Camo Hacınski
Bu səhifədə iş davam etməkdədir. |
Camo Hacınski (2 may 1926, Poltava – 16 sentyabr 2005, Bakı) — Azərbaycanlı tarixçi alim, İkinci Dünya müharibəsi iştirakçısı, tarix elmləri doktoru, professor.[1]
| Camo Hacınski | |
|---|---|
| ? – ? | |
| Şəxsi məlumatlar | |
| Doğum tarixi | 2 may 1926 |
| Doğum yeri | |
| Vəfat tarixi | 16 sentyabr 2005 (79 yaşında) |
| Vəfat yeri | |
| Təhsili | |
| Fəaliyyəti | zabit, tarixçi |
| Atası | Camo bəy Hacınski |
| Hərbi xidmət | |
| Döyüşlər | |
| Rütbəsi | |
| Elmi fəaliyyəti | |
| Elmi dərəcələri | |
| Təltifləri |
  |
.svg){kind=small}
Camo Hacınski 2 may 1926-cı ildə Ukraynanın Poltava şəhərində anadan olmuşdur. Atası Azərbaycan Milli Şurası tərəfindən qəbul olunmuş İstiqlal Bəyannaməsinə səs verən 26 nəfər deputatdan biri olan Camo bəy Hacınski, anası isə əslən Tiflisdən olan Mariya Pavlovna olmuşdur. O, atasının adını daşıyırdı.
Camo Hacınski M.V. Frunze adına Ali Hərbi Dənizçilik Məktəbində hərbi təhsil almışdır. Təhsilini başa vurduqdan sonra leytenant rütbəsi ilə İkinci Dünya müharibəsində iştirak etmişdir. Müharibə illərində göstərdiyi xidmətlərə görə “II dərəcəli Vətən Müharibəsi ordeni” və “1941–1945-ci illər Böyük Vətən Müharibəsində Almaniya üzərində qələbəyə görə” medalı ilə təltif olunmuşdur.
Müharibədən sonra Camo Hacınski elmi-pedaqoji fəaliyyətə başlamışdır. O, tarix elmləri doktoru elmi dərəcəsini və professor elmi adını almışdır. Uzun illər Bakı Ali Partiya Məktəbində Sovet İKP tarixi kafedrasının müdiri və eyni zamanda həmin ali məktəbin prorektoru vəzifələrində çalışmışdır.[1]
Camo Hacınski 16 sentyabr 2005-ci ildə Bakıda vəfat etmişdir.
Camo Hacınski görkəmli ictimai və mədəni xadim Şəmsi Bədəlbəylinin qızı ilə ailə həyatı qurmuşdur. Onun Emin və Nigar adlı övladları vardır və hər ikisi hazırda Bakıda yaşayır. Tarix elmləri doktoru, dosent Emin Hacınski Bakı Dövlət Universitetinin Beynəlxalq iqtisadi münasibətlər fakültəsində fəaliyyət göstərmişdir.[1][2]
- 1 2 3 Əliyarlı, İltifat. "Azərbaycanın ilk rabitə nazirləri: Camo bəy Hacınski" (PDF). "Kaspi" (az.). №206. 9 dekabr 2011: 12. 27 may 2022 tarixində arxivləşdirilib (PDF). İstifadə tarixi: 25 yanvar 2026.
- ↑ Məmmədov, Əli. "Camo bəyin nəvəsi: Himnin sözləri mənim babamındır - FAKTLAR". oxu.az (az.). 4 may 2018. 1 iyun 2024 tarixində arxivləşdirilib. İstifadə tarixi: 25 yanvar 2026.