Cerard Pavis Dryuherst (ing. Gerard Powys Dewhurst; 14 fevral 1872, London – 29 mart 1956) — İngiltərə futbolçusu, bankiri və sahibkarı. O, "Kejualz", "Old Reptonians", "Kembric Yuniversiti", "Korintian", "Liverpul", "Liverpul Ramblers" və İngiltərə milli komandasının hücumçusu idi.
| Cerard Dryuherst | |
|---|---|
| Ümumi məlumatlar | |
| Doğum tarixi | 14 fevral 1872 |
| Doğum yeri | |
| Vəfat tarixi | 29 mart 1956 (84 yaşında) |
| Vətəndaşlığı | |
| Təhsili | |
| Mövqeyi | inside forward[d] |
Londonda pambıq taciri Corc Beykvell Dryuherst və Fransis Eyda Dryuherstin ailəsində anadan olmuşdur. O, Ceşir qraflığının Limm kəndi yaxınlığındakı bağ evində olan Otrinqton-holl bağ evində böyümüşdür.[1]
1883-cü ilin aprelində Repton məktəbinə daxil olmuş və 1889–1890-cı illərdə məktəbin futbol komandasında çıxış etmişdir.[2] 1890-cı ilin iyununda Kembric Universitetinin Triniti Kollecinə daxil olmuşdur.[1][3] 1892-ci ildən 1894-cü ilə qədər Kembric futbol komandası olan "Kembric Yuniversiti"də çıxış etmişdir. 1890-cı ildə O, "Kejualz", növbəti il isə "Old Reptonians"da çıxış etmişdir.[1] 1892-ci ildən 1895-ci ilə qədər "Korintian" klubunda 32 oyun keçirmiş və 18 qol vurmuşdur.[4] 1894-cü ildə "Liverpul" heyətində üçün bir oyun keçirmişdir. Daha sonra "Liverpul Ramblers"də çıxış etmişdir.[1]
18 mart 1895-ci ildə Dryuherst İngiltərə milli futbol komandasının heyətində yeganə oyununu keçirmişdir. Londonda Uels ilə keçirilən oyun 1–1 hesabı ilə heç-heçə başa çatmışdır.[5][6]
O, atasının baş ofisi Mançesterdə yerləşən "Geo. & R. Dewhurst Ltd." adlı pambıq ticarəti biznesini miras almış, onun sədri və icraçı direktoru olmuşdur. O, eyni zamanda Mançesterdə "Vulcan Insurance" şirkətinin sədri, London Sığorta Korporasiyasının direktoru və Mançester Kral Birjasının üzvü olmuşdur. Birinci Dünya müharibəsi zamanı kapitan rütbəsində xidmət etmişdir. Müharibədən sonra "Williams Deacon's Bank"ın sədri olmuşdur. O, həm də Şotlandiya Kral Bankının direktoru kimi çalışmışdır.[1] O, Uelsin Denbişir dairəsində sülhün hakimi vəzifəsini icra etmişdir. 1920-ci ildə "Great Central Railway" "Class 11F" təkmilləşdirilmiş "Directir" buxar lokomotivlərindən birini onun şərəfinə adlandırmışdır.[7]
- ↑ 1 2 3 4 5 "Gerard Dewhurst". England Football Online (ingilis). 2024-06-30 tarixində arxivləşdirilib. İstifadə tarixi: 2025-01-12.
- ↑ Betts, Graham. England: Player by player. Green Umbrella Publishing. 2006. səh. 88. ISBN 1-9050-0963-1.
- ↑ "Repton School register: supplement to 1910 edition" (ingilis).
- ↑ Cavallini, Rob. Play Up Corinth: A History of the Corinthian Football Club. Tempus Publishing. 2007. səh. 275. ISBN 978-0-7524-4479-6.
- ↑ "England Match No. 54 - Wales - 18 March 1895 - Match Summary and Report". England Football Online (ingilis). 27 January 2023 tarixində arxivləşdirilib. İstifadə tarixi: 12 January 2025.
- ↑ "Match No. 54 - Monday, 18th March 1895. England 1-1 Wales". Englandstats (ingilis). 2022-07-14 tarixində arxivləşdirilib. İstifadə tarixi: 2025-01-12.
- ↑ "The Robinson Class D11 (GCR Class 11F) 'Improved Directors' 4-4-0 Locomotives". LNER locos (ingilis). 2024-12-15 tarixində arxivləşdirilib. İstifadə tarixi: 2025-01-12.
- Профиль футболиста на сайте England Football Online (ing.)
- Профиль футболиста на сайте LFC History (ing.)