Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin
Dinosaur Game[1] (həmçinin Chrome Dino[2] kimi də bilinir) — "Google" tərəfindən yaradılmış və "Google Chrome" veb-brauzerində quraşdırılmış brauzer oyunu. Oyunçu yönləndirdiyi tirannozavrı soldan sağa qaçırdaraq hərəkət etdirir və daha yüksək nəticə qazanmaq üçün maneələri aşır. Oyun 2014-cü ildə "Chrome UX" komandasının üzvləri tərəfindən yaradılmışdır.
| Dinosaur Game | |
|---|---|
 Lonely T-Rex | |
| Hazırlayan | |
| Yayımlayan | |
| Buraxılış tarixi | 2014 |
| Janrlar | sonsuz qaçış oyunu |
| Dizaynerlər |
Sebastiyan Qabriyel Alan Bettes Edvard Cunq |
| Texniki məlumat | |
| Platforma | brauzer |
| Oyun rejimi | birnəfərli oyun |
| İnterfeysin dili | ingilis dili |
| İdarəetmə | kompüter klaviaturası, sensor ekran |
 Vikianbarda əlaqəli mediafayllar | |
İstifadəçi oflayn olduğu vaxt "Google Chrome"da veb-səhifəyə daxil olmağa cəhd etdikdə, brauzer istifadəçiyə internetə qoşulmaması barədə məlumat verir və səhifədə pikselləşdirilmiş tirannozavr təsvir olunur.[3] Oyun space və ya ↑ düymələrinə basmaqla masaüstündə, "Android" və "iOS" mobil əməliyyat sistemlərində dinozavrın üzərində toxunmaqla başladıla bilər. Əlavə olaraq, brauzerin axtarış çubuğuna chrome://dino və ya chrome://network-error/-106 keçidlərini daxil edərək oyuna girmək olar.[4]
Oyun zamanı dinozavr dayanmadan ağ-qara səhra mənzərəsi boyunca soldan sağa hərəkət edir, oyunçu hoppanaraq kaktuslardan və ya əyilərək pterozavr kimi qarşıdan gələn maneələrdən qaçmağa çalışır.[5] space, ↑ düymələrini basaraq yaxud mobil cihazlarda dinozavra basmaq vasitəsilə dinozavrın hoppanmasına, ↓ düyməsinə basmaqla isə əyilməsinə nail olunur. Oyun irəllədikcə, yaxud oyunçu dinozavrı hər hansı bir maneəyə vurana qədər oyunun sürəti yavaş-yavaş çoxalır və oyunun başa çatma ehtimalı getdikcə artır.
Oyunçu təxmini 700 xala çatdıqdan sonra oyun ağ fonda tünd qrafikadan qara fonda boz qrafikaya keçir, gündüzdən gecəyə keçişi təmsil edir, gündüz səma qrafikası da gecə səma qrafikinə çevrilir.[a] Oyunun teması daha sonra oyun irəlilədikcə dəyişir.[6][7] Oyun Təbaşir-Paleogen dövrünün məhv olması[ing.] hadisəsi zamanı tirannozavrın nəslinin kəsilməsindən əvvəl nə qədər vaxt mövcud olduğuna istinad edərək, təxminən 17 milyon illik oynanma vaxtından sonra maksimum xala çatılacaq şəkildə tərtib edilmişdir.[8]
Əgər şəbəkə administratoru oyunu deaktiv edərsə, oyunu oynamağa cəhd edərkən oyunçu dinozavra doğru gələn meteor toplarını görəcək.[9]
Oyun 2014-cü ildə Sebastiyan Qabriyel, Alan Bettes və Edvard Cunqdan ibarət "Chrome UX" komandasının üzvləri tərəfindən yaradıldı.[10] Qabriyel "Lonely T-Rex" (azərb. Tənha T-Reks) adlı oyunçu personajını dizayn etdi.[3] Təkmilləşdirmə zamanı oyuna "T. Rex" qrupunun solisti Mark Bolana istinad edilərək "Project Bolan" kod adı verildi. dinozavrı oyunun funksiyasına ona görə seçiblər ki, bu zarafat internet bağlantısının olmaması "tarixdən əvvəlki dövrlərdə" yaşamağa bərabərdir deməkdir. Oyun 2014-cü ilin sentyabrında buraxıldı, əvvəlcə köhnə cihazlarda işləmədi, buna görə də kod eyni ilin dekabrında yeniləndi və yenidən buraxıldı.[11] Pterozavrlar 2015-ci ildə brauzer yeniləməsi ilə maneə kimi əlavə edildi.[12]
2018-ci ilin sentyabrında "Chrome"un 10-cu və oyunun 4-cü ad gününü qeyd etmək münasibətilə oyuna bir pasxa yumurtası əlavə edildi, səhrada bir doğum günü tortu peyda oldu və əgər tortun "yeyildiyi" halda "Lonely T-Rex"də doğum günü papağı göründü.[13] Həmin ilin noyabr ayında "Google" oyunçunun yüksək xalını qeydə almaq üçün bir funksiya əlavə etdi.[14] Oyunun mənbə kodu "Chromium" saytında mövcuddur.[15]
2021-ci ildə "Google" mart ayında "iOS 14" üçün oyunçuları chrome://dino bağlantısına yönləndirən vidgeti təqdim etdi;[16] oxşar bir vidgeti həmin ilin sonunda Android üçün də təqdim etdi.[17] İyul ayında 2020 Yay Olimpiya Oyunları üçün müxtəlif olimpiya fəaliyyətlərini simulyasiya edən olimpiya məşəli pasxa yumurtası əlavə olundu.[18] Məşələ çatdığında dino üzgüçülük, qaçış və bir çox fərqli Olimpiya oyunları ilə qarşılaşır. Adi kaktuslar və pterozavr maneələri yerinə artıq Olimpiyada ilə əlaqəli çətinliklərlə qarşılaşır.[19]
2024-cü ildə "Google I/O" tədbirində generativ süni intellektə sahib versiyası təqdim olundu. Oyunlarda generativ süni intellektin istifadəsinə nümunə olaraq, oyunçulara oyun üçün əvvəlcədən hazırlanmış əşyalar hədiyyə edilmişdir.[20]
Oyun yaradıcıların 2018-ci ilin sentyabrında ayda təxminən 270 milyon oynandığını bildirməsi ilə geniş miqyasda tanındı.[8]
2021-ci ilin iyulunda "Awesome Foundation"[ing.] xeyriyyə təşkilatının köməyi ilə gənclər tərəfindən Ermənistanın Loru rayonunun Güləkərək kəndində oyun personajı dinozavra aid heykəl yaradılmışdır.[21]
Oyuna "Simpsonlar"ın 34-cü mövsümünün premyerası "Habeas Tortoise"ın "couch gag" açılış kadrında göndərmə edilir.[22][23][24]
2020-ci ilin mayında "Microsoft Edge" yenilənməsi oyunçuların əngəllərdən qaçmağa və gücləndiricilər toplamağa çalışan bir sörfçünü idarə etdiyi "Surf" oyununu əlavə etdi. "Dinosaur Game" kimi, brauzer oflayn ikən bir xəta səhifəsindən oyuna daxil olmaq mümkündür. Oyun personajı fərdiləşdirməyə və müxtəlif idarəetmə sxemlərinin istifadəsinə imkan verir.[25]
2020-ci ilin avqustunda "MSCHF" və "100 Thieves" şirkətləri "Dino Swords" adlı oyunun kiçik bir silah arsenalından və zamanı yavaşladan həbblərdən ibarət modifikasiya edilmiş bir versiyasını yaratmaq üçün ortaqlıq qurdular, yanlış idarə olunduqda silahlar əks nəticə verə və dinozavra zərər verə bilər.[26]
- ↑ Oyunu gecə rejimində oynayanlar üçün oyun gecə qrafikasında başlacaq.
- ↑ "Dinosaur Game". Dinosaur Game (ingilis). 29 fevral 2024 tarixində arxivləşdirilib. İstifadə tarixi: 1 mart 2024.
- ↑ Li, Abner. "Chrome 90 for iPhone rolling out with search, Dino widgets". 9to5Google. 10 may 2021. 10 may 2021 tarixində arxivləşdirilib. İstifadə tarixi: 10 may 2021.
- ↑ 1 2 Tumblison, Craig. "Interview with Sebastien Gabriel, a Google Chrome Visual Designer". OMG! Chrome!. 7 mart 2014. 26 mart 2015 tarixində arxivləşdirilib. İstifadə tarixi: 11 oktyabr 2020.
- ↑ Biersdorfer, J. D. "When Dinosaurs Roam in Chrome". The New York Times. 14 noyabr 2017. 15 noyabr 2017 tarixində arxivləşdirilib. İstifadə tarixi: 3 sentyabr 2018.
- ↑ Roshan, Azar. "Google Easter Eggs: 15+ Best Google Easter Eggs & Google Tricks 2017". Feeds You Need. 5 avqust 2017. 5 avqust 2017 tarixində orijinalından arxivləşdirilib. İstifadə tarixi: 11 oktyabr 2020.
- ↑ Sneddon, Joey-Elijah. "This is Chrome's Newest Easter Egg. And It's Awesome". OMG! Chrome!. 25 sentyabr 2014. 22 yanvar 2015 tarixində arxivləşdirilib. İstifadə tarixi: 19 dekabr 2021.
- ↑ Matos, Clinton. "Google Chrome's offline "Dinosaur Game" now has a day-night cycle". HTXT. 20 may 2016. 21 may 2016 tarixində arxivləşdirilib. İstifadə tarixi: 7 iyun 2016.
- ↑ 1 2 "As the Chrome dino runs, we caught up with the Googlers who built it". The Keyword. 6 sentyabr 2018. 8 sentyabr 2018 tarixində arxivləşdirilib. İstifadə tarixi: 18 iyun 2021.
- ↑ "How to disable Dinosaur game in Google Chrome when device is offline". The Windows Club. 31 mart 2021. 31 mart 2021 tarixində arxivləşdirilib. İstifadə tarixi: 22 oktyabr 2021.
- ↑ "Dinosaur Game". Poki. 12 avqust 2020 tarixində arxivləşdirilib. İstifadə tarixi: 18 dekabr 2021.
- ↑ Hughes, Matthew. "4 years later, Google finally explains the origins of its Chrome dinosaur game". TheNextWeb. 7 sentyabr 2018. 11 aprel 2021 tarixində arxivləşdirilib. İstifadə tarixi: 19 dekabr 2021.
- ↑ Sneddon, Joey-Elijah. "Chrome's Hidden Dinosaur Game Just Got Even Better". OMG! Chrome!. 18 iyun 2015. 5 sentyabr 2015 tarixində arxivləşdirilib. İstifadə tarixi: 18 dekabr 2021.
- ↑ Torres, JC. "Chrome T-Rex offline game parties with birthday hat, cake". SlashGear. 4 sentyabr 2018. 5 sentyabr 2018 tarixində arxivləşdirilib. İstifadə tarixi: 16 sentyabr 2018.
- ↑ Kerns, Taylor. "Show off your Chrome dino-game skills with the arrival of cross-device high score sync". Android Police. 30 noyabr 2018. 1 dekabr 2018 tarixində arxivləşdirilib. İstifadə tarixi: 20 yanvar 2021.
- ↑ Agarwal, Amit. "Play the Dinosaur Game Hidden inside your Google Chrome". Digital Inspiration. 26 oktyabr 2015. 21 yanvar 2015 tarixində arxivləşdirilib. İstifadə tarixi: 19 dekabr 2021.
- ↑ Abrams, Lawrence. "Google is adding its Dinosaur Game as an iPhone widget". Bleeping Computer. 17 aprel 2021. 18 aprel 2021 tarixində arxivləşdirilib. İstifadə tarixi: 19 dekabr 2021.
- ↑ Bradshaw, Kyle. "Android is getting a homescreen widget for Chrome's famous 'Dino Run' game". 9to5Google. 19 iyul 2021. 19 iyul 2021 tarixində arxivləşdirilib. İstifadə tarixi: 22 aprel 2022.
- ↑ Bradshaw, Kyle. "Chrome's Dino Run game gains in-depth Tokyo Olympics easter egg". 9to5Google. 21 iyul 2021. 21 iyul 2021 tarixində arxivləşdirilib. İstifadə tarixi: 23 iyul 2021.
- ↑ Finn, John. "How To Find & Play Chrome's 'Dino Run' Olympics Easter Egg Game". Screen Rant. 22 iyul 2021. 23 oktyabr 2022 tarixində arxivləşdirilib. İstifadə tarixi: 31 mart 2023.
- ↑ "Create a Custom Chrome Dino Game With GenDino". howtogeek. 26 may 2024 tarixində arxivləşdirilib. İstifadə tarixi: 21 sentyabr 2024.
- ↑ "The famous Chrome Dinosaur "No Internet" in Gyulagarak, Armenia". 8 dekabr 2023 tarixində arxivləşdirilib. İstifadə tarixi: 8 avqust 2024.
- ↑ Wang, Jules. "The Simpsons run Chrome's offline desert gauntlet in latest couch gag". Android Police (ingilis). 26 sentyabr 2022. 8 oktyabr 2022 tarixində arxivləşdirilib. İstifadə tarixi: 26 sentyabr 2022.
- ↑ Li, Abner. "'The Simpsons' 'couch gag' pays tribute to Chrome Dino game". 9to5Google (ingilis). 26 sentyabr 2022. 19 dekabr 2022 tarixində arxivləşdirilib. İstifadə tarixi: 26 sentyabr 2022.
- ↑ Reichert, Corinne. "The Simpsons Season 34 Opening Couch Gag Pays Homage to Chrome's T-Rex Game". CNET. 26 sentyabr 2022. 26 sentyabr 2022 tarixində arxivləşdirilib. İstifadə tarixi: 27 sentyabr 2022.
- ↑ Warren, Tom. "Microsoft is adding a secret SkiFree-like surfing game into its Edge browser". The Verge (ingilis). 26 fevral 2020. 14 aprel 2022 tarixində arxivləşdirilib. İstifadə tarixi: 25 mart 2022.
- ↑ Alexander, Julia. "Google's Dinosaur browser game gets a dope mod that includes double swords". The Verge. 24 avqust 2020. 24 avqust 2020 tarixində arxivləşdirilib. İstifadə tarixi: 20 yanvar 2021.