Daşdəmir Qəhrəman oğlu İsayev (Дашдамир Гахраман оглы Исаев) — iqtisad elmi üzrə Рrofessor, Azərbaycan Respublikasının Əməkdar Müəllimi.

Daşdəmir İsayev
Daşdəmir Qəhraman oğlu İsayev
Doğum tarixi	30 dekabr 1936(87 yaş)
Doğum yeri	Qapanlı (Şəmkir), Azərbaycan SSR, SSRİ
Vətəndaşlığı	Azərbaycan
Milliyyəti	Azərbaycanlı
Həyat yoldaşı	Vətəngül İmamqulu qızı İsayeva
Uşaqları	İlqar İsayev, İlham İsayev, İlhamə Əkbərova
Atası	Qəhraman İsa oğlu Əliyev
Anası	Əzət Səməd qızı Əliyeva
Elm sahəsi	İqtisad elmi
Elmi adı	Professor
Təhsili	Ali Təhsil - Bakı Ali Partiya Məktəbi
Mükafatları

Daşdəmir Qəhrəman oğlu Isayev 30 dekabr 1936-cı ildə anadan olmuşdur. O, 1957-ci ildə Gəncə Sənaye Texnikumunu fərqlənmə diplomu ilə bitirmişdir. 1957-1959-cu illərdə Qırmızı Azərbaycan adına Gəncə Mahud fabrikasında usta köməkcisi və usta işləməklə yanaşı, fabrikanın partiya təşkilat katibi vəzifəsində də calışmışdır. Azərbaycan KP Gəncə Şəhər Komitəsi onu qabaqcıl istehsalatçı və partiya işçisi kimi 1959-cu ildə Dörd-illik Bakı Ali Partiya Məktəbinə oxumağa göndərmişdir. Həmin məktəbi 1963-cü ildə bitirərək ali və ali siyasi təhsil almış, öz istəyi və arzusu ilə Gəncə Dövlət Pedaqoji İnstitutunda siyasi iqtisad müəllimi işləməyə başlamışdır.

1966-1970-ci illərdə Azərbaycan EA İqtisadiyyat İnstitutun qiyabi aspirantı olmuş, siyasi iqtisad ixtisası üzrə 1970-ci ildə namizədlik və 1985-ci ildə doktorluq dissertasiyası müdafiə etmişdir. O, 1972-ci ildə dosent və 1993-cü ildə professor elmi adlarını almışdır. D. İsayev 1964-1971-ci illərdə baş müəllim işləməklə yanaşı, İnstitut partiya komitəsi katibinin müavini və yerli komitəsinin sədri vəzifələrində də calışmışdır.

Azərbaycan KP Mərkəzi Komitəsinin katibliyinin Ulu öndər Heydər Əliyevin sədrliyi ilə 1972-ci il aprelin 18-də keçirilən iclasında D. İsayev siyasi iqtisad kafedrasının müdiri təsdiq edilmişdir. Həmin kafedranın adı qismən dəyişdirilərək 1991-ci ildə “İqtisad nəzəriyyə” və 1999-cu ildə, “İqtisadiyyat” kafedrası adlandırılmışdır. O, 19 iyul 2016-cı ilə kimi həmin kafedranın müdiri olmuşdur.

D. Q. İsayevin elmi araşdırmaları istehsalın səmərəliliyinin əsas meyarı olan xalis ğəlirin (mənfəətin); məhsulun, xidmətlərin və hər yerdə işlərin keyfiyyətinin yüksəldilməsi problemlərinin; tələbələrdə yeni iqtisadi təfəkkürün formalaşmasının və Azərbaycanın Milli sərvətlərinin tədqiq edilməsinə yönəldilmişdir. D. İsayevin apardığı elmi-tədqiqat və elmi-metodiki işlərində irəli sürülən təkliflər və tövsiyələr nazirliklər tərəfindən bəyənilmiş, kitabca formasında çap edilib tətbiq uçun müxtəlif sahələrə, müəssisələrə və təsərrüfatlara göndərilmişdir. Tədqiqat işlərinin nəticələri haqqında Moskvada, Rostovda, Krasnodarda və Bakıda keçirilən elmi konfranslarda məruzələr etmiş və onların tezisləri Konfransların materiallarında çap olunmuşdur. O, elmi-tədqiqat və elmi-metodiki işlər sahəsində indiyə kimi xarici və respublika mətbuatında 92 kitab, kitabça və jurnallarda elmi məqalə nəşr etdirmişdir. Bunlardan başqa, onun 50-yə qədər qəzet məqaləsi vardır. Çap olunmuş əsərlərindən 2 elmi monoqrafiya – Azərnəşrdə, 3 dərs vəsaiti – Bakının müxtəlif nəşriyyatlarında, 4-ü – Moskva jurnallarında, 3-ü – Azərbaycan kommunisti jurnalında, 4-ü Azərbaycanın EA Xəbərləri jurnalında, 4-ü – Xalq Təsərrüfatı İnstitutunun Elmi Xəbərləri jurnalında və digər jurnallarda nəşr olunmuşdur.

D. İsayev 44 il kafedra müdiri, Universitetin Elmi Şurası və Fakültə Şuralarının üzvü kimi fəalliyət göstərmişdir. O, 53 il bir ali məktəbdə calışmışdır. D. İsayev uzun müddət Təhsil Nazirliyi Kolleqiyasının qərarı ilə Şəhərin Ali Məktəbləri İctimai Elm Müəllimlərinin daim fəaliyyət göstərən nəzəri seminarına, Büronun qərarı ilə Şəhər Partiya Komitəsinin yaninda yaradılmış İqtisadi şuraya və iqtisadi kinolektoriyaya başçılıq etmiş; Nazirliyin nəzdindəki Elmi-metodiki şuranin “İqtisadiyyat” bölməsinin üzvü olmuşdur.

D. İsayev Universitetdə işlədiyi 53 il ərzində üzərinə düşən bütün vəzifələri layiqincə və tələb olunan səviyyədə yerinə yetirmişdir. Ona görə də 2 medala, 5 zərbəci və qalib nişanlarına, “Azərbaycan Respublikasının Qabaqcıl Təhsil İşçisi” döş nişanına,  “Azərbaycan Respublikasının Əməkdar Müəllimi” fəxri adına layiq görülmüşdür. Bunlardan başqa o, dəfələrlə Təhsil Nazirlyinin, Şəhər rəhbərliyinin və Rektorluğun fəxri fərmanları, təşəkkürləri ilə təltif edilmişdir. Kommunist Partiyası sıralarını tərk etdikdən sonra birbaşa YAP-ın üzvlüyünə qəbul olunmuşdur.

D. İsayev 80 yaşının tamamlandığı ərəfədə özünün sağlamlığının müddətini uzatmaq və onu qorumaq məqsədi ilə kafedra müdiri və 0,5 ştat professor vəzifələrindən çıxmaq qərarına gəlmiş və bu barədə 19 iyul 2016-cı il tarixində rektora ərizə vermişdir. Universitetin rektoru İsayevin bu qərarını və xahişini ərizədə göstərilən tarixdə vermiş olduğu 1/296 saylı əmri ilə yerinə yetirmişdir.