Demis Russos (yun. Ντέμης Ρούσος, əsl adı Artemios Venturis Russos, yun. Αρτέμιος Βεντούρης Ρούσος; 15 iyun 1946, İsgəndəriyyə, Misir – 25 yanvar 2015, Afina, Yunanıstan) — yunan müğənnisi.
| Demis Russos | |
|---|---|
| yun. Ντέμης Ρούσος | |
 | |
| Ümumi məlumatlar | |
| Doğum adı |
Artemios Venturis Russos (yun. Αρτέμιος Βεντούρης Ρούσος) |
| Doğum tarixi | |
| Doğum yeri | İsgəndəriyyə, Misir |
| Vəfat tarixi | [1] (68 yaşında) |
| Vəfat yeri | Afina, Yunanıstan |
| Vəfat səbəbi | mədə xərçəngi, mədəaltı vəzin xərçəngi, qaraciyər xərçəngi |
| Dəfn yeri | |
| Milliyyəti |
 Yunanıstan |
| Musiqiçi məlumatları | |
| Fəaliyyəti | Müğənni, gitaraçı |
| Fəaliyyət illəri | 1963 — indiyədək |
| Janrlar | Pop, Pop-folk, Proqressiv rok |
| Musiqi alətləri | gitara, bas-gitara, truba |
| Səs tembri | lirik tenor[d], Tenor-altino |
| Albom şirkətləri | Mercury Records[d] |
| Əlaqələri |
Aphrodite's Child Vangelis The Idols |
| Mükafatları |
 |
 Vikianbarda əlaqəli mediafayllar | |
15 iyun 1946-cı ildə Misirin İsgəndəriyyə şəhərində yunan əsilli ailədə dünyaya gəlmiş, 1956-cı il Süveyş böhranından sonra ailəsi ilə birlikdə Yunanıstana köçmüşdür.
Russos 1963-cü ildə Vangelis və Lukas Sideras ilə birlikdə "Aphrodite's Child" qrupunun əsasını qoymuşdur. 1968-ci ildə Yunanıstandakı hərbi çevrilişdən sonra qrup üzvləri Parisə köçdülər və burada özlərinin "Rain & Tears" mahnısı ilə məşhurluq qazandılar.
1971-ci ildə Russos qrupu tərk etdi və solo karyerasına başladı, amma keçmiş qrup üzvü Vangelislə əməkdaşlığını davam etdirdi və bu əməkdaşlığın nəticəsi olaraq 1977-ci ildə "Magic together" albomunu çıxardı. Onların ən məşhur birgə işi isə Oskar mükafatına layiq görülmüş "Alovlu döyüş arabaları" ("Chariots of Fire") filminin musiqisi — "Race to the End" və onun ispan dilindəki versiyası "Tu Libertad" oldu. Russos həmçinin Vangelisin 1982-ci ildə Filip Dikin əsəri əsasında çəkilmiş "Ülgücün üzəri ilə qaçan" ("Blade Runner") filminə yazdığı "Tales of the Future" mahnısını da səsləndirmişdir.
1974-cü ildə Russos "Forever & Ever" albomu ilə uğur qazandı. Albomla eyni adlı mahnı həmin il bir sıra Avropa ölkələrində çartların zirvəsinə qalxdı. "Happy То Be On An Island In The Sun" mahnısı isə Britaniya hit-paradlarında 5-ci yerədək yüksəldi.
1975-ci ildə onun 3 plastik valı 10 ən yaxşı albomun siyahısında yer tutub. Sənətçi yaradıcılığı boyunca 29 albom buraxıb.[3]
O, 1985-ci il iyunun 14-də ərəb terroçuları tərəfindən qaçırılmış TWA şirkətinə məxsus 847 nömrəli reysin sərnişinlərindən biri idi. Terrorçular hətta onun doğum gününü də təyyarədə qeyd etmişdilər. Onlar öz əsirlərindən birinin Avropada məşhur adam olmasına sevinirdilər.
Onun digər məşhur mahnıları sırasında "My Friend the Wind", "My Reason", "Velvet Mornings", "Goodbye, My Love, Goodbye", "Someday" və "Lovely Lady of Arcadia" qeyd edilə bilər.
Demis Russosun 3 evliliyindən 2 uşağı var — qızı Emili və oğlu Siril.
- On the Greek side of my mind (1971)
- Forever and ever (1973)
- My only fascination (1974)
- Auf Wiederseh'n (1974)
- Souvenirs (1975)
- Happy to be (1976)
- Die Nacht und der Wein (1976)
- Kyrila (1977)
- The Demis Roussos magic (1977)
- Ainsi soit-il (1977)
- Los super 2 LP (1977)
- Demis Roussos (1978)
- Universum (1979)
- Man of the world (1980)
- Roussos live! (1980)
- Demis (1982)
- Attitudes (1982)
- Reflection (1984)
- Senza tempo (1985)
- Greater love (1986)
- The story of… (1987)
- Come all ye faithful (1987)
- Le grec (1988)
- Time (1988)
- Voice and vision (1989)
- Insight (digər adı Morning has Broken) (1993)
- Demis Roussos in Holland (1995)
- Immortel (1995)
- Serenade (1996)
- Mon île (1997)
- Auf meinen Wegen (2000)
- Live in Brazil (2006)
- Demis (May 2009)
- ↑ "Πέθανε ο Ντέμης Ρούσσος - Τα μηνύματα του Αλιάγα στο Twitter (Demis Roussos died - The messages of Nikos Aliagas on Twitter". www.iefimerida.gr. 27 January 2015 tarixində arxivləşdirilib. İstifadə tarixi: 26 January 2015.
- ↑ Find a Grave (ing.). 1996.
- ↑ "Məşhur müğənni Demis Russos vəfat edib". 2015-01-29 tarixində orijinalından arxivləşdirilib. İstifadə tarixi: 2015-01-26.
