Daşrat Patel (ing. Dashrath Patel; 1927 – 1 dekabr 2010) — Hindistanlı dizayner və heykəltəraş. O, 1961-ci ildən 1981-ci ilə qədər Əhmədabaddakı Milli Dizayn İnstitutunun (NID) ilk müəllimlərindən biri olub.
| Daşrat Patel | |
|---|---|
 | |
| Doğum tarixi | 1927 |
| Vəfat tarixi | 1 dekabr 2010 (82–83 yaşında) |
| Fəaliyyəti | heykəltaraş, qrafik dizayner |
| Mükafatları |
  |
 Vikianbarda əlaqəli mediafayllar | |
O, 1981-ci ildə Hindistan hökuməti tərəfindən Padma Şri ordeninə, ardınca 2011-ci ildə ölümündən sonra Padma Bhuşan ordeninə layiq görülmüşdür.[1][2]
Daşrat Patel 1927-ci ildə Qücərat ştatının Sojitra şəhərində anadan olub. O, Çennai şəhərindəki Dövlət Təsviri İncəsənət Kollecində (1949–53) təsviri incəsənət təhsili almışdır. Ddaha sonra Parisdəki "École des Beaux-Arts"da (1953–1955) aspirantura təhsili aldığı müddətdə rəsm, heykəltəraşlıq və keramika üzrə bakalavr dərəcəsinə yiyələnib.[3]
O, müxtəlif incəsənət sahələrində rəssam, keramikaçı, qrafik dizayner, sənaye dizaynı və sərgi dizaynı kimi fəaliyyət göstərmişdir. Karyerasının əvvəlində o, 1950-ci illərdə Mumbaydakı "Bhulabhai Desai İnstitutu"nda sərgilər təşkil edib.[4] O, Əhmədabaddakı Milli Dizayn İnstitutunda dizayner və Sənaye Dizaynı üzrə müəllim kimi çalışmış, həmçinin institutda keramika şöbəsini yaratmışdır. 1981-ci ildə Milli Dizayn İnstitutundan ayrılmış və Varanasi yaxınlığındakı Sevapuridə Kənd Dizayn Məktəbini qurmuşdur.[5][6]
O, qısa sürən xəstəlikdən sonra 1 dekabr 2010-cu ildə 83 yaşında Əhmədabadda vəfat etmişdir.[7][8]
Ömrünün son on ilində əsasən Mumbay yaxınlığındakı Əlibaqda çalışmışdır və hazırda onun çoxsahəli əsərlərinin yerləşdiyi Daşrat Patel Muzeyi burada yerləşir.[9]
- ↑ "Padma Awards Directory (1954-2009)" (PDF). Ministry of Home Affairs. 10 may 2013 tarixində orijinalından (PDF) arxivləşdirilib.
- ↑ "Padma Awards Announced" (Press-reliz). Ministry of Home Affairs. 25 yanvar 2011.
- ↑ Ravindran, Shruti. "Purple Goldfish". Outlook India. 29 dekabr 2008. 20 fevral 2011 tarixində orijinalından arxivləşdirilib.
- ↑ Design Teachers: Dashrath Patel, Biography designindia.net.
- ↑ "Understanding Dashrath Patel". Frontline, Volume 16 - Issue 15. 17–30 iyul 1999. 2 iyul 2012 tarixində orijinalından arxivləşdirilib.
- ↑ Padmanabhan, Chitra. "Thinker in the visual realm". The Hindu. 12 dekabr 2010. İstifadə tarixi: 17 sentyabr 2018.
- ↑ "Dashrath Patel's death marks end of a design era". en:Zee News. 3 dekabr 2010.
- ↑ "DASHRATH PATEL MUSEUM". www.dashrath.in. İstifadə tarixi: 2 fevral 2021.
- ↑ "Remembering Dashrath Patel: 1927-2010". Narthaki. 23 dekabr 2010. 29 yanvar 2012 tarixində orijinalından arxivləşdirilib.