Düylün hamamı — Ordubad rayonunun Düylün kəndində memarlıq abidəsi.
| Düylün hamamı | |
|---|---|
| Ölkə |
 Azərbaycan |
| Yerləşir | Düylün, Ordubad |
Hamam Naxçıvan Muxtar Respublikası Nazirlər Kabinetinin 2007-ci il 21 noyabr tarixli 98 nömrəli qərarı ilə ölkə əhəmiyyətli memarlıq abidələri siyahısına salınıb.
Hamam Ordubad rayonunun Düyülün kəndində yerləşir.[1] Quruluşuna və memarlıq üslubuna görə hamam orta əsrlərə aid olunur.[1] . Zalın divarları boyunca çatma tağbənd formasında üç ədəd dərin tağçalar (1,5x2 m; 1,5x1,5 m) yerləşdirilib. Soyunma zalının tavanı dairəvi formalı günbəzlə tamamlanır.[1]
Abidə yarım dağılmış vəziyyətdədir. Planlaşdırma quruluşuna görə orta əsr hamamlarının təkrarıdır. Hamam girişdə böyük vestübüldən ibarətdir. Dar keçidlə hamamın soyunma zalına girilir. Hamamın mərkəzi soyunma zalı kəsik küncləri olan kvadrat formaya (4,5x4,5m) malikdir. Mərkəzi salon səkkizbucaqlı formadadır. Zalın divarları boyunca 3 ədəd dərin (1,5x2m, 1,5x1,5m) taxçalar yerləşdirilib. Taxçaların üstü çatmatağ formasında, zalın tavanı isə dairəvi günbəzlə örtülüb. Soyunma zalı ilə yuyunma zalını düzbucaqlı formalı vestübül birləşdirir. Yuyunma zalı düzbucaqlı quruluşda olub dərin taxçalara ayrılır.
Hamamın xəzinəsi cənub tərəfdə yerləşir. Yuyunma otağı və ona birləşən otaqların altından isti hava verən kanallar gedirmiş. Hamama su saxsı boru vasitəsilə verilirmiş. Kanallardan biri xəzinəyə digəri isə yuyunma zalı və otaqların divarlarında yerləşdirilmiş borular vasitəsilə axaraq kiçik hovuzlara tökülürmüş. Hamamı qızdırmaq üçün samandan istifadə edirmişlər. Sal daşdan və çay daşından inşa olunmuş hamamı XVIII əsrə aid etmək olar.
- ↑ 1 2 3 Qənbərova, Güneri, 2018. səh. 105
- Qənbərova, Gülnarə; Güneri, Alaettin. Naxçıvanın mülki tikililərinin memarlığı (az.). Bakı: Nurlan nəşriyyatı. 2018. səh. 280. ISBN 978-9952-473-63-6.