Cavanşir Rüstəm

Cavanşir Rüstəm – tam adi ilə Rüstəmov Cavanşir Hüseyn oğlu 1951-ci il 15 yanvar tarixində Qazax rayonunun Kosalar kəndində dünyaya göz açıb. 1975-ci ildə, indiki Slavyan Universiteti adını daşıyan Mirzə Fətəli Axundov adına Rus dili və Ədəbiyyatı İnstitutunda təhsilini yekunlaşdırıb. Həmin ildə o, Ağstafa rayon M.Əhmədov adına Pirili kənd tam orta məktəbinə təyin olunub və burada 3 il müəllimlik edib. Buradakı fəaliyyətinin sonlandırdıqdan sonra müəllimlik peşəsini 1978-ci ildən Qazax rayon İsmayıl Şıxlı adına Kosalar kənd tam orta məktəbində davam etdirib. 2016-cı ilin iyun ayında təqaüdə ayrılıb.

Cavanşir Rüstəm yaradıcılıq həyatı boyunca bir çox fəxri fərman və mükafatlara layiq görülüb. Müəllimlik peşəsini icra etdiyi dövrdə onun səmərəli pedaqoji fəaliyyəti ona həm Qazax Rayon Təhsil Şöbəsi tərəfindən, həm də Azərbaycan Təhsil İşçiləri Azad Həmkarlar İttifaqı Qazax Rayon Komitəsi tərəfindən Fəxri Fərmanlar gətirib. “Əmək veteranı” tituluna layiq olması və "Qızıl qələm” mükafatı laureatı olması Cavanşir Rüstəmin ziyalı fəaliyyətinə sübut göstərilə bilər.

• “Dərdim saçlarımda cücərib mənim” kitabı
• “Hər ürəyə köçmərəm mən” kitabı
• “Pəncərəmi döyür bahar” kitabı
• “Söz mənim yox, Allahındır” kitabı
• “Ömrün payızı” kitabı
• "Şairlər qapıda növbə gözləyir” şeiri
• "Bu dünyada qalan sözdü” şeiri
• "Qazaxdadır” şeiri
• "Kim kimdir” şeiri
• "Şərəfli ömür yolçuları” şeiri
• "Qələbə günü” şeiri

"Qələbə günü” şeiri şairin 44 günlük müharibəyə həsr etdiyi şeiridir.