Cell — həyat elmləri sahəsində geniş spektrli fənləri əhatə edən tədqiqat məqalələrini dərc edən elmi jurnaldır.[2]
| Cell | |
|---|---|
| Təsis tarixi | 1974 |
| Ölkə | |
| Dil | ingilis dili[1] |
| ISSN |
0092-8674 (çap) 1097-4172 (veb) |
| OCLC nömrəsi | 01792038 |
|
cell.com/cell/home cell.com sciencedirect.com/scienc… |
|
 Vikianbarda əlaqəli mediafayllar | |
Əhatə etdiyi sahələrə molekulyar biologiya, hüceyrə biologiyası, kök hüceyrələr, inkişaf biologiyası, genetika və genomika, xərçəng tədqiqatları, immunologiya, neyrobiologiya, mikrobiologiya, fiziologiya və biofizika daxildir.
Jurnal 1974-cü ildə Benjamin Levin tərəfindən təsis edilmişdir[3] və hazırda Elsevierə məxsus olan Cell Press tərəfindən ayda iki dəfə nəşr olunur.
Benjamin Levin, Cell jurnalını 1974-cü ilin yanvar ayında MIT Press nəşriyyatının himayəsi altında təsis etmişdir. Daha sonra, 1986-cı ildə o, jurnalın ad hüquqlarını alaraq müstəqil Cell Press nəşriyyatını yaratmışdır.[3] 1999-cu ilin aprel ayında Levin Cell Press nəşriyyatını Elsevier nəşriyyat evinə satmışdır.[4]
“Gələcəyin Məqaləsi” layihəsi (ing. Article of the Future) 2011-ci ildə Bioloji və Həyat Elmləri sahəsində mükəmməlliyə görə PROSE mükafatına layiq görülmüşdür. Bu mükafat Amerika Nəşriyyatçılar Assosiasiyasının Peşəkar və Elmi Nəşriyyat Bölməsi tərəfindən təqdim olunmuşdur.[5]
Cell jurnalı orijinal tədqiqat məqalələrinə əlavə olaraq “Ən Son Səviyyə” bölməsində (ing. Leading Edge) elmi elanlar, mini icmallar, icmal məqalələr, analitik yazılar, şərhlər, esselər, müəllif yazışmaları, eləcə də “Ani Baxış” (ing. Snapshot) adlı bölməni dərc edir. Bu bölmə nomenklatura cədvəlləri, terminoloji lüğətlər, siqnal ötürülməsi yolları və hüceyrə proseslərinin sxematik diaqramları kimi məlumatların təqdim edildiyi referensial sistemdir.[6]
Jurnalın digər xüsusiyyətlərinə “PaperClips” (ing. PaperClips) adlı rubrika daxildir — burada Cell jurnalının redaktoru ilə məqalə müəllifi arasında tədqiqat nəticələrinin məntiqi əsaslandırılması və praktiki tətbiqi barədə qısa söhbətlər yer alır.[7]
Bundan əlavə, “PaperFlicks” (ing. PaperFlicks) — jurnalda dərc olunan məqalələrin video xülasələridir.[7][8]
ScienceWatcha görə, Cell jurnalı 1995–2005-ci illər ərzində bütün sahələr üzrə ən yüksək təsirli elmi jurnallar kateqoriyasında birinci yeri tutmuşdur. Bu dövrdə jurnalda dərc olunan məqalələrə orta hesabla 161.2 istinad edilmişdir.[9]
Journal Citation Reports məlumatına əsasən, Cell jurnalının 2020-ci il üzrə təsir əmsalı (impact factor) 41.582 təşkil etmişdir. Bu göstərici ilə jurnal “Biokimya və Molekulyar Biologiya” kateqoriyasında 298 jurnal arasında birinci yeri tutmuşdur.[2]
1995-ci ilin yanvar sayından başlayaraq, 12 aydan artıq köhnə olan məzmun açıqdır və istənilən istifadəçi üçün əlçatandır.[10]
- ↑ 1 2 3 The ISSN portal (ing.). Paris: ISSN International Centre, 2005. ISSN 0092-8674
- ↑ 1 2 "Cell (journal)".
- ↑ 1 2 Elsevier: Cell: Home
- ↑ "Elviser:Cell" (PDF).
- ↑ "Cell Press Wins Prestigious PROSE Award for Article of the Future". Elsevier.
- ↑ https://web.archive.org/web/20131214091509/http://www.cell.com/cellpress/PROSE_award2011
- ↑ 1 2 "Cell website".
- ↑ "Cell PaperFlicks". Youtube.com.
- ↑ "Highest-Impact Journals (All Fields), 1995-2005". In-cites.com.
- ↑ "Emilie Marcus, Executive Editor". Cell Press. Elsevier.