Dəvəli yaşayış yeri — Orta əsr abidəsidir. Abidə Gümüşli kəndinin şimalında dağ silsiləsinin Arpaçaya enən yamacında yerləşir. Sahəsi 2 hektara yaxındır. Mədəni təbəqə saxlanmamışdır. Yerüstü materiallar çəhrayı rəngdə bişirilmiş sadə və şirli qab hissələrindən ibarətdir. Bəzi yerlərdə dairəvi və düzbucaqlı planda olan daş düzümlərinə, bəzən isə dördkünc formalı çalalara təsadüf olunur. Şirsiz saxsı məmulatı banka və kasa tipli qablarla təmsil olunmuşdur. Onların bəzisinin lentşəkilli qulpu var. Kasa tipli qablar narın qum qarışığı olan gildən hazırlanaraq yaxşı bişirilmiş, içərisində dulus çarxında fırlanma nəticəsində konsentrik izlər saxlanmışdır. Şirli saxsı məmulatı kasa tipli qablarla təmsil olunmuşdur. Qablar təmiz gildən səliqəli hazırlanaraq yaxşı bişirilmiş, hər iki üzdən göy rəngli şirlə örtülmüşdür. Yaşayış yerindən tapılan kaşı dördkünc formada olub künclərdə dəyirmiləşdirilmişdir. Gili ağ rəngdədir. Yaxşı bişirilmiş və üzəri göy şirlə örtülmüşdür. Dəvəli yaşayış yeri buradan aşkar edilmiş materiallar əsasında ХХVII əsrlərə aid edilir[1].
- ↑ Bахşəliyеv, Vəli. Nахçıvаnın аrхеоlоji аbidələri (PDF) (az.). Bakı: "Elm". 2008. 301s. 2019-04-12 tarixində arxivləşdirilib (PDF). İstifadə tarixi: 2019-04-12.