Vikipediya ?

Daşqın Qənbərov

Qənbərov Daşqın Məcid oğluBakı Dövlət Universiteti Tələbə Həmkarlar İttifaqı Komitəsinin sədri, hüquq üzrə fəlsəfə doktoru.

Daşqın Qənbərov
Daşqın Məcid oğlu Qənbərov
Daşqın Qənbərov.JPG
Doğum tarixi 19 avqust 1978 (1978-08-19) (41 yaş)
Doğum yeri Biləsuvar rayonu, Azərbaycan SSR, SSRİ
Elm sahəsi Hüquq
İş yeri Bakı Dövlət Universiteti Tələbə Həmkarlar İttifaqı Komitəsinin sədri
Mükafatları "Tərəqqi" medalı — 2010

Mündəricat

Həyatı

Daşqın Məcid oğlu Qənbərov 19 avqust 1978-ci ildə Azərbaycan Respublikası Biləsuvar rayonunda anadan olub.

Ailəlidir, dörd övladı var.

Elmi fəaliyyəti

  • 1996-cı ildə Bakı Dövlət Universitetinə daxil olmuşdur. Təhsilini fərqlənmə diplomu ilə bitirdiyinə görə universitet rəhbərliyi 2006-cı ildə onu Beynəlxalq münasibətlər və beynəlxalq hüquq fakültəsində "Beynəlxalq hüquq" ixtisası üzrə əyani doktoranturya qəbul etmişdir.
  • 2009–cu ildə "Beynəlxalq ekoloji standartlar və Azərbaycan Respublikasının qanunvericiliyi" mövzusunda namizədlik disstertasiyasını müvəffəqiyyətlə müdafiə edib 2011-ci ildə Azərbaycan Respublikası Prezidenti Yaninda Ali Attestasiya Komissiyasının qərarı ilə "hüquq üzrə fəlsəfə doktoru" elmi dərəcəsini almışdır. Elmi tədqiqat işi ilə paralel olaraq universitetdə pedoqoji fəaliyyətlə də məşğul olur.
  • Bakı Dövlət Universiteti Hüquq fakültəsinin "İnsan hüquqlarıvə informasiya hüquqi üzrə UNESCO" kafedrasının dosentidir. Müxtəlif yerli və beynəlxalq elmi konfranslarda çıxış etmiş, 30-dən artıq elmi məqalə dərc etdirmişdir. 2 dərs vəsaiti, 3 monoqrafiya, 2 fənn proqramının müəllifidir.
  • Təhsil aldığı müddətdə Universitetin ictimai həyatında aktiv iştirak etmiş, 2000-ci ildə BDU Tələbə Həmkarlar İttifaqı Komitəsinin sədr müavini, 2002-ci ildə sədrin I müavini seçilmişdir. 2006-cı ilin 27 noyabrında keçirilən BDU THİK-nin sədri seçkilərində kollektiv etimad göstərərək onu təşkilata sədr seçmişdir. Hazırda bu vəzifədə çalışır.

Mükafatları

  • 2009-2010-cu illərdə gənclər sahəsində gördüyü işlərə və səmərəli fəaliyyətinə görə Azərbaycan Respublikası Gənclər və İdman nazirliyi tərəfindən "Yaxşıların Yaxşısı" fəxri adına layiq görülüb və xatirə medalı ilə təltif olunub.
  • 2010-cu və 2011-ci illərdə BDU-nun rektoru akademik Abel Məhərrəmov tərəfindən "İl ərzində peşəkar, səmərəli və məhsuldar fəaliyyətinə gorə" Fəxri Fərmanlarla təltif olunub.
  • 2010–cu ilin iyun ayında Azərbaycan Respublikası Prezidenti İlham Əliyevin sərəncamı ilə "Azərbaycan təhsilinin inkişafındakı xidmətlərinə görə "Tərəqqi" medalı ilə təltif olunubdur.
  • 2014-cu ildə "Azərbaycan həmkarlar ittifaqlarında xidmətlərinə görə" medalı ilə təltif olunub. Bu medal həmkarlar sistemində ən ali mükafatdır.

Siyasi fəaliyyət

  • D.M.Qənbərov təhsil aldığı dövr ərzində siyasi fəaliyyətlə də aktiv məşğul olmuşdur. 2004-cü ildə Yeni Azərbaycan Partiyası Yasamal Rayon Gənclər Birliyinin İdarə Heyətinə üzv seçilmişdir.
  • 2005–ci ildə Yeni Azərbaycan Partiyası Gənclər Birliyinin II Konfransında Yeni Azərbaycan Partiyası Gənclər Birliyinin 25 nəfərdən ibarət İdarə Heyətinə üzv seçilmişdir.
  • 2000-ci ildən etibarən Azərbaycan Respublikasında keçirilən seçkilərdə Bakı şəhər Yasamal rayonu ərazisində Məntəqə Seçki Komissiyasının sədri kimi fəaliyyət göstərmiş və rəhbərlik etdiyi komissiyalar 2000, 2005 və 2010–cu illərin parlament seçkilərini, 2002 və 2009-cu ildə referendumları, 2004 və 2009-cü ildə bələdiyyə seçkilərini, 2003 və 2008–ci illərdə prezident seçkilərini yüksək səviyyədə təşkil etmişdir.
  • 17 yanvar 2012-ci ildə Yeni Azərbaycan Partiyası Yasamal Rayon Təşkilatının VII konfransında İdarə Heyətinə üzv seçilib.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019