Do tenor saksafonu

Do tenor saksafonu və ya Do melodiyalı saksafon — Belçika mənşəli saksofon ailəsinə daxil nəfəsli musiqi aləti. Do tonunda adi B-bənzər tenor saksofonundan bir tam tondan yuxarı səslənən saksafondur. Do melodiyası alətin ixtiraçısı Adolf Saks tərəfindən orkestr istifadəsi üçün nəzərdə tutulmuş Do və Fa səslənən saksafonlar seriyasının bir hissəsi idi. Alət 1900-cü illərin əvvəllərində populyarlıq qazanmışdı və bəlkə də ən çox Rudi Viedoeft və Franki Trumbauer tərəfindən istifadə olunurdu, lakin indi nadir hallarda istifadə edilir.^[1]

Do tenor saksafonu
Təsnifat	nəfəsli musiqi aləti
Hornbostel–Zaks təsnifatı	422.212-71
Mənşə ölkəsi	Belçika
Vikianbarda əlaqəli mediafayllar

Do tenor saksafonu alto saksafondan daha böyük və tenor saksafondan daha kiçikdir. Əksər modellərin dəlik diametri və konusvariliyi tenordan daha çox dartılmış altoya bənzəyir. Profil baxımından, forması tenor saksafonuna bir qədər bənzəyir, baxmayaraq ki, daha kiçikdir və zəng daha uzun görünür. Əksər Do melodiya saksafonlarının əyri boyunları var (forma baxımından tenor saksafonuna bənzəyir), baxmayaraq ki, "C.G.Conn" şirkəti düz boyunlu (daha çox altoya bənzər) Do-melodiya alətləri istehsal etmişdir. Do melodiya saksafonları adətən seriya nömrəsinin üstündə və ya altında "C" hərfi ilə işarələnir.^[2]

1930-cu ildən bəri yalnız B-bem və E-bem klavişlərindəki saksafonlar (əvvəlcə Adolf Saks tərəfindən hərbi orkestrlərdə və nəfəsli ansambllarda istifadə üçün nəzərdə tutulmuşdu) geniş miqyasda istehsal edilmişdir. Lakin XIX əsrin əvvəllərində Çində "Aquilasax" şirkəti üçün yeni Do melodiyalı saksafonların kiçik miqyaslı istehsalına başlandı, baxmayaraq ki, istehsal 2015-ci ilə qədər dayandırıldı.^[3] Həvəskarlar üçün Do melodiya alətləri 2023-cü ildən bəri "Thomann" (Almaniya) və "Sakkusu" (Böyük Britaniya) şirkətlərindən əldə edilə bilər.^[4]