DokuBaku Beynəlxalq Sənədli Film Festivalı (BSFF) 2017-ci ilin oktyabr ayından etibarən hər il Bakı, Azərbaycanda keçirilən film festivalıdır. Azərbaycanın ilk müstəqil, sənədli film festivalı olan DokuBaku BSFF onlarla film nümayişindən və xarici kino peşəkarlarının iştirakı ilə ustad dərslərindən ibarət olur. Keçirildiyi ilk ildə festival 15 uzunmetrajlı və 15 qısametrajlı filmin nümayişinə 1000-ə yaxın izləyici cəlb etmişdir. Festivalın əsas məqsədi Azərbaycanda sənədli filmin özünüifadə və düşüncə vasitəsi kimi inkişaf etdirmək, bu janrda fəaliyyət göstərən yerli rejissorlara dəstək olmaq və ölkənin film səhnəsini beynəlxalq film icması ilə birləşdirməkdir.
 | |
| Yer | Bakı, Azərbaycan |
|---|---|
| Yaranıb | Oktyabr 2017 |
| Sayt | https://www.dokubaku.az |
Festival 2017-ci ildə bir qrup kino peşəkarı və həvəskarı tərəfindən könüllü əsaslarla təşkil olunmağa başlamışdır. Festivalın ideyası və təsisçiləri azərbaycanlı rejissor İmam Həsənov (festivalın direktoru) və çexiyalı rejissor və prodüser Veronika Yanatkovaya (proram tərtibçisi) aiddir[1]. Festival birinci ildə çoxsaylı könüllülərin və festivala təmənnasız töhfə vermiş yerli və xarici təşkilatların köməyi ilə ərsəyə gətirilmişdir[2]. Belə ki, göstərilən filmlərin bir çoxunun haqları festivala ianə verilmiş, nümayişlərin keçirildiyi müxtəlif kafe və barlar təmənnasız şəkildə məkan dəstəyi vermişdirlər. Bundan əlavə, çox sayda Azərbaycan ziyalısı və ictimai fəalı nümayişlərdən sonrakı müzakirələrin aparılmasında iştirak etmişdir.[3]
Festivalın bölmələri ildən-ilə dəyişsə də, aşağıdakı bölmələr festivalda fərqli vaxtlarda təşkil olunmuşdur.
Burada dünyanın müxtəlif yerlərində mükafatlar almış filmlər nümayiş olunur.
Dünyanın hər yerindən göndərilmiş qısametrajlı sənədli filmlərin nümayiş olunduğu müsabiqə bölməsidir.
Yerli rejissorların qısametrajlı sənədli filmlərinin nümayiş olunduğu müsabiqə bölməsidir.
Elmi Spektr jurnalı ilə birgə təşkil olunan və elmi sənədli filmlərin nümayiş olunduğu, müsabiqədənkənar bölmə.
| İl | Filmin adı | Rejissor | Ölkə | Bölmə |
|---|---|---|---|---|
| 2017 | Dəhliz | İqrar Qurban |  Azərbaycan
|
Yerli Qısametrajlı Film Müsabiqəsi |
| 2017 | Humble Room ADO | Leyli Qafarova | Azərbaycan
|
Yerli Qısametrajlı Film Müsabiqəsi |
| 2017 | Monikaya | Oktay Namazov | Azərbaycan
|
Yerli Qısametrajlı Film Müsabiqəsi |
- ↑ “DokuBaku” beynəlxalq sənədli film festivalında 33 ekran əsəri nümayiş olunacaq" Arxivləşdirilib 2023-07-07 at the Wayback Machine AzərTac
- ↑ DokuBaku rəsmi saytı - Dostlar.[ölü keçid] dokubaku.org
- ↑ Lawry, Martha (2017). DokuBaku Film Festival: How to test reality. Arxivləşdirilib 2021-07-27 at the Wayback Machine Visions of Azerbaijan