Doftana həbsxanası (rum. Închisoarea Doftana) – Rumıniyada tərk edilmiş həbsxana. Buxarest şəhərinin 120 kilometr şimalında yerləşir. "Rumıniyanın Bastiliyası" kimi tanınır.[2]
| Doftana həbsxanası | |
|---|---|
| Doftana | |
 | |
 | |
| Ümumi məlumatlar | |
| Ölkə | |
| Koordinatlar | 45°08′12″ şm. e. 25°46′24″ ş. u.HGYO |
 Vikianbarda əlaqəli mediafayllar | |
Doftana 1895-ci ildə Rumıniya kralı I Karol tərəfindən yaxınlıqdakı duz mədənləri üçün tikdirilmişdir. Tikili daha sonra həbsxanaya çevrilmişdir.[3] Həbsxananın 8 qanadı, 308 kamerası, böyük müdafiə divarı və yeddi gözətçi qülləsi var idi. Beş qanadın pəncərəli tavanları var idi. Qalan qanadlarda isə təbii işıqlandırma mövcud deyildi və daha ağır cəzaya layiq görülən məhbuslar üçün nəzərdə tutulmuşdu.[2] 1940-cı ildə baş verən zəlzələ həbsxananın dağılmasına səbəb olmuşdur.[4]
1930 və 1940-cı illərdə kommunistlər və faşistlər bu həbxanada saxlanılırdılar. Rəvayətə görə həbsxanadakı kommunistlər tualet kağızlarının üzərisinə yazılarını yazır, onları naqillə bir kameradan digərinə ötürür, yazıların fabrik və dəmiryol işçiləri arasında yayılmasını təmin edirdilər. Həbsxananın məhbusları içərisində kommunist liderlər Nikolae Çauşesku və Georqe Georqiu-Dej də var idi.[2] Korneliu Zelya Kodryanu, Kivu Stoyka, Aleksandru Mogioroş, Georqe Apostol, Qriqore Preotyasa və Horiya Sima həbxananın məhbusları olmuşdurlar.[3][4]
Müharibədən sonra 1949-cu ildə Georqiu-Dej həbsxananı muzeyə çevirmiş və propaqanda məqsədilə istifadə etmişdir. Həbsxana-muzeyin yaradılmasında tarixçi Kristian Vasile iştirak etmişdir.[4] Muzeydə kommunistlərin İkinci Dünya müharibəsindən öncə üzləşdikləri çətinliklər nümayiş etdirilirdi. Həbsxananın miniatür versiyası girişdəki birinci zala yerləşdirilmiş, Çauşesku və Georqiu-Dejin heykəlləri muzeydə sərgilənmişdir.[2] 1940-cı ildə zəlzələ nəticəsində həbsxana dağıntıları altında qalaraq ölmüş dəmiryol işçisi İllie Pintille muzeyin əsas fiqurlarından biri olmuşdur.[4] 1989-cu ildə Rumıniyada kommunist rejimin devrilməsindən sonra muzey tərk edilmişdir. Həbsxana tavanının böyük hissəsi çökmüşdür.[2]
2022-ci ildə rumın-türk biznesmen Məhəmməd Murad həbsxananı satın almış və tikilini hotelə çevirəcəyini bildirmişdir.[3]
Rumıniya bəstəkarı Alfred Mendelson 1950-ci ildə "Doftananın süqutu" simfonik poemasını bəstələmişdir.[4]
-
Həbsxananın miniatür maketi. -
İnteryeri. -
Uzaqdan görünüşü. -
Fasadı.
- ↑ 1 2 Wiki Loves Monuments monuments database. 2017.
- ↑ 1 2 3 4 5 "Doftana Penitentiary". Atlas Obscura (ingiliscə). 8 fevral 2019. İstifadə tarixi: 9 may 2025.
- ↑ 1 2 3 "Businessman buys iconic prison in Romania to turn it into hotel". Romania Insider (ingiliscə). 9 iyun 2022. İstifadə tarixi: 9 may 2025.
- ↑ 1 2 3 4 5 "Doftana Penitenciary". Rumıniya Beynəlxalq Radiosu (ingiliscə). 9 oktyabr 2023. 9 may 2025 tarixində arxivləşdirilib. İstifadə tarixi: 9 may 2025.