Coanna Burk

Xristian tibbi-missioner valideynlərin övladı olaraq dünyaya gələn Burk Yeni Zelandiya, Zambiya, Solomon adaları və Haitidə böyüyüb.^[1] O, Oklend Universitetində təhsil alaraq tarix üzrə bakalavr və magistr dərəcələrini əldə edib. Daha sonra Avstraliya Milli Universitetində fəlsəfə doktoru dərəcəsi üzrə təhsil alıb və Avstraliya Milli Universiteti, Kembricdəki Emmanuel Kolleci və London Universiteti Birkbek Kollecində akademik vəzifələrdə çalışıb.^[2] Onun əsas elmi fəaliyyəti London Universiteti Birkbek Kolleci ilə bağlıdır, lakin eyni zamanda Londonun Qreşem Kollecində ritorika professoru,^[3] həmçinin Avstraliyanın Nyukasl Universitetində Zorakılıq Araşdırmaları Mərkəzində Qlobal İnnovasiya üzrə rəhbər vəzifəsində çalışır.^[4] Burke həm Böyük Britaniya, həm də Yeni Zelandiya vətəndaşlığına malikdir.

Burk özünü "sosialist feminist" kimi təqdim edir ^[5] və 13 kitabın, eləcə də 100-dən çox elmi jurnal məqaləsinin və olunmuş topluların müəllifidir. Onun kitabları XVIII əsrin sonlarından bu günə qədər olan Britaniya, İrlandiya, Amerika, Avstraliya və Haiti tarixini əhatə edir. Əsas tədqiqat mövzularına qadın tarixi, gender, fəhlə sinfi mədəniyyəti, müharibə və kişilik, qorxunun mədəni tarixi, zorlamanın tarixi, müharibə sənəti, ağrı, militarizasiya, insan olmağın mənası və insan-heyvan münasibətləri daxildir. Onun kitabları çin, rus, ispan, katalan, italyan, portuqal, çex, türk və yunan dillərinə tərcümə olunub. Onun "Öldürmənin intim tarixi") adlı kitabı Volfson Mükafatı və Frenkel Mükafatı qazanmışdır. Həmçinin, bu kitab V.H.Smit Ədəbiyyat Mükafatı üçün son siyahıya daxil edilmişdir.

Burk tez-tez televiziya və radio proqramlarında iştirak edir, bloq və sosial media (Twitter) aktivliyinə malikdir, həmçinin qəzetlər və populyar jurnallar üçün müntəzəm yazılar yazır. Onun 40 disklik Britaniya səsli tarixi seriyası (Eyewitness – "Göz şahidi") böyük mükafatlar qazanıb: 1910–1919-cu illər cildi üçün ən yaxşı səsli istehsal üzrə Qızıl Mükafat, 1940–1949-cu illər cildi üçün ən yaxşı səsli istehsal üzrə Qızıl Mükafat və bütün 10 cild üçün ən orijinal səsli istehsal üzrə Qızıl Mükafat.

Burk Londonda yaşayır. 2014-cü ildə o, Birləşmiş Krallığın humanitar və sosial elmlər üzrə milli akademiyası olan Britaniya Akademiyasının üzvü seçilmişdir.^[6] O, SHaME (Sexual Harms and Medical Encounters – "Cinsi Zorakılıq və Tibbi Qarşılaşmalar") adlı Velkam Trast layihəsinin baş tədqiqatçısıdır. Bu layihə cinsi zorakılığın tibbi və psixi aspektlərini araşdırır və bu qlobal sağlamlıq böhranına yanaşmada utanc hissindən kənara çıxmağı hədəfləyir. SHaME fənlərarası tədqiqat layihəsidir və onun tərkibində fəlsəfə doktorluğu üzrə təhsil alan tələbələr, postdoktorant tədqiqatçılar, bir film rejissoru, qonaq tədqiqatçılar və professorlar, eləcə də ictimai tədbirlər təşkilatçısı yer alır. Layihə həm tarixi, həm də müasir, həm regional, həm də qlobal perspektivləri əhatə edir və marginallaşdırılmış icmaların iştirakı ilə tədqiqat və fəallığı birləşdirməyə sadiqdir. Bu layihə çərçivəsində Burk Birləşmiş Krallıq, ABŞ, İrlandiya və Avstralaziyada cinsi zorakılığın tibbi və psixi aspektlərinə dair kitab yazır (bu kitab Oksford Universiteti Nəşriyyatı tərəfindən çap ediləcək). Ardınca o, cinsi zorakılığın qlobal tarixi haqqında ikinci bir kitab yazacaq.

• Husbandry and Housewifery: Women, Economic Change and Housework in Ireland, 1890–1914, Oxford University Press, 1993. ISBN 0198203853
• Working-Class Cultures in Britain, 1890–1960: Gender, Class and Ethnicity, Routledge, 1994. ISBN 0415098971
• Dismembering the Male: Men's Bodies, Britain and the Great War, Reaktion Press and University of Chicago Press, 1996. ISBN 9781861890351
• An Intimate History of Killing: Face-to-Face Killing in Twentieth Century Warfare, Granta, 1999, (Won the Fraenkel Prize in Contemporary History for 1998 and the Wolfson Prize for Historical Writing in 2000) ISBN 0465007384
• Eyewitness, Authentic Voices of the 20th Century, BBC Audiobooks, 2004
• Fear: A Cultural History, Virago, 2006 (published by Shoemaker and Hoard in the US; shortlisted for Mind Book of the Year Award 2006 (UK)) ISBN 1844081567
• Rape: A History from the 1860s to the Present, Virago, 2007 (published in the US as Rape: Sex, Violence, History, Shoemaker & Hoard, 2007, ISBN 9781593761141 )
• What It Means To Be Human. Historical Reflections 1790 to the Present, Virago, 2011 (published by Counterpoint in the US)
• The Story of Pain: From Prayer to Painkillers, Oxford University Press, 2014. ISBN 9780199689439
• Wounding the World: How Military Violence and War-Play Invade our Lives, Virago, 2014 (published in the US as Deep Violence: Military Violence, War Play, and the Social Life of Weapons, Counterpoint, 2015) ISBN 9780349004341
• War and Art: A Visual History of Modern Conflict, Reaktion Books, 2017 ISBN 9781780238463
• Loving Animals: On Bestiality, Zoophilia and Post-Human Love, TJ Books, 2020, ISBN 978-1789143102
• Disgrace: Global Reflections on Sexual Violence, Reaktion Books, ISBN 9781789145991
• Birkbeck: 200 Years of Radical Learning for Working People, Oxford University Press, 2022. ISBN 9780192846631

1. ↑ Bristol Festival of Ideas 2005 programme Arxiv surəti 5 fevral 2007 tarixindən Wayback Machine saytında Arxivləşdirilib 5 fevral 2007 at the Wayback Machine (.pdf file)
2. ↑ Granta biography page Arxiv surəti 29 oktyabr 2007 tarixindən Wayback Machine saytında Arxivləşdirilib 29 oktyabr 2007 at the Wayback Machine on Joanna Bourke
3. ↑ "Professor Joanna Bourke appointed 49th Gresham Professor of Rhetoric". Birkbeck, University of London (ingilis). 21 June 2019. 10 August 2022 tarixində arxivləşdirilib. İstifadə tarixi: 18 February 2025.
4. ↑ "Study of Violence". The University of Newcastle, Australia (ingilis). 19 February 2013. 7 March 2025 tarixində arxivləşdirilib. İstifadə tarixi: 18 February 2025.
5. ↑ Eithne Farry "'Why aren't we more outraged?'" Arxiv surəti 16 fevral 2020 tarixindən Wayback Machine saytında, The Guardian, 5 October 2007. Retrieved on 7 October 2007.
6. ↑ "British Academy announces 42 new fellows". Times Higher Education. 18 July 2014. 23 June 2021 tarixində arxivləşdirilib. İstifadə tarixi: 18 July 2014.