Vikipediya ?

Ceyhun Mirzəyev

Ceyhun Cəmil oğlu Mirzəyev (9 aprel 1946 – 5 mart 1993) — Azərbaycan kino aktyoru və rejissoru.

Ceyhun Mirzəyev
Ceyhun Mirzəyev.jpg
Doğum tarixi 9 aprel 1946(1946-04-09)
Doğum yeri Gülablı, Ağdam, Azərbaycan SSR, SSRİ
Vəfat tarixi 5 mart 1993 (46 yaşında)
Vəfat yeri Bakı, Azərbaycan
Vəfat səbəbi Ürək tutması
Dəfn yeri Yasamal qəbiristanlığı
Vətəndaşlığı SSRİ SSRİAzərbaycan Azərbaycan
Peşələri Rejissor
Aktyor
Təhsili
Fəaliyyət illəri 1957–1993
IMDb

Mündəricat

Həyatı

Ceyhun Mirzəyev 9 aprel 1946-cı ildə Ağdam rayonunun Abdal-Gülablı kəndində anadan olub. Azərbaycan Dövlət İncəsənət İnstitutunun rejissorluq fakültəsini bitirib. Moskvada da təhsil alıb. Onun 46 illik ömrünün 35 ilə yaxını kino ilə bağlı olub. Çünki "Görüş" filmində Şıxəlinin oğlunun obrazını yaradanda cəmi 11 yaşı var idi. On iki yaşı olanda isə "Ögey ana"ya dəvət almışdı. Ceyhun Mirzəyev kinostudiyada müxtəlif peşələrdə çalışıb. Assistent də olub, rejissor köməkçisi də işləyib, aktyorluq da edib, üstəlik rejissor kimi filmlər də çəkib. "Mozalan" satirik kinojurnalı üçün süjetlər çəkib. "Mozalan"ın bədii rəhbəri olub. Ceyhun Mirzəyev həm də güclü parodiyaçılıq qabiliyyətinə malik olub. Belə ki, o, bir dəfə söhbət etdiyi adamın səsini, danışıq formasını o dəqiqə yamsılamağı bacarırmış. Hətta "Mozalan"ın başlığında səslənən vızıltı səsi də ona məxsus olub.

Ceyhun Mirzəyevin son filmi "Fəryad" olub.

Özü bu filmini görə bilmədi. Amansız ölüm ona imkan vermədi ki, heç olmasa filmin premyerasında iştirak etsin. Studiyada çəkiliş vaxtı özünü pis his edən Ceyhun evə güclə çatdırıldı. Ceyhun Mirzəyev 1993-cü ildə vəfat edib. Yasamal qəbiristanlığında torpağa tapşırılıb.

  • Fəryad filmindəki şücaətinə görə "Bakılı" cəmiyyətinin "Humay" mükafatına layiq görülüb.
  • Ölümündən sonra Diplom və Priz verilmişdir.
  • Milis işçisi Cəmil Mirzəyevin oğludur.

Filmoqrafiya

İstinadlar

Mənbə

  • Mükərrəmoğlu, M. “Bu həyat bir nağıldır...” [Mərhum aktyor və rejissor Ceyhun Mirzəyevin sənətə gəlişinin 45 ili tamam olur] //Xalq.- 2002.- 12 dekabr.
  • Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 816.
  • “Özünə abidə ucaldan rejissor” //Kaspi.- 2011.- 13 aprel.
  • “"Ögey ana"nın İsmayılı "Fəryad"ın qəhrəmanı oldu” //Xalq.- 2011.- 16 aprel.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019