Cennifer Vestvud

Cennifer Betris Fulçer 5 yanvar 1940-cı ildə Norfolkda yerləşən Norton Sabkurs kəndində anadan olmuşdur. Atası daş hörgüçü, anası isə məktəb müəllimi idi.^[3][4] O, ibtidai təhsilini təxminən 8 mil uzaqlıqdakı Suffolkun Bekles şəhərində almışdır. Üç yaşına qədər oxumağı öyrənmişdir.^[4] Daha sonra Beklesdəki Sir Con Leman Qrammatika məktəbində təhsil almış və Oksford Universitetinin Müqəddəs Anne kollecinə qəbul olunmuşdur. Orada ingilis dili və anqlo-sakson dilləri üzrə ixtisaslaşmışdır.

Birinci nikahı Lafboro Universitetində İdman Təhsili üzrə təhsil alan Trevor Vestvud ilə bağlamışdır. Bu dövrdə Kembric Universitetində qədim Norveç dili üzrə təhsil almışdır.^[5] Araşdırmaları üçün İslandiya və Skandinaviya ölkələrinə səyahət etmişdir.^[5] 1968-ci ildə birinci həyat yoldaşından boşanmışdır.^[4] Daha sonra menecment məsləhətçisi Brayan Çandler ilə evlənmiş və Conatan adlı bir oğlu olmuşdur.^[5]

1968-ci ildə "Ortaəsr nağılları" adlı ilk kitabı nəşr olunmuşdur.^[4] Kitab Kembricdə apardığı araşdırmalara əsaslanmış və uşaqlar üçün yazılmışdır.^[4] Bu, Britaniyanın orta əsrlər dövrünə aid uyğunlaşdırılmış nağıllardan və fransız dilindən tərcümə olunmuş eyni dövrə aid əfsanələrdən ibarət idi. Merilend Universitetindən Doktor Cessi Roderik kitabın ibtidai məktəb şagirdləri üçün mövzuya dair yaxşı bir əsas yaratdığını bildirmişdir.^[6] Vestvud eyni janrda bir neçə kitab yazmış və "Rupert Bear" illik nəşrlərinə töhfə vermişdir.^[5] The Observer qəzetinin ədəbi tənqidçisi Naomi Lyuis, onun "Gilgamış və digər Babil nağılları" (1968) kitabının "məlumatlandırıcı elmi şərhlər" təqdim etdiyini bildirmişdir.^[7] Vestvud dəqiq və geniş araşdırmalar aparmış, müxtəlif mövzularda çoxsaylı kitablar nəşr etdirmişdir.^[5] 1985-ci ildə nəşr olunan "Albion: Əfsanəvi Britaniya üzrə bələdçi" folklorşünas Jaklin Simpson tərəfindən "əfsanələrin geniş bölməsini elmi təhlillə təqdim edən ilk kitab" kimi qiymətləndirilmişdir. Vestvud və Simpson birlikdə "Torpağın əfsanələri" (2005) kitabı üzərində işləmiş, Simpson isə 2007-ci ildə "Ketrin Briqs xatirə mühazirəsi"ndə onların araşdırma metodlarını izah etmişdir.

1989–1992-ci illərdə "Qotik" adlı silsilə bələdçi kitabları nəşr olunmuşdur. Vestvud "Qotik Hertfordşir", "Qotik Norfolk" və "Qotik Kornuoll" kitablarını yazmışdır.^[8] Folklorşünas Cülyetta Vud onun araşdırmalarının keyfiyyətini yüksək qiymətləndirmiş və bu kitabların həm ümumi oxucular, həm də akademik yanaşma axtarışında olanlar üçün uyğun olduğunu bildirmişdir.^[8] 1996-cı ilin mayında Vestvud Fransa, Sent-Meri-de-la-Mer şəhərindəki dindarların yürüşündə iştirak etmiş, altı ay sonra isə bu ziyarətindən geri qayıtmışdır. Bu müddətdə "Müqəddəs səyahətlər: Dünyadakı ziyarətgahlar üçün illüstrasiyalı bələdçi" (200 səhifəlik bələdçi kitabı) əsərini nəşr etdirmişdir.^[4] 1987-ci ildə Folklor Cəmiyyətinin fəal üzvü olmuşdur.^[5] Cəmiyyətdə nəşrlər üzrə redaktor, "Folklore" jurnalının həmmüəllifi və FLS Buksun redaktoru kimi çalışmışdır.^[5] 2008-ci ildə Folklor Cəmiyyəti ona "Kut Leyk" medalını təqdim edərək "mükəmməl araşdırma və akademik töhfələrinə" görə mükafatlandırmışdır. Bu medal yalnız xüsusi hallarda təqdim olunur və əvvəlki laureatlar arasında folklorşünaslar Iona və Piter Opi, professor E. O. Ceyms və M. M. Banks olmuşdur. Vestvud natiq və mütəxəssis kimi BBC Radio 4 və Radio Norfolk üçün "Lənd Layns" proqramı da daxil olmaqla müxtəlif verilişlər hazırlamışdır.^[4]

1998-ci ildə ona döş xərçəngi diaqnozu qoyulmuşdur, lakin 2003-cü ilə qədər Folklor Cəmiyyətindəki fəaliyyətini davam etdirmişdir. 12 may 2008-ci ildə vəfat etmişdir.^[4]

• Gilgamesh and Other Babylonian Tales (Heroic retellings from history and legend) (1968) ISBN 978-0370011097
• Isle of Gramarye: An Anthology of the Poetry of Magic (1970) ISBN 978-0246973573
• Tales and Legends (1971) ISBN 978-0698201385
• Stories of Charlemagne (1972) ISBN 978-0370012667
• Alfred the Great (Wayland kings and queens) (1978) ISBN 978-0853404200
• Albion: Guide to Legendary Britain (Hardback 1985) (Paperback 1995 ISBN 978-0586084168)
• Going to Squintum's: A Foxy Folk Tale (1985)
• Gothick Hertfordshire (1989) ISBN 978-0747800415
• Gothick Norfolk (1989) ISBN 978-0747800422
• Gothick Cornwall (1992) ISBN 978-0747801849
• Sacred Journeys: An Illustrated Guide to Pilgrimages Around the World (1997) ISBN 978-0805048452
• Mysteries: Lost Atlantis (Mysteries of the Ancient World) (1997) ISBN 978-0297823056
• Sacred Journeys: Paths for the New Pilgrim with Martin Palmer (2000) ISBN 978-1856750042
• The Atlas of Legendary Places with James Harpur (2001) ISBN 978-1568521503
• On Pilgrimage: Sacred Journeys Around the World (2003) ISBN 978-1587680151
• The Lore of the Land: A Guide to England's Legends, from Spring-heeled Jack to the Witches of Warboys with Jacqueline Simpson (2005) ISBN 978-0141007113
• The Penguin Book of Ghosts: Haunted England with Jacqueline Simpson (2008) ISBN 978-1846141010
• The Lore of Scotland: A guide to Scottish legends with Sophia Kingshill (2009) ISBN 978-1905211623

1. ↑ ^{1 2 3 4} Jennifer Westwood // Internet Speculative Fiction Database (ing.). 1995.
2. ↑ ^{1 2} Westwood, Jennifer // Çex Milli Hakimiyyət Məlumat bazası.
3. ↑ "Westwood, Jennifer", Library of Congress, archived from the original on 17 June 2016, retrieved 26 April 2016
4. ↑ ^{1 2 3 4 5 6 7 8} Jennifer Westwood — obituary", The Times, p. 45, 26 may 2008
5. ↑ ^{1 2 3 4 5 6 7} Bowman, Marion (December 2008), "Jennifer Westwood (1940–2008)", Folklore, 119 (3): 346–348, doi:10.1080/00155870802352293, JSTOR 40646473, S2CID 161378473
6. ↑ Roderick, Jessie A. (January 1969), "Books for children", Elementary English, 46 (1), National Council of Teachers of English: 40–49, JSTOR 41386463
7. ↑ Lewis, Naomi (1 December 1968), "Children's books: to the Glass Mountain", The Observer, p. 30
8. ↑ ^{1 2} Wood, Juliette (1994), "Reviewed work", Folklore, 105: 118, JSTOR 1260656