"Chainsaw Man" Tatsuki Fucimoto tərəfindən yazılan və illüstrasiya olunan eyniadlı manqa seriyasına əsaslanan anime serialıdır. "MAPPA" studiyası tərəfindən çəkilən anime serialın rejissoru Ryu Nakayama, baş seriya rejissoru Makoto Nakazono, ssenaristi Hiroşi Seko, iblis dizayneri Kiyotaka Oşiyama və personaj dizayneri Kazutaka Suqiyamadır.[1] Animenin musiqiləri Kensuke Uşio tərəfindən bəstələnmişdir. Anime manqanın ilk 38 fəslini əhatə edir.[2]
Anime serialında hadisələr 1990-cı illərdə SSRİ-nin hələ də mövcud olduğu alternativ dünyada baş verir. Bu dünyada insanların kollektiv qorxularından doğulmuş iblislər mövcuddur. İblis ovçularının vəzifəsi təhlükəli iblisləri ortadan qaldırmaqdır və bəzən onların güclərini əldə etmək üçün onlarla müqavilələr bağlayırlar. İnsan bədənini (adətən ölmüş olanların) ələ keçirmiş iblislər ifrit adlanır. Kasıb bir yeniyetmə olan Denci Mişar iblisi Poçita sayəsində onun güclərini əldə edir və bədən üzvlərini mişara çevirə bilir. O, Yaponiya üçün təhlükəli iblisləri ovlamaqla məşğul olan İctimai Təhlükəsizlik Bürosuna qoşulur. Büronun rəhbərlərindən biri olan Makima tərəfindən himayəliyə götürülən Denci iblis ovçusu Aki Hayavakava və Qan iblisi Paverlə yoldaş olur.
Anime serialı 12 oktyabrdan 28 dekabr 2022-ci ilə qədər yayımlanmış və 12 seriya davam etmişdir. Açılış mahnısı Kenşi Yonezu tərəfindən ifa olunan "Kick Back" mahnısıdır. Hər seriya üçün ayrı bağlanış mahnısından istifadə olunmuşdur: "Chainsaw Blood" (Vaundy), "Zanki" ("Zutomayo"), "Hawatari 2 Oku Centi" ("Maximum the Hormone"), "Jouzai" (Tooboe), "In the Back Room" (Syudou), "Dainōteki na Rendezvous" (Kanaria), "Chu, Tayōsei" (Ano), "First Death" (TK), "Deep Down" (Aimer), "Dogland" ("People 1"), "Violence" ("Queen Bee") və "Fight Song" (Eve).[3] Anime "Crunchyroll" tərəfindən lisenziyalaşdırılmışdır.[4] "Mişar Adam. Film: Rezenin hekayəsi" adlı birbaşa sikvel filmi 19 sentyabr 2025-ci ildə buraxılmışdır.[5] 2025-ci ilin dekabrında "Sui-qəsdçi arkı"nın anime adaptasiyası anons edilmişdir.[6]
| Ser. № |
Azərbaycanca adı Yaponca adı |
Rejissor | Bağlanış mahnısı | Yayım tarixi |
|---|---|---|---|---|
| 1 | "İt və Mişar" "İnu to Çenso" (犬とチェンソー) | Ryu Nakayama | "Chainsaw Blood" (Vaundy tərəfindən) | 12 oktyabr 2022 |
| İntihar etmiş atasının yakuzaya olan borcunu ödəmək məcburiyyətində qalan 16 yaşlı Denci itəoxşar Mişar iblisi Poçitanın köməyi ilə kiçik iblisləri ovlamaqla məşğul olur. O, səfil və yoxsul həyat tərzi keçirir. Lakin bir gün yakuza ona xəyanət edir və Zombi iblisi Dencini ölümcül yaralayır. Poçita Dencinin ürəyinin yerini alaraq onun həyatını xilas edir, lakin qarşılığında Dencinin normal həyat yaşamasını istəyir. Mişar-adama çevrilən Denci yakuzaları və Zombi iblisini öldürür. Növbəti səhər İctimai Təhlükəsizlik Bürosunun iblis ovçuları onu tapırlar. Büronun rəhbəri Makima Dencinin öldürülməsinə icazə vermir və onu öz əli ilə yedizdirir. | ||||
| 2 | "Tokioya gəliş" "Tokyo Toçaku" (東京到着) | Toko Yatabe və Makoto Nakazono | "Zanki" ("Zutomayo" tərəfindən) | 19 oktyabr 2022 |
| Denci Makimanın istəyi ilə İctimai Təhlükəsizlik Bürosuna qatılır. O, digər iblis ovçusu Aki Hayakava ilə partnyor olur, lakin onlar mübahisə edirlər. Denci başa düşür ki, onun bir hədəfə ehtiyacı var və döş əlləməyi qarşısına hədəf kimi qoyur. Daha sonra Makima onlara yeni müttəfiqləri olan Paveri təqdim edir və Paverin bir qan ifriti olduğunu bildirir. Denci təəccüblənir və Paverlə dolaşmağa başlayır. Paver qan qoxusu alır və qan çəkici düzəldərək Dəniz xiyarı iblisini tapıb öldürür. | ||||
| 3 | "Myaunun harada olması" "Nyako no Yukue" (ニャーコの行方) | Hironori Tanaka | "Hawatari 2 Oku Centi" ("Maximum the Hormone" tərəfindən) | 26 oktyabr 2022 |
| Dəniz xiyarı iblisinin öldürülməsindən sonra Makima gəlir. Paver günahı Denciyə atmağa çalışır. Denci Paverin döşlərinə toxuna bilib-bilməyəcəyini düşünür. Paver Yarasa iblisini öldürəcəyi halda buna icazə verəcəyini bildirir. Denci razılaşır, lakin Paver Denciyə xəyanət edir. Paverin əsl planı pişiyi Myaunu Yarasa iblisindən xilas etmək üçün onu Yarasa iblisinə qurban verməkdir. Lakin Yarasa iblisi Dencinin qanını bəyənmir və pişiyi verməkdən imtina edir. Bunun yerinə Paveri udur və şəhərə hücum edir. Denci Mişar-adama çevrilərək Yarasa iblisini öldürə bilir. | ||||
| 4 | "Xilasetmə" "Kyuşutsu" (救出) | Tatsuya Yoşihara | "Jouzai" (Tooboe tərəfindən) | 2 noyabr 2022 |
| Yarasa iblisinin öldürülməsindən sonra Paver Denciyə döşlərinə toxunmasına icazə verir. Lakin Zəli iblisi gəlir və Dencini yaralayır. Dencinin qanı azaldığı üçün yaxşı döyüşə bilmir. Aki özünü çatdırır və Tülkü iblisinin gücündən istifadə edərək Zəli iblisini öldürür. Aki izah edir ki, onun Tülkü iblisi ilə müqaviləsi var. Akinin təşəbbüsü ilə Denci və Paver sağ buraxılır. Lakin bundan sonra Paver Akinin evinə köçür və onlarla birlikdə yaşamağa başlayır. Paver Denciyə verdiyi sözü də yerinə yetirir. | ||||
| 5 | "Silah iblisi" "Cu no Akuma" (銃の悪魔) | Yosuke Takada | "In the Back Room" (Syudou tərəfindən) | 9 noyabr 2022 |
| 6 | "Dencini öldür" "Denci o Korose" (デンジを殺せ) | Şun Enokido | "Dainōteki na Rendezvous" (Kanaria tərəfindən) | 16 noyabr 2022 |
| 7 | "Öpüşün dadı" "Kisu no Oaci" (キスの味) | Makoto Nakazono | "Chu, Tayōsei" (Ano tərəfindən) | 23 noyabr 2022 |
| 8 | "Silah səsi" "Cusey" (銃声) | Şota Qoşozono və Takeru Sato | "First Death" (TK tərəfindən) | 30 noyabr 2022 |
| 9 | "Kiotodan" "Kyoto Yori" (京都より) | Takahiro Kaneko | "Deep Down" (Aimer tərəfindən) | 7 dekabr 2022 |
| 10 | "Daha da əzilmiş" "Motto Boroboro" (もっとボロボロ) | Tatsuya Yoşihara | "Dogland" ("People 1" tərəfindən) | 14 dekabr 2022 |
| 11 | "Əməliyyat başlayır" "Sakusen Kayşi" (作戦開始) | Makoto Nakazono və Takeru Sato | "Violence" ("Queen Bee" tərəfindən) | 21 dekabr 2022 |
| 12 | "Katana Mişara qarşı" "Nihonto tay Çenso" (日本刀VSチェンソー) | Ryu Nakayama | "Fight Song" (Eve tərəfindən) | 28 dekabr 2022 |
- ↑ "Chainsaw Man TV Anime's 1st Teaser Video Unveils Staff". Anime News Network (ingiliscə). 27 iyun 2021. İstifadə tarixi: 24 noyabr 2025.
- ↑ "Chainsaw Man: Season 1 Review". IGN (ingiliscə). 30 dekabr 2022. İstifadə tarixi: 24 noyabr 2025.
- ↑ "Chainsaw Man Releases New Trailer, Announces Opening, 12 Ending Themes and Additional Cast". Crunchyroll (ingiliscə). 9 iyun 2023. İstifadə tarixi: 22 noyabr 2025.
- ↑ "Crunchyroll to Stream Chainsaw Man Anime". Anime News Network (ingiliscə). 16 may 2022. İstifadə tarixi: 24 noyabr 2025.
- ↑ "Chainsaw Man – The Movie: Reze Arc Anime Announces September 19 Debut". Anime News Network (ingiliscə). 23 mart 2025. İstifadə tarixi: 6 noyabr 2025.
- ↑ "Chainsaw Man Manga's 'Assassins Arc' Gets Anime Adaptation". Anime News Network (ingiliscə). 21 dekabr 2025. İstifadə tarixi: 21 dekabr 2025.
- ↑ "チェンソーマン Vol.1". chainsawman.dog. 21 fevral 2024 tarixində arxivləşdirilib. İstifadə tarixi: 21 fevral 2024.
- ↑ "チェンソーマン Vol.2". chainsawman.dog. 21 fevral 2024 tarixində arxivləşdirilib. İstifadə tarixi: 21 fevral 2024.
- ↑ "チェンソーマン Vol.3". chainsawman.dog. 21 fevral 2024 tarixində arxivləşdirilib. İstifadə tarixi: 21 fevral 2024.
- ↑ "チェンソーマン Vol.4". chainsawman.dog. 21 fevral 2024 tarixində arxivləşdirilib. İstifadə tarixi: 21 fevral 2024.