Kobeya

Kobeya (lat. Cobaea) — bitkilər aləminin erikaçiçəklilər dəstəsinin göyümçiçəkkimilər fəsiləsinə aid bitki cinsi.

Kobeya
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superasteridlər Klad: Asteridlər Dəstə: Erikaçiçəklilər Fəsilə: Göyümçiçəkkimilər Cins: Kobeya
Beynəlxalq elmi adı
Cobaea Cav., 1791
Şəkil axtarışı NCBI   55379

Yabanı halda dağlıq, tropik meşələrdə bitən iri kol bitkisidir. Şaxələnmiş bığcıqları vaitəsilə bitkilərə sarmaşır. Yarasalar və ya iri gecə kəpənəkləri vasitəsilə tozlanır. Cinsin iki növü vardır: sallaqçiçəkli kobeya (C.penduliflora) və sarmaşan kobeya (C.scandens). Sarmaşan kobeya dekorativ gülçülükdə şaquli yaşıllaşdırmada geniş istifadə olunur. Kobeya gövdələri 3 m uzunluqda olan bitkidir. İlk istifadə edilən növün gülləri al-qırmızı rəngdə olub, diametri 9 sm-ə çatır. Mədəni formasının (C.scandens f.alba) sarı gülləri vardır. Gül və zoğları əvvəlcə yaşıl rəngdə, sonradan al-qırmızı olur. Kobeya şitil üsulu ilə yetişdirilir. Torpağı əkəndən sonra şitilləri sulamaq lazımdır. Kobeya lian bitkilərə aiddir. Onun inkişaf etməsi üçün taxta və metal konstruksiyalardan dayaq qurulur və buna əsasən müxtəlif kompozisiyalar yaradılır. Azərbaycanda təbii halda meşələrdə, mədəni halda isə yaşıllaşdırmada və parkların salınmasında istifadə olunur.