Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinDobri Dimitrov Dobrev (bolq. Добри Димитров Добрев, 20 iyul 1914 – 13 fevral 2018), digər adları ilə Dobri baba, Böyük Dobri (bolq. Дядо Добри) və ya Baylovo müqəddəsi[1] – bolqar xeyriyyəçi. Hər gün 20 kilometr məsafəni piyada qət edərək Sofiyada yerləşən Aleksandr Nevski kafedralının önündə xeyriyyə məqsədilə pul yığırdı. Yığdığı pulu xeyriyyə qurumlarına, kilsələrə, monastırlara, yetimxanalara bağışlayırdı.[2] Adı bolqar dilində "yaxşı" və ya "mehriban" deməkdir.
| Dobri Dobrev | |
|---|---|
| bolq. Добри Добрев | |
.jpg) 2006-cı ildə. | |
| Digər adları | Böyük Dobri, Dobri baba |
| Doğum tarixi | |
| Doğum yeri | Baylovo, Bolqarıstan çarlığı |
| Vəfat tarixi | |
| Vəfat yeri | Kremikovtski monastırı, Bolqarıstan |
| Uşağı | 4 |
| Milliyyəti | bolqar |
| Fəaliyyəti | xeyriyyəçi |
| Tanınır | xeyriyyə işləri |
| saintdobry.com | |
 Vikianbarda əlaqəli mediafayllar | |
Dobrev 20 iyul 1914-cü ildə Bolqarıstanın Baylovo kəndində anadan olub.[3] Atası Birinci Dünya müharibəsində həlak olub və anası Katerina[4] uşaqları təkbaşına böyütməli olub.[5] Dobrev gəncliyini və məktəb illərini xatırlamır.[3]
Dobrev illər keçdikcə özünü ruh dünyasına və Ortodoks kilsəsinə həsr etməyə qərar verib. Təxminən 2000-ci ildə Baylovo kəndində yerləşən Kiril və Metodius kilsəsinin kiçik artırmasında yaşamağa başlayanda bütün mülkiyyətini Ortodoks kilsəsinə bağışlayıb. Bu zaman Bolqarıstan kilsələri və monastırlarının bərpa edilməsi üçün pul yığmağa başlayıb.[6] Tezliklə onu "Baylovo müqəddəsi" çağırmağa başlayıblar.[7]
Həyatı boyunca Dobrev kilsə və monastırlara 80.000 bolqar levindən (40.000 avro) çox pul bağışlayıb.[8] Onun ən böyük maddi yardımları:
- 10.000 bolqar levi (5.000 avro) doğma kəndi Baylovoda yerləşən Kiril və Metodius kilsəsinə.[9]
- 25.000 bolqar levi (12.500 avro) Sofiyanın şərqində yerləşən Eleşnişki monastırının bərpasına və Qorno Kamartsi kəndindəki yerli kilsəyə.[9]
- 35.700 bolqar levi (17.850 avro) Sofiyada yerləşən Aleksandr Nevski kafedralına. Bu 100 ildən çox tarixi olan kafedral tarixində edilmiş ən böyük maddi yardım olub.[10]
Dobrev 1940-cı ildə – Bolqarıstanın İkinci dünya müharibəsinə qoşulduğu dövrdə evlənib. Sofiyanın bombardman edilməsi zamanı çox yaxınına düşən bir bomba onun demək olar ki, bütün eşitmə qabiliyyətini itirməsinə səbəb olub.[11] Dobrev və həyat yoldaşının 4 uşağı olub, Dobrev onların ikisindən daha uzun yaşamağa müvəffəq olub.[5] Dobrev Ortodoks xristianı idi və tez-tez başqalarına İsa haqqında danışmağı sevirdi. Pul verən insanlara qarşı çox minnətdar idi.
Dobri Dobrev 13 fevral 2018-ci ildə 103 yaşında Kremikovtski monastırında vəfat edib.[11]
- ↑ "Дядо Добри". БНТ. 17 dekabr 2010. 18 sentyabr 2012 tarixində orijinalından arxivləşdirilib. İstifadə tarixi: 26 mart 2018.
- ↑ "Дядо Добри на 100 години" (bolqar). Vesti.bg. 21 iyul 2014. 22 sentyabr 2014 tarixində arxivləşdirilib. İstifadə tarixi: 26 mart 2018.
- ↑ 1 2 "Bulgarian beggar, dubbed a 'living saint', dies aged 103". New Strait Times. 14 fevral 2018. 21 aprel 2021 tarixində arxivləşdirilib. İstifadə tarixi: 26 mart 2018.
- ↑ "Дядо Добри – светецът от Байлово". Българска история. 16 fevral 2018 tarixində orijinalından arxivləşdirilib. İstifadə tarixi: 26 mart 2018.
- ↑ 1 2 "Falleció el principal donante de la Iglesia búlgara, un mendigo de 103 años". Clarin. 15 fevral 2018. 16 fevral 2018 tarixində orijinalından arxivləşdirilib. İstifadə tarixi: 26 mart 2018.
- ↑ Дядо Добри от Байлово – България — YouTube platformasında – част от филма "Лепта" (2000 г.), продукция на фондация "Покров Богородичен"
- ↑ "Дядо Добре Добрев – божий странник, пътник от бъдещето, Деси Велева". в. "Дума". 17 dekabr 2011. 28 iyun 2013 tarixində orijinalından arxivləşdirilib. İstifadə tarixi: 26 mart 2018.
- ↑ "98-year-old homeless Bulgarian man donates thousands to restore churches". 13 aprel 2022 tarixində arxivləşdirilib. İstifadə tarixi: 26 mart 2018.
- ↑ 1 2 Lubomir. "Heavenly dreams of Easter". c. "Standard". 15 may 2012. 1 yanvar 2014 tarixində orijinalından arxivləşdirilib. İstifadə tarixi: 26 mart 2018.
- ↑ Goldberg, Eleanor. "This 99-Year-Old Man Begs Every Day And Gives It All Away To Churches And Orphanages". 27 fevral 2014. 5 fevral 2018 tarixində arxivləşdirilib. İstifadə tarixi: 26 mart 2018 – Huff Post vasitəsilə.
- ↑ 1 2 "Elder Dobri passes away at 103". Radio Bulgaria. 13 fevral 2018. 14 fevral 2018 tarixində arxivləşdirilib. İstifadə tarixi: 26 mart 2018.