Cimmi Vilson (ing. Jimmie Wilson; 7 fevral 1981, Detroyt, Miçiqan) — Amerikalı müğənni, bəstəkar və musiqili teatr aktyoru. O San-Marinolu müğənni Valentina Monetta ilə birlikdə San-Marinonu 2017 Avroviziya Mahnı Müsabiqəsində təmsil etmişdir.
| Cimmi Vilson | |
|---|---|
| ing. Jimmie Wilson | |
 Cimmi Vilson 2017-ci ildə | |
| Ümumi məlumatlar | |
| Doğum adı |
Cimmi Vilson ing. Jimmie Wilson |
| Doğum tarixi | 7 fevral 1981 (44 yaş) |
| Doğum yeri | Detroyt, Miçiqan, ABŞ |
| Musiqiçi məlumatları | |
| Fəaliyyəti | müğənni, bəstəkar, aktyor |
| Fəaliyyət illəri | 2009-cu ildən |
| Janrlar | |
| Əlaqəsi | Valentina Monetta |
| jimmiewilson.com | |
 Vikianbarda əlaqəli mediafayllar | |
Cimmi Vilson Hollivudda aktyorluq təhsili almışdır. O eyni zamanda Maykl Ceksonun hazırladığı Sisterella tamaşasında rol almışdır. Daha sonra Cimmi Almaniyaya köçmüşdür. O Almaniyada Hope! – Das Obama Musical tamaşasında Barak Obamanı canlandırmışdır. 2012-ci ildə Cimmi Polşada keçirilən Must Be the Music musiqi yarışmasında iştirak etmişdir.
12 mart 2017-ci ildə San-Marinonun SMRTV telekanalı Cimmi Vilsonun San-Marinolu ifaçı Valentina Monetta ilə birlikdə ölkəni Avroviziyada təmsil edəcəyini açıqlamışdır. Beləliklə, Cimmi və Valentina duet şəklində ifa etdikləri "Spirit of the Night" mahnısı San-Marinonu Ukraynanın paytaxtı Kiyevdə keçirilən Avroviziya 2017-də təmsil etmişdir[1]. Mübarizəyə 2-ci yarımfinal mərhələsindən qoşulan Cimmi və Valentina yarımfinal mərhələsində sonuncu yeri tutmuşdur. Bu San-Marinonun müsabiqə tarixindəki ən aşağı nəticəsi olmuşdur.
Avroviziyada iştirakından sonra Cimmi Vilsonun So Damn Beautiful adlı debüt albomu işıq üzü görmüşdür.
- So Damn Beautiful (2017)
- "Spirit of the Night" (2017)
- "So Damn Beautiful" (2017)
- ↑ "San Marino: Valentina Monetta and Jimmie Wilson to Kyiv". esctoday.com. ESCToday. 12 mart 2017. 2017-03-12 tarixində arxivləşdirilib. İstifadə tarixi: 2017-03-16.
| Əvvəlki: Serhat "I Didn't Know" |
San-Marino Avroviziya Mahnı Müsabiqəsində  2017 |
Sonrakı: - |