "Guess God Thinks I'm Abel" | L. Gallaher | 3:24 |
| 8. | "Part of the Queue" | N. Gallaher | 3:48 |
| 9. | "Keep the Dream Alive" | E. Bell | 5:45 |
| 10. | "A Bell Will Ring" | G. Arçer | 3:07 |
| 11. | "Let There Be Love" | N. Gallaher | 5:31 |
| 42:53 | |||
- ↑ "Oasis | Artist Information". Sony Music Entertainment Japan. 7 aprel 2006 tarixində arxivləşdirilib. İstifadə tarixi: 25 avqust 2023.
- ↑ "New Releases: Singles". Music Week. 20 avqust 2005. səh. 49.
- ↑ "New Releases: Singles". Music Week. 26 noyabr 2005. səh. 25.
- ↑ Brandle, Lars. "Oasis Go For 'Soul' With New Album". Arxivləşdirilib 27 dekabr 2008 at the Wayback Machine billboard.biz. 25 June 2008.
- ↑ Trust, Gary. "Ask Billboard: "English Beat" Arxivləşdirilib 7 fevral 2009 at the Wayback Machine. billboard.com. 23 January 2009.
- ↑ Lord Don't Slow Me Down and tour data Arxivləşdirilib 27 sentyabr 2007 at the Wayback Machine
- ↑ "Oasis: Don't Believe the Truth" (PDF). 6 oktyabr 2013 tarixində arxivləşdirilib (PDF). İstifadə tarixi: 29 noyabr 2020.