Ceyn Eyr (miniserial, 1983)

Xəbərdarlıq: Yazının davamı əsərin məzmunu haqqında məlumat ehtiva edir.

Ceyn Eyr 10 yaşında olan zəif bir uşaqdır. Onun valideynləri və dayısı dünyadan köçmüşlər. Evdə yaşayanlar isə ona mənfi münasibətlə yanaşırdılar. Ceyn Eyrə evdəkilərdən yalnız dayə Bessi Li hörmətnən yanaşırdı. Evdə yaşayanlar onu pansion məktəbə göndərməyə qərar verirlər. Ceyn Eyr evi birdəfəlik tərk edərək, məktəbə gedir. O, bir xidmətçi tərəfindən qarşılanır. Ceyn Eyr buranı öz evinə bənzədir. Məktəbdə 80-a yaxın qız vardır. Burada uşaqlarnan çox pis rəftar edirdilər. Lakin xoşbəxtlikdən məktəbin direktoru olan Miller mülayim xanım olduğundan, Ceyn Eyr yaxşı təhsil ala bilir. Məktəbdə oxuyan zaman ətrafda taun xəstəliyi yayılmağa başlayır. Bir çox insanlar, o cümlədən, məktəbin direktoru xəstəlikdən vəfat edir. Ceyn Eyr zaman keçdikcə bütün müəllimləri tərəfindən sevilir və bir çox şəxslərin ona paxıllıq etməsinə səbəb olur. Ceyn Eyr burada 8 il təhsil alır. Təhsilini bitirdikdən sonra Ceyn Eyr 2 il müəllim olaraq çalışır.

Ceyn Eyr 2 il müəllim olaraq çalışdıqdan sonra Roçester ailəsində mürəbbiyə kimi işləməyə başlayır. Zaman keçdikcə Ceyn Eyr Edvard Roçesterin bəraətini qazanmağa başlayır. Onlar arasında sevgi münasibətləri yaranmağa başlayır. Edvard Roçester bir müddət sonra Ceyn Eyr ilə evlənməyə hazırlaşır. Lakin onlar evlənən zaman bir adam vəkili ilə bərabər mərasimi dayandırır. Məlum olur ki, həmin adam Edvard Roçester Roçesterin həyat yoldaşının qardaşıdır. Roçesterin həyat yoldaşı ruhi xəstədir. Bu səbəbdən Roçester hamıdan onu gizlətməyə çalışırdı. Bu hadisədən sonra Ceyn Eyr Roçesterə mənfi münasibətlə yanaşır. Bir müddət sonra Ceyn Eyr Roçesterin evini tərk edir.

Neçə gün ac-susuz qalan Ceyn Eyr, sonda evlərdən birinə çatır. Bu evdə yaşayan Diana, Meri və Sent Con Rivers ona həm maddi, həm də mənəvi cəhətdən dəstək olurlar. Sent Con Rivers, Ceyn Eyr haqqında məlumatlar əldə edir. Məlum olur k, dayısı ona miras qoymuşdur və Sent Con Rivers onun bibisi oğludur. Bu məlumatı Sent Con Riversdən eşidən Ceyn Eyr, mirasdan daha çox yaxınlarını tapdığı üçün çox şad olur. Bir müddət sonra Ceyn Eyr mirası özü ilə bərabər, evdə yaşayan şəxslər arasında öz razılığı ilə bölür. Sent Con Rivers Ceyn Eyrə evlənmək təklif edir. Lakin bu zaman Ceyn Eyr qəflətən Roçesterin onu çağırdığını hiss edir və bu səbəbdən tez bir zamanda evdəkilərlə vidalaşaraq, Roçesterin evinə geri dönür. Geri döndükdən sonra öyrənir ki, Roçesterin həyat yoldaşı evi yandıran zaman Roçester həm əlindən, həm də gözündən ağır zədə almışdır. Həmçinin, Roçesterin həyat yoldaşı evin damından aşağı düşərək, vəfat etmişdir. Görmə qabiliyyətini itirən Cənab Roçester Ceyn Eyri səsindən tanıyır və bundan şad olur. Ceyn Eyr onunla birlikdə qalmağa qərar verir. Bu hadisədən 2 il keçdikdən sonra Roçesterin görmə qabiliyyəti yaxşılaşır. Onlar firavan həyat yaşayırlar.

Xəbərdarlığın sonu.

"Ceyn Eyr" miniserialı 1984-cü ildə "BAFTA" mükafatının "Ən yaxşı drama" kateqoriyası üzrə nominasiyaya layiq görülmüşdür. 1985-ci ildə "CableACE Awards" mükafatının "Ən yaxşı incəsənət istiqaməti üzrə video lent" kateqoriyası üzrə nominasiyaya layiq görülmüş, "Ən yaxşı video kaset" və "Ən yaxşı kostyum rəssamı" kateqoriyaları üzrə mükafata sahib olmuşdur.

• 
  Ceyn Eyr kitabından bir şəkil: Balaca Ceyn Xanım Rid ilə mübahisə edir.
• 
  Ceyn Eyr kitabından bir şəkil: Ceyn Eyr ilk dəfə olaraq Cənab Roçester ilə görüşür.
• 
  Ceyn Eyr kitabından bir şəkil: Cənab Roçester özünü Ceynə Cadugər kimi qələmə verir.
• 
  Ceyn Eyr kitabından bir şəkil: Con Rivers qapıda qalmış Ceyn Eyrə kömək edir.
• 
  Ceyn Eyr kitabından bir şəkil: Gözləri görməyən Cənab Roçester Ceyn Eyri səsindən tanıyır.

• Brontë, Charlotte (16 October 1847). Jane Eyre. London, England: Smith, Elder & Co. p. 105.
• Lane, Margaret (1953). The Brontë Story: a reconsideration of Mrs. Gaskell's Life of Charlotte Brontë.

• Ceyn Eyr — IMDb səhifəsi
• Timoti Daltonun Rəsmi Səhifəsi
• Ceyn Eyr 1983 Eyreguide.bravehost.com Arxivləşdirilib 2008-07-23 at the Wayback Machine