Dəniz kənarında Mançester[8] (ing. Manchester by the Sea) — 2016-cı ildə ekranlara çıxan ABŞ filmi.
| Dəniz kənarında Mançester | |
|---|---|
| ing. Manchester by the Sea | |
 | |
| Janr | dram filmi |
| Əsas mövzu | Bağlılıq[1], Borc[1] |
| Prodüserlər | |
| Baş rollarda | |
| Montajçı | Cennifer Leym[d] |
| Distribütor | Roadside Attractions[d], Amazon MGM Studios[d], InterCom[d][6] |
| İlk baxış tarixi | 23 yanvar 2016[7] |
| Müddət | 135 dəq |
| Büdcə | 8.500.000 $ |
| Gəlir | 38.966.212 $ |
| Ölkə | |
| Dil | ingilis dili |
| Rəng | rəngli[d] |
| IMDb | ID4034228 |
| Mükafatları |
 |
 Vikianbarda əlaqəli mediafayllar | |
Əsərin mərkəzində Li Çendler adlı kişi dayanır. O, Bostonda kiməsə aid olmayan, heç kəslə dərin bağ qurmayan, hər gecə içib dava edən bir adamdır. Təmir işlərində çalışır, kiçik bir yerdə tək yaşayır, həyatdan gözləntisi yoxdur. Bu adam keçmişdən qaçır, özündən qaçır, bağışlanma axtarmır. Çünki bilir ki, bəzi şeylər bağışlanmır. Əsər depressiya, günah hissi, məsuliyyət, pozulmuş ailə strukturları və travma sonrası stress pozğunluğu kimi mövzuları incə toxunuşlarla işləyir. Kennet Lonerqan psixoloji dərinliyə getməkdənsə, sadəcə həyatı olduğu kimi göstərir. Filmin mesajı belədir ki, bəzən böyük faciələrdən sonra həyat davam edir, ancaq əvvəlki kimi deyil.
2017-ci ildə "Oskar" mükafatına altı nominasiya alan film, "Ən yaxşı kişi rolu" və "Ən yaxşı orijinal ssenari" kateqoriyalarında qalib olub.
Li Çendler heç kəsə ehtiyacı yox kimi görünür. Bostonda yaşayış kompleksində işləyir. Kranları təmir edir, qapıları düzəldir, binalara baxır. İşini görür, evinə qayıdır. Həftələr beləcə keçir. Ətrafındakılar onunla salamlaşanda belə cavab almırlar. Bəzən danışmağa cəhd edirlər, Li isə özünü çəkir kənara. Baxışları soyuq, sifəti tutqun. Nəsə onu içdən yeyib qurtarıb. Fevralın çiskinli günlərindən birində zəng gəlir. Şimaldakı kiçik şəhərdən səsləyirlər. Qardaşı vəfat edib. Qəlb tutması. Heç kəs gözləmirdi. Hələ gənc idi, ancaq ürəyi tab gətirmədi. Li məlumatı eşidəndə donub qalır. Qardaşı onu dünyada tək yaxını idi. İndi o da yoxdu. Amma məsələ bununla qurtarmır. Qardaşının on altı yaşında oğlu var. Uşaq kimsəsiz qalıb. Sənədlərdə Li qəyyum göstərilib. Yeniyetməyə necə baxacaq? Özü düzgün yaşaya bilmir ki, başqasına nümunə olsun. Qəlbində dağlar var, yerindən tərpənməyən ağırlıqlar. Necə böyüdəcək bu uşağı? Amma daha ağır məsələ var. Şimala qayıtmaq gərəkir. O şəhərə, qaçdığı yerə. Orada xatirələr var, unutmaq istədiyi anlar. Bir zaman orada ailə qurmuşdu. Xoşbəxt günlər yaşamışdı. Sonra isə elə bir şey baş verdi ki, həyatı alt-üst oldu. Heç vaxt danışmadı bu barədə. Ağzına belə almadı. İndi məcburdur. Qardaşının uşağı var axı. Çantasını hazırlayır, maşına minir. Yol uzundur. Hər kilometr onu keçmişə yaxınlaşdırır. O şəhərdə hamı tanıyır onu. Hamı xatırlayır baş verənləri. Bəlkə də ona görə qaçmışdı oradan. Baxışlardan, suallardan, acıyan üzlərdən uzaqlaşmaq istəmişdi. Ancaq qaçış bitir. Həyat geri qaytarır onu ora. Qarşısında başqa yol yoxdur.
- ↑ 1 2 Bechdel Test Movie List (ing.).
- ↑ http://www.filmaffinity.com/es/film531382.html.
- ↑ http://www.imdb.com/title/tt4034228/fullcredits.
- ↑ 1 2 Lexicon of international films (alm.). Zweitausendeins.
- ↑ 1 2 Česko-Slovenská filmová databáze (çeş.). 2001.
- ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx.
- ↑ IMDb (ing.). 1990.
- ↑ https://modern.az/az/news/123248/
- Dəniz kənarında Mançester — IMDb səhifəsi
- Dəniz kənarında Mançester Rotten Tomatoes saytında (ing.)