Dəmirli (Ağdərə)
Dəmirli — Azərbaycan Respublikasının Ağdərə rayonunun Aşağı Oratağ kənd inzibati ərazi dairəsində kənd.[1] Azərbaycan Respublikası Milli Məclisinin 13 oktyabr 1992-ci il tarixli, 327 saylı Qərarı ilə ləğv edilmiş Ağdərə rayonunun Dəmirli kəndi Tərtər rayonunun inzibati tərkibinə verilmişdir.[2]
| Dəmirli | |
|---|---|
| 40°10′55″ şm. e. 46°44′30″ ş. u. | |
| Ölkə | |
| Region | Qarabağ iqtisadi rayonu |
| Rayon | Ağdərə rayonu |
| Tarixi və coğrafiyası | |
| Saat qurşağı | |
| Rəqəmsal identifikatorlar | |
| Telefon kodu | +994 026 |
| Nəqliyyat kodu | 32 |
  Dəmirli | |
Yerli əhali arasında Dəmirlər kimi də işlənir. Digər adı Xoruzlu (kəngərlilərin bir qolu olan xoruzlu kəngərlisinin adı) olmuşdur. Oykonim orada məskunlaşmış dəmirli nəslinin adı ilə adlandırılmışdır.[3]
Azərbaycan SSR-nin 1977-ci il üçün inzibati ərazi bölgüsünə görə, kəndin adı Dəmirli idi[4].
Kənd Ağdərə rayonunun tərkibində olub. Ağdərə erməni silahlı birləşmələri tərəfindən işğal edildikdən və Ağdərə rayonu ləğv edilib ərazisi qonşu rayonlar arasında bölüşdürüldükdən sonra Tərtər rayonunun ərazisinə düşüb.
İşğalçı separatçı qondarma rejim tərəfindən Dəmirli kəndi Tsağkaşen adlandırılırdı[5][6].
1993-cü ildən 10 noyabr 2020-ci ilə kimi Ermənistan Silahlı Qüvvələrinin işğalı altında olmuşdur. İkinci Qarabağ müharibəsinin nəticələrinə əsasən imzalanmış 10 noyabr 2020-ci il tarixli üçtərəfli bəyanata uyğun olaraq Dəmirli kəndi Rusiya sülhməramlı qüvvələrinin nəzarətinə keçmişdir. 2023-cü il sentyabrın 19-20-də Azərbaycan Ordusunun Qarabağda keçirdiyi antiterror əməliyyatı nəticəsində Dəmirli kəndi Azərbaycanın nəzarətinə qayıtmışdır.
5 dekabr 2023-cü ildə kənd Ağdərə rayonunun tərkibinə daxil edilib.[7]
Kənd dağətəyi ərazidə yerləşir.
Azərbaycanın ən böyük mis yataqlarından biri bu kənddə yerləşir. 2019-cu ildə Azersky peyklərinin təsvirləri vasitəsilə Dəmirli mədən yatağının 740 hektar ərazisində ermənilər tərəfindən geoloji kəşfiyyat, qazıntı-hasilat işlərinin və yeni infrastruktur elementlərinin (yol, bina, qurğu və s.) tikintisinin aparıldığı da müəyyənləşib.[8]
- ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 28 fevral 2024. 14 mart 2024 tarixində arxivləşdirilib (PDF). İstifadə tarixi: 5 aprel 2024.
- ↑ "Azərbaycan Respublikasının inzibati ərazi bölgüsündə qismən dəyişiklik edilməsi haqqında Azərbaycan Respublikası Milli Məclisinin 13 oktyabr 1992-ci il tarixli, 327 saylı Qərarı". 27 iyun 2022 tarixində arxivləşdirilib. İstifadə tarixi: 29 avqust 2022.
- ↑ Dəmirli (Ağdərə) // Azərbaycan toponimlərinin ensiklopedik lüğəti. I cild. Bakı: Şərq-Qərb. 2007. 304. ISBN 978-9952-34-155-3.
- ↑ Тәртиб едәнләр: Ч. Һ. Ибраһимов вә С. А. Мелников. АЗӘРБАЈҸАН ССР. ИНЗИБАТИ-ӘРАЗИ БӨЛҜҮСҮ. 1977-ҹи ил ЈАНВАРЫН 1-нә ОЛАН ВӘЗИЈЈӘТӘ ҜӨРӘ ТӘРТИБ ЕДИЛМИШДИР (ДӨРДҮНҸҮ НӘШРИ). Бакы: АЗӘРНӘШР. Редаксија һејәти: А. М. Исајев, Б. Ә. Будагов, Г. Ә. Гејбуллајев. Бәдии редактору М. Гулијев. Техники редактору М. Мәммәдов. Корректорлары А. Һүсејнова, К. Вәлијева. 1979. Səhifə 114.
- ↑ Vahe Sarukhanyan. "Azerbaijan Gives British Mining Company Three New Sites as Compensation for Sotk Mine". HETQ.am (ingilis). 19 dekabr 2022. 9 noyabr 2025 tarixində arxivləşdirilib. İstifadə tarixi: 31 yanvar 2026.
- ↑ "Наличное и постоянное население по административно-территориальному делению и полу" (PDF). Перепись населения НКР 2005 года (hy/en/ru). səh. 54. 2 mart 2011 tarixində arxivləşdirilib (PDF).
- ↑ "Azərbaycan Respublikasının Ağdərə rayonunun yaradılması haqqında Azərbaycan Respublikasının Qanunu" (az.). president.az (28 dekabr 2023 tarixində nəşr olunub). 5 dekabr 2023. 27 dekabr 2023 tarixində arxivləşdirilib. İstifadə tarixi: 27 dekabr 2023.
- ↑ "XİN və "Azərkosmos" birgə məlumat yayıb: Ermənistan Azərbaycanın təbii sərvətlərini talamaqda davam edir - FOTOLAR". 10 avqust 2019 tarixində orijinalından arxivləşdirilib. İstifadə tarixi: 21 avqust 2019.