Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinCin Aker (ing. Jean Acker; 23 oktyabr 1893[1], Trenton – 16 avqust 1978[2], Los-Anceles, Kaliforniya) — ABŞ aktrisası. Karyerası səssiz film dövründən 1950-ci illərə qədər davam edib. O, ən çox səssiz film ulduzu Rudolf Valentinonun ilk həyat yoldaşı kimi yadda qalıb.
| Cin Aker | |
|---|---|
 | |
| Doğum tarixi | 23 oktyabr 1893[1] |
| Doğum yeri | |
| Vəfat tarixi | 16 avqust 1978[2] (84 yaşında) |
| Vəfat yeri | |
| Dəfn yeri |
|
| Həyat yoldaşı |
|
| Fəaliyyəti | aktrisa, kino aktrisası |
| Fəaliyyət illəri | 1913–1955 |
| IMDb | ID0009931 |
 Vikianbarda əlaqəli mediafayllar | |
Cin Aker 23 oktyabr 1892-ci ildə Nyu-Cersi ştatının Trenton şəhərində anadan olub. Valideynləri ayrıldıqdan sonra, o, atası ilə birlikdə yaşayıb və St.Mary's Seminariyasında təhsil alıb. Karyerasına vodevil səhnələrində başlayıb və 1919-cu ildə Kaliforniyaya köçərək Hollivudda fəaliyyət göstərməyə başlayıb. Orada aktrisa Alla Nazimovanın himayəsi və sevgilisi olub, bu da ona film studiyaları ilə həftəlik 200 dollar məbləğində müqavilə bağlamağa kömək edib.[3][4][5]
Cin Aker Rudolf Valentino ilə bir məclisdə tanış olub və iki aylıq tanışlıqdan sonra, 6 noyabr 1919-cu ildə evləniblər. Lakin Cin Aker tezliklə peşman olub və toy gecəsi onu otel otağına buraxmayıb. Bu evlilik rəsmi olaraq 1921-ci ildə boşanma ilə nəticələnib. Boşanmadan sonra Valentino ikinci həyat yoldaşı Nataşa Rambova ilə Meksikada evlənib və ABŞ-a qayıtdıqda ikiarvadlılıqda ilə ittiham olunub. Cin Aker isə "Mrs. Rudolph Valentino" adını istifadə etmək hüququ üçün məhkəməyə müraciət edib. Valentino ilə münasibətləri əvvəlcə gərgin olsa da, onun 1926-cı ildəki ölümündən əvvəl barışıblar. Cin Aker Valentino haqqında "We Will Meet at the End of the Trail" adlı məşhur bir mahnı da yazıb.[6][7][8][9]
Cin Aker Alla Nazimova və aktrisa Qreys Darmond ilə romantik münasibətlər yaşayıb. 1923-cü ildə keçmiş Zieqfeld Follies rəqqasəsi Çlo Karter ilə tanış olub və ömrünün sonuna qədər onunla birlikdə yaşayıb. Cin Aker 16 avqust 1978-ci ildə 85 yaşında təbii səbəblərdən vəfat edib və Kaliforniyanın Kalver-Siti şəhərindəki Holi Kross qəbiristanlığında dəfn olunub.[10]
Filmoqrafiyasından seçilmiş filmlər:
- "The Round-Up" (1920)
- "Brewster's Millions" (1921)
- "San Francisco" (1936)
- "Spellbound" (1945)
- "It's a Wonderful Life" (1946)
- ↑ 1 2 Bibliothèque nationale de France Jean Acker // BnF identifikatoru (fr.): açıq məlumat platforması. 2011.
- ↑ 1 2 Jean Acker // SNAC (ing.). 2010.
- ↑ ancestry.com
- ↑ Wlaschin, Ken. The Silent Cinema in Song, 1896–1929: An Illustrated History and Catalog of Songs Inspired by the Movies and Stars, with a List of Recordings. McFarland, Incorporated, Publishers. 2009. ISBN 9780786438044.
- ↑ Klepper, Robert K. Silent Films, 1877–1996: A Critical Guide to 646 Movies. McFarland. 1999. ISBN 9780786405954.
- ↑ "U.S., Find a Grave Index, 1600s-Current - Ancestry.com". www.ancestry.com.
- ↑ "Join Ancestry®". www.ancestry.com.
- ↑ ancestry.com
- ↑ ancestry.com
- ↑ Wilson, Scott. Resting Places: The Burial Sites of More Than 14,000 Famous Persons, 3d ed.: 2 (Kindle Location 325). McFarland & Company, Inc., Publishers. Kindle Edition.
- Cin Aker — IMDb səhifəsi
- Cin Aker (ing.) Find a Grave saytında