Diclə Koğacıoğlu (türk. Dicle Koğacıoğlu; sentyabr 1972 – oktyabr 2009) — türk sosioloq, feminist və aktivisti.[1][2]
| Diclə Koğacıoğlu | |
|---|---|
| Doğum tarixi | sentyabr 1972 |
| Vəfat tarixi | oktyabr 2009 (37 yaşında) |
| Fəaliyyəti | sosioloq |
O, Türkiyədə feminist hərəkatının önəmli simalarından biri olub. Türkiyədə hüquq sosiologiyası sahəsinin inkişafına və bu sahədə gender bərabərliyinin qəbul edilməsinə mühüm töhfələr verib.
Koğacıoğlu 1972-ci ildə İzmirdə anadan olub. 1999-cu ildə Boğaziçi Universitetinin Sosiologiya fakültəsini bitirdikdən sonra Stoni Bruk Universitetinin "Qadın çmalışmaları" bölməsində elmi işçi vəzifəsində çalışıb. 1997-1998-ci illərdə "Müsəlman Yaxın Şərqində Konstitusiya hüququ və siyasi institutların modernləşdirilməsi" adlı beynəlxalq layihədə elmi işçi, həmin il Human Rights Watch (HRW) təşkilatının "Türkiyədə fikir azadlığı" layihəsində məsləhətçi və tərcüməçi kimi fəaliyyət göstərib.
Koğacıoğlu 1999-cu ildə Boğaziçi Universitetində Sosiologiya fakültəsində müəllim kimi fəaliyyətə başlayıb. 1999-cu ildə İzmit zəlzələsindən sonra İzmit Doğukışla Reabilitasiya Mərkəzində travma almış uşaqlar üçün "Qadın İnsan Hüquqları layihəsi"nin layihə koordinatoru və eyni dövrdə "Müsəlman cəmiyyətlərində qadın və cinsiyyət" kitabının redaktor köməkçisi kimi çalışıb.
Diclə xanım 2002-2004-cü illərdə Kolumbiya Universitetində və Braun Universitetinin Pembrok Qadın Araşdırma Mərkəzində postdoktorluq tədqiqatlarını davam etdirmişdir. 2005-ci ildə Sabancı Universiteti İncəsənət və Sosial Elmlər fakültəsində müəllim kimi fəaliyyətə başlayan Diclə Koğacıoğlu, Mədəniyyətşünaslıq bakalavr və magistr proqramlarına və gender tədqiqatlarının inkişafına mühüm töhfələr vermişdir. Türkiyədə feminist hərəkatın önəmli simalarından biri olan Koğacıoğlu, Amargi və Bir-birimizə dəstəyik kimi təşkilatların aktiv üzvü kimi fəaliyyətini davam etdirib.
Diclə Koğacıoğlunun Türkiyədə hüquq sosiologiyası sahəsinin inkişafına və bu sahədə genderin əhəmiyyətinin tanınmasına mühüm töhfələr verən "Türkiyədə Vətəndaşlıq Konteksti: Təcrübələr və Anlamlar" adlı doktorluq dissertasiyası Yaxın Şərq mükafatları və Livan Siyasət Araşdırmaları Mərkəzinin Orta Şərq Araşdırmaları yarışmasında laureat olub. Onun namus cinayətlərində hüquq və dövlətin həlledici rolunu vurğulayan məqalələri həm beynəlxalq akademik araşdırmalarda, həm də Türkiyədə bu gündə istifadə edilir.
Diclə Koğacıoğlu 2009-cu ildə vəfat edib. O, ölümündən əvvəl ədalət proseslərinə çıxışla bağlı bir sıra araşdırmalar aparıb, həmçinin 12 sentyabr çevrilişinin vəkillər tərəfindən necə qəbul edildiyini də araşdırıb. Bu araşdırması Seda Kaləm və Tuğçe Əllialtı tərəfindən "Hüquqşünas avtobioqrafiyaları yolu ilə 12 sentyabr çevrilişinin dinamikasını düşünmək" başlığı ilə nəşr edilərək, European Journal of Turkish Studies-də dərc olunub.
Sabancı Universiteti "İncəsənət və Sosial Elmlər" fakültəsində 2010-cu ildən etibarən Diclə Koğacıoğlunun xatirəsinə həsr edilmiş hər il təkrarlanan məqalə mükafatı müsabiqəsi təşkil edilir.
Diclə Koğacıoğlunun namus cinayətləri ilə bağlı yazdığı akademik araşdırmalardan bəziləri aşağıdakılardır:
- ↑ "Dicle Hoca'nın ardından". 8 Mart 2016 tarixində arxivləşdirilib. İstifadə tarixi: 7 Mart 2016.
- ↑ "Dicle Hoca'nın ardından". 8 Mart 2016 tarixində arxivləşdirilib. İstifadə tarixi: 7 Mart 2016.
- ↑ [1] Arxiv surəti 8 mart 2016 tarixindən Wayback Machine saytında Arxivləşdirilib 2016-03-08 at the Wayback Machine
- ↑ [2]