Culian Kasablankas

23 avqust 1978-ci ildə istedadlar məskəni olan Nyu-York şəhərində ispan mənşəli biznesmen Con Kasablankasın ailəsində doğulmuşdur.^[3] Atası Con uzun illərdir ki, model agentliyi olan "Elite Model Management"in təsisçisidir. Anası Canett Kristensen (Jeanette Christiansen) 1965-ci ildə Miss Danimarka müsabiqəsini qazanan və sonradan rəssam kimi fəaliyyətini davam etdirən danimarkalı model idi.^[4][5][6] Culianın valideynləri o, səkkiz yaşında olarkən evliliklərini dağıdır. Anası daha sonra Qanadan olan rəssam Sam Adoquei ilə nikaha daxil olur.^[7][8] Hər iki valideyninin sonrakı izdivacları ona qardaş-bacılar qazandırıb.^[9][10] Ögey atası ixtisasca musiqiçi olmasa da, onun bu sənəti seçməsində təşəbbüs göstərmişdir. O, ögey atasının dinlədiyi "The Doors" kimi qruplardan ilham və stimul almışdır.^[11] Orta məktəb illərində peşəkar besketbolçu olmaq arzusunda olsa da, onu ən çox dünya səviyyəsində tanınan bir musiqiçi olmaq istəyi cəlb edirdi.^[12]

Culian qrupun bas ifaçısı Nikolay Fraytur ilə altı yaşında, təhsilinin ilk illərində tanış olub.^[13] Onunla yan-yana böyüyüb. İkisi yerli ikidilli məktəb olan "Lycée Français de New York"da tanış olmuşdurlar.^[14][15] Kifayət qədər imkanlı ailədə böyüyən Culian təhsil aldığı müddətdə xeyrinə olsun deyə atası tərəfindən İsveçrədəki "Institut Le Rosey" adlı internat məktəbinə göndərilib. Orada gələcəkdə "The Strokes"un tərkibində olacaq Albert Hemmond Cr. da var idi.^[16] Culian daha sonra atasının təkidi ilə doğma şəhəri Nyu-Yorka qayıdır və təhsilini "Dwight School"da davam etdirir.^[17] Orada o, Nik Valensi (gitaraçı) və Fabrisio Moretti (zərb ifaçısı) ilə həm sinif yoldaşı, həm də yaxın dost olur. Həmişə atasının dəstəyi ilə böyüyən Culian 2001-ci ildə Adelfi Universitetini "Pulitser" mükafatı laureatı bəstəkar Con Moravekin rəhbərliyi altında bitirir.^[18]

Qrupla işlədiyi illər onun həyatında bir çox xoş hadisələr baş verib. 2005-ci ildə qrupun menecer köməkçisi Culiet Coslin (Juliet Joslin) ilə tanışlıq qurub, evlənib. 5 il birlikdə yaşasalar da, ilk uşaqları Cal 2010-cu ildə, ikinci oğulları Zephyr isə 2015-ci ildə doğulub.^[19][20] Qeyd etmək yerinə düşərdi ki, cütlük 2019-cu ildə özünə aid olan səbəbdən boşanıb.^[21][22]

O, 2009-cu ildən 2022-ci ilə qədər öz iradəsi ilə spirtli içki qəbul etməkdən imtina edib.^{[23][24][25][26]}

Solo işlər

• Phrazes for the Young (2009)

The Voidz ilə

• Tyranny (2014)
• Virtue (2018)
• Like All Before You (2024)

The Strokes ilə

• Is This It (2001)
• Room on Fire (2003)
• First Impressions of Earth (2005)
• Angles (2011)
• Comedown Machine (2013)
• The New Abnormal (2020)