Co Elvin (21 fevral 1991[1]) — İngiltərə aktyoru. İlk böyük ekran çıxışını 2016-cı ildə Enq Linin "Billy Lynn's Long Halftime Walk" adlı müharibə dramasında baş rolla gerçəkləşdirib. Elvin yaradıcılıq yolunda bir-birindən maraqlı işlərə imza atıb - "The Favourite" (2018), "Boy Erased" (2018), "Mary Queen of Scots" (2018), "Harriet" (2019), "Catherine Called Birdy" (2022) filmləri buna parlaq nümunədir. Aktyorun son ekran işi 2024-cü ildə "The Brutalist" filmi olub. BBC kanalı ilə "Hulu" platformasının birgə istehsalı olan "Conversations with Friends" (2022) adlı serial layihəsində də rol alıb.
| Co Elvin | |
|---|---|
| ing. Joe Alwyn | |
 | |
| Doğum tarixi | 21 fevral 1991[1] (34 yaş) |
| Partnyoru |
|
| Fəaliyyəti | kino aktyoru, aktyor, mahnı yazarı[d] |
| Fəaliyyət illəri | 2015-ci ildən |
| Təhsili | |
| IMDb | ID7153679 |
 Vikianbarda əlaqəli mediafayllar | |
Kentdə doğulan, Şimali Londonda böyüyən Elvin yeniyetməlik illərindən səhnə sənətinə dərin maraq göstərib. Edinburgh Festival Fringe-də tələbə tamaşalarında rol alıb, Bristol Universitetindən ingilis ədəbiyyatı və dramaturgiya üzrə, Kral Nitq və Drama Məktəbindən isə aktyorluq üzrə bakalavr dərəcələri əldə edib.
Elvin 2020-2022-ci illər arasında ABŞ müğənnisi Teylor Sviftin on mahnısının yaradıcılıq prosesində iştirak edib. Onun töhfə verdiyi "Exile" və "Betty" kompozisiyaları müğənninin səkkizinci studiya albomuna - 63-cü illik "Qremmi" mükafatında "İlin Albomu" nominasiyasının qalibi olan "Folklore"a daxil olub.
Aktyor 2018-ci ildə Kann kinofestivalında "Trophée Chopard" mükafatına layiq görülüb, 2022-ci ildə isə "Time" jurnalının yüksələn ulduzlar siyahısı "Time 100 Next"də yer alıb.
Cozef Mettyu Elvin Şimali Londonda böyüyüb.[4] Psixoterapevt ana ilə sənədli film rejissoru atanın övladı olan Elvin, tanınmış bəstəkar Vilyam Elvinin nəticəsi sayılır.[5][6][7] Onun əmisi, din xadimi Brüs Kent sülhpərvər fəaliyyəti ilə tanınıb.[8]
Elvin təhsilini London Şəhər Məktəbində xüsusi proqram əsasında alıb. İlk gənclik illərində qısa müddət gitara dərslərinə gedib, məktəbdə "Anger Management" adlı musiqi qrupunda çalıb. Məktəb illərində futbol və reqbi oyunlarında iştirak edib. Uşaqlıqdan qapalı təbiətli olmasına baxmayaraq, aktyorluq sənətinə böyük maraq göstərib.[9][10] "Gerçək sevgi" filmində kiçik rol üçün seçimə qatılsa da, buna nail ola bilməyib.
On doqquz yaşında National Youth Theatre-a qoşulan Elvin, Bristol Universitetində ingilis ədəbiyyatı və dramaturgiya ixtisası üzrə bakalavr təhsili alarkən, Edinburgh Fringe Festivalında iki tələbə tamaşasında rol alıb.[11][12] Təhsilini 2012-ci ildə başa vuran aktyor dörd teatr məktəbinə müraciət edib, Royal Central School of Speech and Drama-ya qəbul olunub, burada aktyorluq üzrə bakalavr dərəcəsi qazanıb.[13] Son kursda təhsil alarkən tələbə səhnəsində çıxışını izləyən agent onunla müqavilə bağlayıb. Məhz bu agentin köməyi ilə "Billy Lynn's Long Halftime Walk" filmində baş rola dəvət alan Elvin, ilk dəfə böyük ekranda görünüb.
Elvin 2016–2023-cü illər arasında Teylor Svift ilə münasibətdə olub, bu əlaqə mətbuat tərəfindən daim diqqət mərkəzində saxlanılıb.[14] Elvin 2024-cü ildə ayrılıqları və bununla bağlı ictimai müzakirələr barədə düşüncələrini belə dilə gətirib: "Altı il yarımdan çox davam edən dərin məhəbbət və sədaqətlə dolu münasibətin başa çatmasının nə qədər çətin olduğunu hər kəsin anlayacağını düşünürəm. Bu vəziyyətlə başa çıxmaq olduqca mürəkkəbdir. Qeyri-adi olan odur ki, bir həftə sonra bütün bunlar ictimaiyyətə açıqlanır, kənar insanlar öz fikirlərini bildirməyə başlayır. Deyilənlərlə gerçəklər arasında həmişə fərq olacaq, mən artıq bununla barışmışam."[15] Svift on birinci albomu olan "The Tortured Poets Department"də (2024) Elvinlə ayrılığına toxunub.[16]
Elvin şəxsi həyatını gizli saxlayır. Bunu "yaşadığımız mədəniyyətə qarşı təbii müdafiə reaksiyası" kimi izah edib.[17] "GQ" jurnalı onu "məşhur olsa da, kütlədən uzaq durmağı üstün tutan aktyor" deyə səciyyələndirib.[18]
- ↑ 1 2 Joe Alwyn // MAK (pol.).
- ↑ Zoladz L. Taylor Swift, 30-Something, Is Revising Her Own Love Stories (ing.). 2022. ISSN 0362-4331
- ↑ https://www.etonline.com/taylor-swift-and-joe-alwyn-break-up-after-six-years-of-dating-exclusive-202408.
- ↑ "Who Is Joe Alwyn? Everything You Need To Know About The Actor". Grazia (ingilis). 2023. İstifadə tarixi: 20 August 2023.
- ↑ McLean, Craig. "Joe Alwyn: the Crouch End boy taking Hollywood by storm". London Evening Standard. UK. 9 February 2017. 9 February 2017 tarixində arxivləşdirilib. İstifadə tarixi: 16 May 2017.
...26-year-old Crouch Ender...
- ↑ Flynn, Paul. "Joe Alwyn Was Destined To Be a Star". i-D. Vice. 4 November 2016. 26 February 2017 tarixində arxivləşdirilib. İstifadə tarixi: 19 May 2017.
- ↑ Hattersley, Giles. "Joe Alwyn On Fame, Romance, And His Blockbuster-Filled Autumn". British Vogue. 27 September 2018. 7 April 2019 tarixində arxivləşdirilib. İstifadə tarixi: 28 December 2018.
- ↑ Dibdin, Emma. "Where Is Joe Alwyn From? Inside the Actor's Upbringing and Family". Parade. 19 April 2024. İstifadə tarixi: 4 June 2024.
- ↑ "Bright Future". Esquire. UK. 11 November 2016. 21 May 2017 tarixində arxivləşdirilib. İstifadə tarixi: 20 May 2017 – PressReader.com vasitəsilə. Alt URL
- ↑ Powers, John. "Breakout Star Joe Alwyn on Landing the Role of a Lifetime". Vogue. 16 August 2016. 21 June 2017 tarixində arxivləşdirilib. İstifadə tarixi: 21 May 2017.
- ↑ "Joe Alwyn on CSSD". Royal Central School of Speech & Drama. 1 March 2017 tarixində orijinalından arxivləşdirilib. İstifadə tarixi: 30 July 2015.
- ↑ Ford, Rebecca; Kit, Borys. "Ang Lee's 'Billy Lynn's Long Halftime Walk' Finds Lead". The Hollywood Reporter. 25 February 2015. 30 March 2016 tarixində arxivləşdirilib. İstifadə tarixi: 20 May 2017.
- ↑ Handler, Rachel. "'What Would You Like to Know?'". Vulture. 9 May 2022. 9 May 2022 tarixində arxivləşdirilib. İstifadə tarixi: 10 May 2022.
- ↑ Irvin, Jack. "Inside Taylor Swift and Joe Alwyn's 'Differences' That Led to Their Breakup: Sources (Exclusive)". People. 10 April 2023. İstifadə tarixi: 10 April 2023.
- ↑ Joe Alwyn Breaks Silence on Taylor Swift Breakup: "A Hard Thing to Navigate"
- ↑ O'Kane, Caitlin. "Taylor Swift fans speculate her songs are about Matty Healy and Joe Alwyn – who are they? - CBS News". www.cbsnews.com (ingilis). 2024-04-19. İstifadə tarixi: 2024-07-10.
- ↑ O'Malley, Katie. "Joe Alwyn On The Invasion Of Privacy And What Fans Can Expect From 'Conversations With Friends'". Elle. 13 April 2022. 16 April 2022 tarixində arxivləşdirilib. İstifadə tarixi: 16 April 2022.
- ↑ Allen, Ben. "Joe Alwyn Is About To Be Very Famous (And There's Nothing He Can Do About It)". GQ. 9 May 2022. 9 May 2022 tarixində arxivləşdirilib. İstifadə tarixi: 9 May 2022.