Canet Nelson

Canet Myuir 28 mart 1942-ci ildə İngiltərənin Lankaşir bölgəsində, Bləkpul şəhərində anadan olmuşdur. O, Uilyam Vilson Muyir və Elizabet Barns Myuirin (evlilikdən əvvəlki soyadı Lofland) ailəsində dünyaya göz açmışdır. Onun Kristin adlı bir bacısı var idi. Canet Muyir Kambriya bölgəsindəki Kesvik məktəbində təhsil almış, daha sonra Kembric Universitetinin Nyunhem kollecində oxumuş və 1964-cü ildə bakalavr dərəcəsi almışdır. O, professor Uolter Ullmann rəhbərliyi altında erkən orta əsrlərə aid tacqoyma mərasimləri mövzusunda doktorluq işi hazırlamış və 1967-ci ildə dissertasiyasını müdafiə etmişdir.^[3][4][5]

Qısa müddət Xarici İşlər Nazirliyində işlədikdən sonra,^[4] Nelson 1970-ci ildə London Kral Kollecində mühazirəçi təyin edildi. 1987-ci ildə dosent, 1993-cü ildə professor, 1994-cü ildə isə Son Antik dövr və Orta Əsrlər Araşdırmaları Mərkəzinin direktoru olmuşdur. O, 2007-ci ildə təqaüdə çıxdı.^[6]

Nelson akademik fəaliyyətinin əvvəlində Ualter Ullmannın tələbəsi olsa da, 1977-ci ildə onun tədqiqatlarını tənqid edən məqalə dərc etdi. Nelson, Ullmannın Karolinq imperiyasının idarəetmə sisteminə həddən artıq rəğbətlə yanaşdığını düşünürdü. O, Ullmannın Karolinq İntibahının islahat imkanlarını şişirtdiyini hesab edirdi.^[4] Nelson öz karyerası boyunca bu mövzuya qayıtmış və Paul Furakrın sözləri ilə desək, "Karolinq düşüncəsinin ardıcıllığını başa düşsə də, onun əsasən ritorik xarakter daşıdığını" qəbul etmişdi.^[4]

1979-cu ildə Kral Tarix Cəmiyyətinin üzvü, 2001-ci ildə isə bu cəmiyyətin ilk qadın prezidenti oldu.^[7] O, 1992-ci ildə IX əsr Fransa kralı Keçəl Karl (Charles the Bald) haqqında ilk bioqrafiyasını yazmışdır.^[4] 1993–1994-cü illərdə Kilsə Tarixi Cəmiyyətinin prezidenti,^[8] 2000–2001-ci illərdə isə Britaniya Akademiyasının vitse-prezidenti oldu. 1996-cı ildə Britaniya Akademiyasının üzvü seçildi.^[4] 2013-cü ildə o, Britaniya Akademiyasının Roli Tarix Mühazirəsini vermişdir.^[9] Cinti Nelson Tarixdə İlhamverici Tədris və Rəhbərlik Mükafatı isə 2018-ci ilin yanvarında Kral Tarix Cəmiyyəti tərəfindən təsis edilmişdir.^[10]

Nelsonun tədqiqat sahəsi erkən orta əsrlər Avropasını, xüsusilə Anqlo-Sakson İngiltərəsini əhatə edirdi. O, krallıq, idarəçilik, siyasi ideyalar, din, rituallar, eləcə də orta əsrlərdə qadınlar və gender məsələləri ilə bağlı çoxsaylı tədqiqatlar aparmışdır. 2000–2010-cu illərdə o, Kembric Universitetindən Simon Keynes ilə birlikdə Anqlo-Sakson İngiltərəsinin şəxsi bioqrafiyalarını əhatə edən geniş bir layihəyə rəhbərlik etmişdir.^[11]

Nelson 140-dan çox elmi məqalə dərc etmişdir, bunların yarısı dörd cildlik məqalələr toplusunda toplanmışdır.^[4] O, 1991–2009-cu illərdə Rozemari Horroks ilə birlikdə Mançester Ortaəsr Mənbələri tərcümə seriyasını yaratmış və etmişdir.^[4] 2011-ci ildən etibarən Henrietta Leyser ilə birlikdə Orta əsrlər Avropasının Oksford tarixi jurnalının redaktoru olmuşdur.^[6]

Onun sonuncu kitabı "Kral və İmperator", 2019-cu ildə nəşr olunmuş və məşhur Frank hökmdarı Böyük Karlın bioqrafiyasına həsr olunmuşdur.^[12]

1965-ci ildə Nelson Kembric Universitetində tanış olduğu, Çin mədəniyyəti üzrə ixtisaslaşmış antropoloq Hovard Nelson ilə evləndi.^[4][13] Cütlüyün Billi və Lizzi adlı iki övladı oldu, lakin 2010-cu ildə boşandılar.^[14] Nelson ömür boyu Nüvə Silahsızlanması Kampaniyasının (Campaign for Nuclear Disarmament) üzvü və Britaniya Leyborist Partiyasının tərəfdarı olmuşdur. Son illərində Altsheymer xəstəliyindən əziyyət çəkən Nelson,^[4] 14 oktyabr 2024-cü ildə 82 yaşında vəfat etmişdir.^[15] London Kral Kolleci onun ölümü ilə bağlı başsağlığı mesajı yayımlayaraq Nelsonu "kollec və tarixi araşdırmalar sahəsində mühüm bir şəxsiyyət" kimi təsvir etmişdir.^[16]

2006-cı ildə Nelson Britaniya İmperiyası Ordeninin Dama Komandor dərəcəsinə layiq görülmüşdür. Bundan əlavə, müxtəlif universistetlərin fəxri doktoru ünvanının almışdır: Şərqi İngiltərə Universiteti (2004),^[17] Sent-Endryus Universiteti (2007),^[18] Belfast Kraliça Universiteti,^[19] Liverpul Universiteti (2010),^[20] Nottinqem Universiteti (2010),^[3] York Universiteti (2010)^[21]

Onun "Kral və İmperator" adlı kitabı The Daily Telegraph və BBC tərəfindən "2019-cu ilin Tarix Kitabı" seçilmişdir.^[22]

• ——. King and Emperor: A New Life of Charlemagne. University of California Press. 2019. ISBN 978-0520-3142-07.^[23]
• ——; Kempf, D., redaktorlar Reading the Bible in the Middle Ages. Bloomsbury Publishing. 2015. ISBN 978-1474-2457-39.^[24]
• ——. Courts, Elites and Gendered Power in the Early Middle Ages. Aldershot: Routledge. 2007. ISBN 978-0754-6593-34.^[25]
• ——; Wormald, D., redaktorlar Lay Intellectuals in the Carolingian World. Cambridge: Cambridge University Press. 2007. ISBN 978-0521-8345-37.
• ——; Reuter, Timothy, redaktorlar Medieval Politics and Modern Mentalities. Cambridge: Cambridge University Press. 2007. ISBN 978-0511-4972-16.
• ——; Linehan, P., redaktorlar The Medieval World. London: Psychology Press. 2003. ISBN 978-1138-8486-89.
• ——; Stafford, P.; Martindale, J., redaktorlar Law, Laity and Solidarities: Essays in Honour of Susan Reynolds. Manchester: Manchester University Press. 2001. ISBN 978-0719-0583-63.
• ——; Theuws, F., redaktorlar Rituals of Power from Late Antiquity to the Early Middle Ages. Leiden: Brill. 2000. ISBN 978-9004-1090-25.
• ——. Rulers and Ruling Families in Earlier Medieval Europe. London: Routledge. 1999. ISBN 978-0860-7880-27.
• ——. The Frankish World, 750–900. London: A&C Black. 1996. ISBN 978-1852-8510-57.
• ——. Charles the Bald. London: Routledge. 1992. ISBN 978-0582-0558-41.
• ——. The Annals of St-Bertin. Manchester: Manchester University Press. 1991. ISBN 978-0719-0342-51.
• ——. Politics and Ritual in Early Medieval Europe. London: Bloomsbury. 1986. ISBN 978-0907-6285-90.

Nelson appeared on BBC television and radio, notably as an expert on Michael Wood's 2013 BBC TV series King Alfred and the Anglo Saxons.^[26]

1. ↑ Deutsche Nationalbibliothek Record #129701440 // Ümumi tənzimləmə nəzarəti (GND) (alm.). 2012—2016.
2. ↑ Dame Jinty Nelson (1942-2024), historian and former President of the Royal Historical Society. Royal Historical Society, 2024.
3. ↑ ^{1 2} "Graduation celebrations for the class of 2010". The University of Nottingham. İstifadə tarixi: 4 mart 2019.
4. ↑ ^{1 2 3 4 5 6 7 8 9 10} Fouracre, Paul. "Dame Janet Nelson obituary". The Guardian (ingilis). 2024-11-05. ISSN 0261-3077. İstifadə tarixi: 2024-11-06.
5. ↑ "Birthdays", The Guardian, səh. 43, 28 mart 2014
6. ↑ ^{1 2} London, King's College. "Professor Dame Janet Nelson". King's College London. 18 oktyabr 2024.
7. ↑ Stafford, Pauline. "Jinty Nelson – a memoir | Historical Transactions". Royal Historical Society (ingilis). İstifadə tarixi: 2024-10-27.
8. ↑ "Past Presidents of the EHS | Ecclesiastical History Society". history.ac.uk. 2018-06-26 tarixində arxivləşdirilib. İstifadə tarixi: 4 mart 2019.
9. ↑ "Raleigh Lectures on History". The British Academy. text video Arxiv surəti 25 fevral 2024 tarixindən Wayback Machine saytında
10. ↑ "Jinty Nelson Award for Inspirational Teaching & Supervision in History – RHS". RHS (ingilis). 2018-01-24 tarixində arxivləşdirilib. İstifadə tarixi: 23 yanvar 2018.
11. ↑ "Prosopography of Anglo-Saxon England: Team". pase.ac.uk. İstifadə tarixi: 4 mart 2019.
12. ↑ King and Emperor. penguin.co.uk. İstifadə tarixi: 4 mart 2019.
13. ↑ Fouracre, Paul; Ganz, David, redaktorlar Introduction: Dame Jinty Nelson . . . An Appreciation // Frankland: The Franks and the world of the early middle ages. Manchester University Press. 3 yanvar 2020. 1–6. ISBN 978-1-5261-4825-4.
14. ↑ "NELSON, Dame Janet Laughland, Dame Jinty Nelson) in Who's Who". Oxford University Press. 1 dekabr 2022. 2024-06-12 tarixində arxivləşdirilib. İstifadə tarixi: 15 oktyabr 2024.
15. ↑ "Dame Jinty Nelson (1942–2024), historian and former President of the Royal Historical Society". royalhistsoc.org. 16 oktyabr 2014. 2025-02-11 tarixində arxivləşdirilib. İstifadə tarixi: 16 oktyabr 2024.
16. ↑ London, King's College. "A tribute to Professor Dame Janet Nelson". King's College London.
17. ↑ "Honorary Graduates of the University". 14 avqust 2017. 2018-04-20 tarixində arxivləşdirilib. İstifadə tarixi: 4 mart 2019.
18. ↑ "Honorary degrees (21 iyun 2007)". University of St Andrews news. 22 iyun 2007. İstifadə tarixi: 4 mart 2019.
19. ↑ "07-2009 Press Releases | News". Queen's University Belfast. Aprel 2009. 2020-11-24 tarixində arxivləşdirilib. İstifadə tarixi: 4 mart 2019.
20. ↑ "World leading scientists among 2010 honours – News". University of Liverpool. 16 iyul 2010. İstifadə tarixi: 4 mart 2019.
21. ↑ "University of York honours 11 for their contributions to society – News and events". The University of York. İstifadə tarixi: 4 mart 2019.
22. ↑ "Amazon.co.uk: Janet L. Nelson: books, biography, latest update". Amazon UK. 2024-12-12 tarixində arxivləşdirilib. İstifadə tarixi: 2025-03-13.
23. ↑ Nelson, Janet L. King and Emperor: A New Life of Charlemagne. University of California Press. 2019. ISBN 978-0520-3142-07 – Google Books vasitəsilə.
24. ↑ Harkins, Franklin T. "Review of Reading the Bible in the Middle Ages ed. by Jinty Nelson and Damien Kempf". The Catholic Historical Review. 105 (3). 2019: 573–575. doi:10.1353/cat.2019.0109. ISSN 1534-0708.
25. ↑ Nelson, Janet. Courts, Elites, and Gendered Power in the Early Middle Ages Charlemagne and Others. Routledge. 28 iyun 2007. ISBN 9780754659334.
26. ↑ BBC Four – King Alfred and the Anglo Saxons Arxiv surəti 30 noyabr 2024 tarixindən Wayback Machine saytında. Accessed 21 avqust 2013.