Dildora Aripova (tam adı: Dildora Dilşod qızı Aripova; 29 yanvar 2004[1], Daşkənd[2]) — özbəkistanlı idman gimnastı. O, Özbəkistanı yeniyetmələr arasında keçirilən ilk Dünya çempionatında təmsil edib.
| Dildora Aripova Дильдора Арипова | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Şəxsi məlumatlar | ||||||||||||||||||||
| Doğum tarixi | 29 yanvar 2004[1] (21 yaş) | |||||||||||||||||||
| Doğum yeri | ||||||||||||||||||||
| Gimnastika karyerası | ||||||||||||||||||||
| Təmsil etdiyi ölkə |
 Özbəkistan |
|||||||||||||||||||
| Gimnastika növü | idman gimnastikası | |||||||||||||||||||
| Baş məşqçisi | Elvira Rakova | |||||||||||||||||||
|
Medallar
|
||||||||||||||||||||
 Vikianbarda əlaqəli mediafayllar | ||||||||||||||||||||
Dildora Aripova Özbəkistanın Daşkənd şəhərində anadan olub. O, 2010-cu ildə idman gimnastikası ilə məşğul olmağa başlayıb və 2016-cı ildə Özbəkistan yığma komandasının üzvü olub.[3]
Aripova beynəlxalq debütünü gimnastika üzrə gənclər arasında keçirilən Asiya çempionatında edib. O, çoxnövçülükdə 9-cu, müxtəlif hündürlüklü qollarda 5-ci, döşəmə hərəkətində isə 8-ci yeri tutdu.[4] Dildora 2017-ci ildə Voronin Kubokunda yarışmış, burada çoxnövçülükdə rusiyalı Aleksandra Şçekoldina və Vladislava Urazova və həmyerlisi Anastasiya Miroşniçenkodan sonra dördüncü yeri tutdu. Sərbəst hərəkətlərdə 5-ci, müxtəlif hündürlüklü qollarda 4-cü və döşəmə hərəkətində 2-ci oldu.[5]
Aripova 2018-ci il mövsümünə Almatıda keçirilən Prezident Kubokunda mübarizə apararaq başladı. O, çoxnövçülük, dayaqlı tullanma, sərbəst hərəkətlərdə və döşəmə hərəkətlərində qızıl medal, müxtəlif hündürlüklü qollarda isə gümüş medal qazandı.[6] O, növbəti dəfə 2018-ci il yeniyetmələrin Asiya çempionatında iştirak etdi və burada müxtəlif hündürlüklü qollar və döşəmə hərəkətlərində altıncı oldu və Özbəkistanın dördüncü yeri tutmasında böyük rol oynadı.[7] Sonra, Tournoi International-da yarışan Aripova on dördüncü oldu və Voronin Kubokunda çoxnövçülükdə yeddinci, dayaqlı tullanmada dördüncü və döşəmə hərəkətlərində isə səkkizinci oldu.
2019-cu ilin iyun ayında Aripova yeniyetmələr arasında keçirilən ilk Dünya çempionatında Anastasiya Miroşniçenko və Anna Silnova ilə birlikdə yarışdı. Aripova çoxnövçülükdə 34-cü yeri tutaraq, ikinci ən yüksək yer tutan Özbəkistan gimnastı oldu.[8] Dekabr ayında o, Voronin Kubokunda yarışdı və burada çoxnövçülükdə və tarazlıqda üçüncü, dayaqlı tullanmada dördüncü, döşəmə hərəkətində beşinci və müxtəlif hündürlüklü qollarda isə altıncı yeri tutdu.[9]
Aripova 2020-ci ildən artıq böyüklər arasında yarışlarda iştirak etməyə başladı. Lakin, bu vaxt yarışların əksəriyyəti qlobal COVID-19 pandemiyası səbəbindən ya ləğv edildi, ya da təxirə salındı.[10] O, böyüklər arasında beynəlxalq debütünü Varna Çağırış Kubokunda etdi, burada Hanna Şuyo ilə bərabər şəkildə döşəmə hərəkətlərini birinciliklə bitirdi. Oktyabr ayında Aripova, Anastasiya Miroşniçenko, Giunaz Cumabekova və Ominaxon Xəlilova ilə birlikdə Cənubi Mərkəzi Asiya çempionatında çıxış etdi. Onlar komanda şəklində birinci, Aripova isə fərdi olaraq çoxnövçülükdə üçüncülük xalını qazansalar da, Miroşniçenko və Xəlilova daha yüksək xal toplamış olduqları üçün yer tutmadılar. O, iki tədbirin finalına vəsiqə qazandı. Tədbirin final mərhələsində Aripova müxtəlif hərəkətli qollarda və gimnastika tirində qızıl medal qazandı.[11]
Aripova Qahirə Dünya Kubokunda da çıxış edib. O, müxtəlif hündürlüklü qollarlarda səkkizinci yeri tutsa da, macar Dorina Dorina Boçöqödən sonra döşəmə hərəkətində gümüş medal qazandı.[12] Növbəti dəfə Bakı Dünya Kubokunda çıxış edən Dildora, döşəmə hərəkətində üçüncü oldu. Aripova Asiya çempionatında çoxnövçülükdə on ikinci yeri tutdu və 2022-ci ilin Dünya çempionatında fərdi yarışlarda iştirak etmək hüququnu qazandı.[13] Bundan əlavə, o, döşəmə hərəkətlərinin finalında dördüncü yeri tutdu.
Avqust ayında Aripova İslam Həmrəyliyi Oyunlarında Oksana Çusovitina və Ominaxon Xəlilova ilə birlikdə yarışdı. Onlar komanda olaraq Türkiyədən sonra ikinci oldular. Aripova fərdi olaraq çoxnövçülükdə Bengisu Yıldızdan sonra ikinci yeri tutsa da, tarazlıqda qızıl medal qazandı.
- ↑ 1 2 https://jwchgyor2019.hu/media/files/C32GA_Entry_List_By_NOC_Men_MenJun.pdf.
- ↑ 1 2 https://gymnastics.sport/site/athletes/bio_detail.php?id=37831&type=licence.
- ↑ "ПРОФИЛЬ СПОРТСМЕНА". Uzbekistan Gymnastics Federation (rus).
- ↑ "2017 Asian Junior Championships". The Gymternet. May 17, 2017.
- ↑ "2017 Voronin Cup Results". The Gymternet. December 20, 2017.
- ↑ "Milad Karimi Won His First Competition Of The Season". Gymnovosti. February 16, 2018.
- ↑ "2018 Asian Junior Championships Results". The Gymternet. April 30, 2018.
- ↑ "2019 Junior World Championships Results". The Gymternet. July 2, 2019.
- ↑ "2019 Voronin Cup Results". The Gymternet. December 2, 2019.
- ↑ "Kovtun claims two golds, Perebinosova wins full set of medals in Varna". International Gymnastics Federation. May 31, 2021.
- ↑ "Anastasiya stars as Uzbeks ooze with delight". The Daily Star (Bangladesh). October 29, 2021.
- ↑ "Armenian, Ukrainian gymnasts earn golden triples at Cairo Apparatus World Cup". International Gymnastics Federation. March 22, 2022.
- ↑ "Kovtun's fourth consecutive title leads Ukraine to distinction at Baku World Cup". International Gymnastics Federation. April 4, 2022.