Dunyaxanım Əliyeva (Tam adı: Dünyaxanıım Yunus qızı Əliyeva; d. 1 iyun 1961, Azərbaycan, Lerik) — Dünya Azərbaycanlıları Konqresinin (DAK) Qadınlar Şurasının və "Dünya Ana və Uşaq" ictimai birliyinin sədri, Dunyaxeber.org saytının baş redaktoru.
| Dünyaxanım Əliyeva | |
|---|---|
| Dünyaxanıım Yunus qızı Əliyeva | |
| Doğum tarixi | |
| Doğum yeri | Azərbaycan, Lerik |
| Vətəndaşlığı |
 SSRİ→ Azərbaycan |
| Atası | Yunus |
| Milliyyəti | azərbaycanlı |
| Fəaliyyəti | Dünya Azərbaycanlıları Konqresinin (DAK) Qadınlar Şurasının və "Dünya Ana və Uşaq" ictimai birliyinin sədri |
| Mükafatları | |
Dünyaxanım Əliyeva 1961-ci ildə 1 iyun tarixində Lerik rayonunda anadan olmuşdur. 1963-cu ildə ailəsi ilə birlikdə Bakıya köçmüş, Bakı şəhər 70 nömrəli məktəbdə oxumuşdur. Məktəbi bitirdikdən sonra Azərbaycan Respublikasının Prezidenti yanında Dövlət İdarəçilik Akademyasına daxil olmuşdur. Dünya Azərbaycanlıları Konqresinin (DAK) Qadınlar Şurasının və "Dünya Ana və Uşaq" ictimai birliyinin sədridir. Dunyaxeber.org saytının baş redaktorudur.
Dünyaxanım Əliyeva 90-ci illərdən ölkənin ictimai həyatında fəallığı ilə seçilmiş, 1992–2003-cü illərdə "AMAY" MMC-nin sədr müavini olmuşdur. Qarabağ döyüşlərində tez-tez əsgər və zabitlərimizlə görüşmüş, hərbi hissələrə yardımlar aparmışdır.[1] Dünyaxanım Əliyeva Mərdəkan qəsəbəsində və "Qızılqum" sanatoriyasında məskunlaşmış məcburi köçkün və qaçqınlara yardım etmiş, 1992-ci ildən 2003-cü ilə qədər Pirşağıda yerləşdirilmiş Xocalıdan olan 48 ailəyə maddi və mənəvi dəstək göstərmişdir. Xocalıdan olan şəhid ailələrinə kömək etmiş, hər il faciənin ildönümü münasibətilə onlar üçün tədbirlər təşkil etmişdir.[2][3]
- Füzuli bölgəsində N saylı hərbi hissənin rəhbərliyi tərəfindən "Fəxr əsgəri" diplomu ilə;
- Xeyriyyəçi kimi xidmətlərinə görə isə onlarla diplom və mükafatlar;
- Mədəniyyət Nazirliyin Azərbaycan Cümhuriyyətinin 100 illiyinə həsr olunmuş diplomu;
- AMEA mərkəzi Elmi Kitabxanasının təşəkkurnaməsi;
- İqtisadiyyat Nazirliyinin fəxri diplomları;
- "Alı Hacıyev" Qəhrəmanlıq mükafatı ilə;
- 1998-ci ildə isə xeyirxah işlərinə görə Hacı Zeynalabdin Tağıyev adına fəxri mükafatin laureati;
- 2008-ci ildə yeniyetmələr, gənclər və böyüklərarası TSU ŞİN GEN Karate üzrə I açıq Bakı çempionatının keçirilməsinə göstərdiyi köməkliyə görə fəxri fərmanla;
- "Vektor" Beynəlxalq Elmi Mərkəzinin Mükafat Komissiyasının qərarı ilə "Azərbaycanın tanınmış xanımları", beynəlxalq layihəsinin qalibi olmuş;
- "XXI əsrin tanınmış xanımı" Beynəlxalq diplomuna, "Avropa" Nəşr Mətbu evinin müəyyənləşdirdiyi 2005-ci ilin "Ən yaxşı vətənpərvər və xeyriyyəçi" diplomuna;
- Dövlətçiliyin inkişafı, qüdrətləndirilməsi və dünya azərbaycanlılarının həmrəyliyinin təşkili sahəsində göstərdiyi xidmətlərinə görə Dünya Azərbaycanlılarının Həmrəyliyi Cəmiyyətinin fəxri fərmanı;
- Milli dövlətçiliyin, ümummilli liderimiz Heydər Əliyevin ideyalarının təbliğində və gənc nəslin hərbi vətənpərvərlik tərbiyəsində səmərəli fəaliyyətinə görə Şakir Əhmədli baş redaktoru olduğu "Mərhəmət elçisi" jurnalının redaksiya heyətinin qərarına əsasən "Vətənə Sədaqət" diplomu ilə;
- "XX əsrin Azərbaycan qadını" (2001) medalı ilə
- 2012-ci ildə "Azərbaycan diaspor təşkilatının formalaşmasında, Güney Azərbaycanla bağlı ictimai işlərin təşkilində" fəal iştirakına görə ona Uluslararası Güney Azərbaycan Konseyi Təşkilat Komitəsi tərəfindən diplom ilə təltif edilmişdir.
Dünyaxanım Əliyeva haqqında Hidayət Səfərli, İradə Əlili "Mənalı bir ömürün işığında" məqaləsində, Vüsal Zeynalovun "Azərbaycan ziyalıları", Nəzakət Ələkbərqızının "Ziyalılıq zirvəsi", Məleykə Göyçaylının "XX-XXI əsrin yaradıcı və ziyalı insanları", ensiklopedik toplu "Azərbaycan qadınları", "Vektor" Beynəlxalq Elmi Mərkəzinin "Azərbaycanının tanınmış xanımları" yazılarında fikirlər söylənilmişdir. Prof.Musa Quluzadə və sabiq millət vəkili Həvva Məmmədovanın "Dünya yaxşılarındır" kitabında isə Dünyaxanım Əliyevanın xeyirxahlıq və insanpərvərlik işi haqqında məlumat verilmişdir.[4]
- ↑ ""Müsəlləh əsgərəm, mən də bu gündən!"". 2023-07-07 tarixində arxivləşdirilib. İstifadə tarixi: 2018-11-27.
- ↑ "Regionlarda ailə dəyərlərinin təbliği ilə bağlı tədbirlərin təşkili" layihəsi çərçivəsində sonuncu tədbir Şabranda keçrildi[ölü keçid]
- ↑ "Ailə dəyərlərinin təbliği ilə bağlı tədbir keçirilib". 2023-07-07 tarixində arxivləşdirilib. İstifadə tarixi: 2018-11-27.
- ↑ "Ailə dəyərlərinin təbliği ilə bağlı tədbir keçirilib". 2023-07-07 tarixində arxivləşdirilib. İstifadə tarixi: 2018-11-27.