Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinCinclosoma cinnamomeum — Sərçəkimilər fəsiləsinə aid quş növü.
| Cinclosoma cinnamomeum | ||||||||
|---|---|---|---|---|---|---|---|---|
.jpg) | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır. ???: Cinclosoma cinnamomeum |
||||||||
| Beynəlxalq elmi adı | ||||||||
|
||||||||
| ||||||||
Cinclosoma cinnamomeum "Cinclosomatidae" fəsiləsinin üzvüdür. Bu fəsilə Avstraliya və yaxın ərazilərə aid olan ötücü quşları əhatə edir. Bildirçin-bülbüllər (Cinclosoma) cinsinə daxil olan Cinclosoma cinnamomeum da, bu fəsiləyə aiddir.[3]
Cinclosoma cinnamomeumun bədən uzunluğu 20 sm, tam yetişmiş halda çəkisi isə 50 qrama qədər ola bilir. Erkək fərdlərin ağ qaş xətti, qara üzü və qara boğazının yanlarında enli ağ zolaq var. Bədəninin üst hissəsi sadə darçını-qırmızımtıl rəngdədir, üst döşündə açıq sarımtıl ləkələr və alt hissədə enli qara zolaq var. Quyruq lələkləri qara olub, ucları ağdır. Dişi fərdlər oxşar xüsusiyyətlərə malikdir, lakin daha solğun rəngli və boğazı ilə qaş xətti açıq sarımtıl-ağ rəngdədir. Üst döşləri boz rəngdədir və alt hissədə qara ləkələr yoxdur. Cavan fərdlər eyni işarələrə malikdir, lakin erkəklərdə döş zolağı daha az müəyyən ola bilir. Onların yüksək tonlu, bir qədər tısıltılı səsləri var.[4]
Cinclosoma cinnamomeum Avstraliyaya endemik olub, əsasən mərkəzi Avstraliyanın quraq və yarımsəhra bölgələrində tapılır. Bu bölgələr səhra bitkiləri və relyef formaları, həmçinin illik 500 mm-dən az yağıntı ilə xarakterizə olunur. Onun yayılma sahəsi təxminən 831,000 km²-dir və cənub-qərb Quensland, şimal-qərb Yeni Cənubi Uels, şimal-şərq Cənubi Avstraliya və Şimal Ərazisinin cənub-şərqini əhatə edir. Bu ərazilərdə Cinclosoma cinnamomeuma otluq və kolluqlarda tapılsa da, daha çox quru daşlı ərazilərdə, xüsusilə quru çay yataqları ətrafında rast gəlinir.[5]
Bu yerli quşlar, zəif uçma qabiliyyətinə malikdir və narahat edildikdə, əyilərək qaçmağı üstün tuturlar.
Cinclosoma cinnamomeum yalnız yer üzərində qidalanır və müxtəlif onurğasız heyvanlar (məsələn, çəyirtkələr, böcəklər, milçəklər və qarışqalar) və həm yerli, həm də introduksiya edilmiş bitki növlərinin toxumları ilə qidalanır.
Bu quşlar tək, cüt və ya kiçik ailə qrupları halında tapılır. Erkəklər çoxalma mövsümündə (adətən iyuldan sentyabra qədər) sübh çağı davamlı olaraq oxuyurlar. Çoxalma yer üzərində baş verir, yuva çökəkliklərdə qurulur və qabıq parçaları, incə ot və ya budaqlarla döşənir. Yuva adətən daşlıq ərazilərdə, yıxılmış budaqlar yaxınlığında, alçaq kolların altında və ya seyrək ot dəstələri arasında yerləşir. Yuva iki və ya üç yumurta ilə dolu ola bilir.[6]
Cinclosoma cinnamomeum böyük miqyaslı mövsümi hərəkətləri haqqında heç bir sübut yoxdur.
Cinclosoma cinnamomeumun populyasiya ölçüsü ölçülməmişdir, lakin növün mal-qara və introduksiya edilmiş ot yeyən heyvanlar səbəbilə davam edən mühit degradasiyası nəticəsində yavaş-yavaş azalmaqda olduğu düşünülür. Beynəlxalq Təbiəti Mühafizə Birliyi (IUCN) Cinclosoma cinnamomeumini az təhlükə altında" (Least Concern) kimi qiymətləndirib.[7]
- ↑ Integrated Taxonomic Information System (ing.). 1999.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ "Cinclosoma [cinnamomeum or alisteri] (Cinnamon or Nullarbor Quail-thrush) - Avibase". Avibase.bsc-eoc.org. İstifadə tarixi: 18 avqust 2018.
- ↑ Rowland, Peter. "A northern sighting of the Cinnamon Quail-thrush Inclosoma cinnamomeum in Queensland". Sunbird: Journal of the Queensland Ornithological Society. 24 (4). 1 dekabr 1994: 94–95. İstifadə tarixi: 18 avqust 2018.
- ↑ "NT Travel: Cinnamon Quail-thrush (Cinclosoma cinnamomeum) - Alice Springs Desert Park, Northern Territory, Australia". Ausemade.com.au. 23 sentyabr 2015 tarixində orijinalından arxivləşdirilib. İstifadə tarixi: 18 avqust 2018.
- ↑ Solutions, Intermast IT. "Nullarbor Quail-thrush - Australian Birds - photographs by Graeme Chapman". Graemechapman.com.au. İstifadə tarixi: 18 avqust 2018.
- ↑ BirdLife International. "Cinclosoma cinnamomeum". IUCN Red List of Threatened Species. 2016. 2016: e.T103693226A94014473. doi:10.2305/IUCN.UK.2016-3.RLTS.T103693226A94014473.en. İstifadə tarixi: 11 noyabr 2021.