Divar (film, 1991)

Psixoloji-fəlsəfi mövzuda olan bu kino əsərində belə bir fikir irəli sürülür: insan qarşısına çıxan sədləri, divarları aradan götürmək üçün mübarizə aparmalıdır. Əks təqdirdə bu sədlər, bu divarlar insanı sıxacaq, qəddini əyəcək, onu məhv edəcəkdir.

Filmin qəhrəmanı 40-45 yaşlı subay bir kişidir (Tofiq Qarayev). Onun sevdiyi Nazlı (Laləzar Mustafayeva) dul qadındır. Qadının bir oğlu da vardır. Bu uşaq anasının özgə kişiyə ərə getməsinə heç cür razı ola bilmir.

Müəlliflərin fikrincə, uşaq bu iki şəxsin arasında divardır. Bəs nə etməli? Qəhrəman bu suala cavab tapa bilmir.

Film Ramiz Məlikovun quruluşçu rejissor kimi kinoda ilk işidir.

Quruluşçu rejissor: Ramiz Məlikov

Ssenari müəllifi: Yaşar Əliyev

Quruluşçu operator: Rəfael Salamzadə

Quruluşçu rəssam: Fikrət Bağırov

Bəstəkar: Aydın Əzim Kərimoğlu

Səs operatoru: Teymur Abdullayev

Tofiq Qarayev — İsmayıl

Laləzar Mustafayeva — Nazlı

Raziyə Orucova — Səlbi

Zərnigar Ağakişiyeva — Şəfqət bacısı

Ayaz Bayramov — Muxtar

• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 320.