Ceyda Əsli Qılıncqıran (türk. Ceyda Aslı Kılıçkıran; 16 fevral 1968[1], İzmir) — türk ssenarist və rejissoru, feministi.
| Ceyda Əsli Qılıncqıran | |
|---|---|
| türk. Ceyda Aslı Kılıçkıran | |
 | |
| Doğum tarixi | 16 fevral 1968[1] (57 yaş) |
| Doğum yeri | |
| Təhsili | |
| Fəaliyyəti | jurnalist, yazıçı, kinorejissor, ssenarist |
 Vikianbarda əlaqəli mediafayllar | |
Ceyda Əsli 16 fevral 1968-ci ildə İzmirdə anadan olub. Atası Türkiyə Radio və Televiziya Qurumunda (TRT) ilk rejissor və proqram prodüseri kimi fəaliyyət göstərənlərdən olub.
1993-cü ildə İstanbul Universitetinin İngilis dili və ədəbiyyatı fakültəsini bitirən Qılıncqıran 1 il konservatoriyada təhsil alıb.
O, Daily News və The Middle East Journalda daxil olmaqla bir sıra xarici KİV-lərdə jurnalist-yazıçı kimi də çalışıb. Daha sonra o, CIDC Insight jurnalının baş redaktoru təyin edilib.[2] [3] [4]
Reklam ssenariləri yazmağa və tanıtım filmləri çəkməyə başlayan Qılıncqıran, daha sonra ssenaristi özünün olduğu filmlərini çəkməyə başladı. Onun ilk filmi "Mən azadlığımı və səni sevirəm" ABŞ-də Pensilvaniya Film Festivalında mükafat qazanıb. Onun digər bir filmi olan "Su yolu" Fransada Bordo Film Festivalında da xüsusi mükafat qazanmışdır.
2005-ci ildə çəkilmiş "Bir parça azadlıq" filmi Antalya Qızıl Portağal kinofestivalına namizəd olub.[2]
2007-ci ildə çəkilən, prodüseri və rejissoru olduğu "Keçərkən baş çəkdim" filminin mövzusu həyat və müasir qadın portretindən ibarətdir. Türkiyənin öndə gedən qadın haqları fəallarından və feminist yazarlarından Duyğu Asenaya həsr olunmuş filmdə baş rolda Halə Soyqazi çəkilib.[5]
2007-ci ildə çəkilmiş "Kilid" filmi ilk müsəlman qadın teatr aktrisası Afife Jalənin (1902–1941) həyatından bəhs edir. Film 2008-ci ildə Qadın Əsərləri və Kitabxanası Fondu tərəfindən mükafata layiq görülüb.[6]
Qılıncqıran amerikalı kinorejissor və prodüser Robert Rixter tərəfindən Yaxın Şərqdəki müsəlman qadınların həyatından bəhs edən sənədli film layihəsi təklifini alıb.[7]
Qılıncqıran, həmçinin İstanbul Qısa Film Rejissorları Dərnəyindən bir mükafat və Baş Nazirlik mükafatı da alıb.[8]
Ceyda Əsli Qılıncqıran Türkiyədə və hətta Yaxın Şərqdə çox az sayda qadın rejissordan biridir. Onun filmlərinin mövzuları şəxsiyyət, bərabərlik və qadın azadlığına yönündə olub.
Onun 2014-cü ildə yazdığı "Yeni dövrün astanasında" adlı kitabı var. "Keçid" sənədli filmindən də bölmələrin yer aldığı kitabında Hindistan və ABŞ-də çəkilmiş dünyanın aparıcı ruhani ustadları ilə müsahibələr yer almışdır.[9]
- Azadlığımı və səni sevirəm — 2003
- Bir parça azadlıq (A Patch of Freedom) — 2005
- Su yolu (Watermark) — 2005
- Keçərkən baş çəkdim (Whilst on My Way) — 2007
- Kilid (The Lock) — 2007
- Keçiş (The Transition) — 2011 (sənədli film)
- ↑ 1 2 Ceyda Aslı Kılıçkıran // Česko-Slovenská filmová databáze (çeş.). 2001.
- ↑ 1 2 "A woman in the world an interview with film director Ceyda Aslı Kılıçkıran". 20 Ağustos 2009. 6 Mayıs 2014 tarixində arxivləşdirilib.
- ↑ "Ceyda Aslı Kılıçkıran". 6 Mart 2017 tarixində arxivləşdirilib.
- ↑ "Ceyda Aslı Kılıçkıran". Kamera Arkası. 6 Mart 2017 tarixində arxivləşdirilib.
- ↑ "Geçerken Uğradım festivallerde". Hürriyet (qəzet). 11 Şubat 2007. 11 Eylül 2014 tarixində arxivləşdirilib.
- ↑ "Kilit'e ödül". Hürriyet (qəzet). 25 Nisan 2008. 11 Eylül 2014 tarixində arxivləşdirilib.
- ↑ "Amerikalıden Müslüman kadının cinsel yaşamı". Hürriyyət. 24 Eylül 2015 tarixində arxivləşdirilib.
- ↑ Ceyda Aslı Kılıçkıran. "Yeni Çağ'ın Eşiğinde". Ötesi Yayıncılık. 2017-03-12 tarixində arxivləşdirilib. İstifadə tarixi: 2025-03-26.
- ↑ "Yeni Çağ'ın Eşiğinde". Ötesi Yayıncılık. 12 Mart 2017 tarixində arxivləşdirilib. İstifadə tarixi: 7 Mart 2017.
- http://www.magazinkolik.com/Sinema/5501/Asli-Ceyda-Kilickiran-TURK-YONETMENDEN Arxivləşdirilib 2009-05-14 at the Wayback Machine
- https://web.archive.org/web/20140505122445/http://www.todayszaman.com/news-165347-documentary-to-link-hinduism-with-sufism.html (ing.)
- http://intersinema.com/ceyda-asli-kilickiran-filmleri/ Arxivləşdirilib 2016-03-04 at the Wayback Machine
- http://intersinema.com/sinema-haberleri/haber_18802.asp
- http://intersinema.com/sinema-haberleri/haber_3321.asp Arxivləşdirilib 2014-07-31 at the Wayback Machine
- http://www.milliyet.com.tr/bu-belgesel-cok-konusulacak--sinema-1051725/ Arxivləşdirilib 2016-03-05 at the Wayback Machine
- http://www.yeniaktuel.com.tr/top109,123@2100.html Arxivləşdirilib 2011-10-09 at the Wayback Machine