"Dinc birgəyaşayışın beş prinsipi" (çin. 和平共处五项原则) və ya "pança şila" (hind. पंचशील ) — 1954-cü ildə Hindistan ilə Çin arasında imzalanmış müqavilə.
| Dinc birgəyaşayışın beş prinsipi |
|---|
Çin və Hindistan arasında 1949-cu ildə Tibetlə bağlı başlayan münaqişədən sonra 1954-cü ildə Hindistan–Çin Tibet sazişinin imzalanması ilə münasibətlər normallaşmışdı. Hindistan Tibeti Çinin bir hissəsi kimi tabımışdır. Bu müqavilə "pança şila" (dinc birgəyaşayışın) adlanan beş prinsipi elan etmişdir:[1]
- Ərazi bütövlüyünə və suverenliyinə qarşılıqlı hörmət.
- Qeyri-aqressivlik.
- Daxili işlərə qarışmamaq.
- Bərabərlik və qarşılıqlı fayda.
- Dinc birgəyaşayış.
Cəvahirləl Nehrunun rəhbərliyi altında "Hindi çini bhay bhay " şüarı (hərf. "Hindlilər və çinlilər qardaşdır") irəli sürülmüşdür. 1955-ci ildə SSRİ–Hindistan dostluğuna dair oxşar şüar "Hindi rusi bhay bhay" meydana çıxmışdır. Dinc birgəyaşayış təşəbbüsü 1962-ci il Çin–Hindistan sərhəd müharibəsi ilə sona çatmışdır.[1]