Nürəddin Usubov adına Dağıstan Uşaq Respublika Kitabxanası — Dağıstannın paytaxtı Mahaçqala şəhərində yerləşən mərkəzləşmiş uşaq kütləvi mədəni maarif müəssisəsi. Kİtabxana İrçi Kazaka küçəsi, 10 ünvanında yerləşir.
| Nürəddin Usubov adına Dağıstan Uşaq Respublika Kitabxanası | |
|---|---|
 | |
 | |
| Ümumi məlumatlar | |
| Ölkə |
 Rusiya  Dağıstan |
| Tipi | uşaq kitabxanası |
| Yaradılıb | 19.5.1968 |
| Filiallar | 58 |
| Oxucu sayı | 16 min (2014) |
| Ünvan | 367030, Rusiya, Dağıstan, Mahaçqala, İrçi Kazaka küçəsi, 10 |
| Fondu | |
| Fondun həcmi | 99 mindən artıq (2014)[1] |
| Fondun tərkibi | kitablar, jurnallar, qəzetlər, rəsmi nəşrlər, xəritələr və s. |
| Digər məlumatlar | |
| Direktor | Sultanova Kubra Alievna |
| İşçi sayı | 52 |
Mahaçqala Şəhər Uşaq Kitabxanası 1968-ci ildə qurulmuşdur. Lakin onun rəsmi açılşı 1971-ci ildə baş tutmuşdur. Təntənəli açılışa Moskva, Kabardin-Balkar, Tatarıstan, Tacikistan, Moldova və Bolqarıstandan məşhur uşaq yazıçıları dəvət olunmuşdu. Açılışda qırmızı lenti paytaxt Moskvadan gəlmiş məşhur uşaq ədəbiyyatı yazıçıları Agnia Barto və Maria Prilejayeva kəsmişdirlər.[1]
Kitabxana fondu universaldır. Bu fonda yeni qəzet və jurnallar, populyar elmi ədəbiyyat, yerli və xarici bədii əsərlər, təhsilə kömək edəcək kitablar, cizgi və populyar elmi filmləri olan video lentlər, audio lentlər, şəffaf dəstləri, slaydlar, qrammofon qeydləri, kartpostal dəstləri, stolüstü oyunlar, plakatlar daxildir.
Kitabxana fondunun həcmi 99 mindən çox saxlama vahididir. Kitabxana oxuculara xidməti yaxşılaşdırmaq üçün yeni-yeni metodlar tətbiq edir. Son illərdə kitabxanada kataloqların elektronlaşdırılması prosesi aparılmışdır. O, cümlədən kitabxanaya gələn oxuculara fondlarda olan nəşrlərin elektron versiyası da təklif edilir. Xidmət üç ixtisaslaşdırılmış oxu zalı və iki abunəçi bölməsi tərəfindən təmin edilir.
Kitabxana strukturuna müxtəlif şöbə və bölmələr daxildir. Kitabxanada filiallar və gənc oxucularla işləmək üçün metodik mərkəz fəaliyyət göstərir. Kitabxana strukturunda kitab saxlama şöbəsi, komplektləşdirmə və emal şöbəsi, biblioqrafiya şöbəsi, metodik şöbə, incəsənət şöbəsi, dövri nəşrlər şöbəsi, xarici ədəbiyyat bölməsi, məktəbəqədər və ibtidai sinif şagirdlərinə xidmət şöbəsi, 5–9-cu sinif şagirdləri üçün xidmət şöbəsi daxildir.
Kitabxana hər il 16 mindən çox adama xidmət göstərir. Kitabların verilməsi 390 min nüsxədən çoxdur. Ziyarətlərin sayı ildə 165 mindən artıqdır.
18 fevral 2004-cü ildə Dağıstan Respublikası Dövlət Şurasının Fərmanı ilə kitabxanaya Dağıstan uşaq yazıçısı, məşhur Lak yazıçısı Yusupov Nuratdin Abakaroviçin adı verilmişdir.
- ↑ 1 2 "О библиотеке". 2016-03-19 tarixində arxivləşdirilib. İstifadə tarixi: 2016-05-24.
- "Республиканская детская библиотека Республики Дагестан им. Н. Юсупова". Всероссийский центр изучения чтения и литературы для детей.
- Официальный сайт библиотеки