Dürrə Əlabbas qızı Məmmədova-Kosmodemyanskaya — İkinci Dünya müharibəsi iştirakçısı, baş leytenant, SSRİ tibb xidməti əlaçısı, Azərbaycan SSR əməkdar səhiyyə işçisi (1981).[1]
| Dürrə Məmmədova | |
|---|---|
 | |
| Şəxsi məlumatlar | |
| Doğum tarixi | 25 dekabr 1923 |
| Doğum yeri | |
| Vəfat tarixi | 31 avqust 2005 (81 yaşında) |
| Vəfat yeri | |
| Hərbi fəaliyyəti | |
| Rütbəsi | baş leytenant |
| Təltifləri |
    |
Dürrə Məmmədova 25 dekabr 1923-cü ildə Şəki şəhərində anadan olub. 1940-cı ildə Şəkidəki Nuxa Əczaçılıq Texnikumunu bitirib. Bu zaman Dürrə xanımın 17 yaşı varidi. Müharibənin ilk günlərindən o, könüllü cəbhəyə gedərək, Qara Dəniz Donanmasında 43 №-li hərbi hospitalda xidmət etmişdir. Dürrə xanım Novorossiysk şəhərinin azad edilməsi uğrunda gedən döyüşlərdə 18-ci Ordunun tərkibində tibb işçisi kimi iştirak etmiş, 1948-ci ildə ordudan tərxis olunmuşdur. O, 1949–1951-ci illərdə Leninqradda (indiki Sankt-Peterburq), 1951–1961-ci illərdə Uzaq Şərqdə hərbi hospitallarda işləyib. 1961-ci ildən Bakıda, Baş Aptekler İdarəsi sistemində çalışıb.
- "Qırmızı Ulduz" ordeni
- II dərəcəli "Vətən müharibəsi" ordeni
- SSRİ tibb xidməti əlaçısı
- Azərbaycan SSR əməkdar səhiyyə işçisi (1981)
- Beynəlxalq Qızıl Xaç və Qızıl Aypara Hərəkatının ən ali mükafatı olan "Florens Naytingel" medalı (2005)
- ↑ Azərbaycan Qadın Ensiklopediyası. Bakı: Azərbaycan Milli Ensiklopediyası nəşriyyatı. 2002. səh. 22.