11 fevral 1977-ci ildə Motsarda Mostar Universiteti təşkil olunmuşdur. Bu universitet ilk əvvəllər Camal Biediç adını daşıyırdı. O, bir dövlət xadimi olaraq 1977-ci ildə avia qəzada həlak olmuşdur.

1992-ci ildə başlanan Bosniya müharibəsi zamanı Camal Biediç Universitetinin adı Mostar Universiteti olaraq dəyişdirilir. Bundan sonra universitetin rəsmi dili xorvat dili olur. 1993-cü ildə Universiteti tərk etmiş müsəlman professorlar Mostarda ikinci ali təhsil müəsisəsini təşkil etdirlər. Ali təhsil ocağı Camal Biediç Universiteti adlanır. O keçmiş Yuqoslaviya hərbi kazarmalarından birində yerləşir.

Universitetin təşkil olunduğu ilk illərdə olduqca böyük cətinliklər yaşamışdır. Kitabxanalarda kitab çatışmamazlığı, pedaqoq və personal azlığı his edilirdi. Bu problemlərin bəzisi iyanələr hesabına ödənmişdir.

2016-cı il məlumatına görə universitetdə 250 pedaqoq fəaliyyət göstərir və 3 mindən çox tələbə təhsil alır. Universitet 8 fakültədən ibarətdir: aqrar, humanitar, informatika, tibb, tikinti, maşınqayırma, pedaqoji, hüquq. Bakalavr və magistr üçün hazırlanan proqram Boloniya qaydaları ilə uyğunlaşdırılır. Universitetin kitabxanasında 24 000 kitab vardır. Universitet müxtəlif bosniyalı, xarici elmi və təhsil müəssisələri ilə əməkdaşlıq edir.

Təhsil müəssisəninin auditoriyası, laboratoriyası və kabinetləri 4500 m² ərazini əhatə edir. Belə bir kiçik məkan universitetin inkişafı üçün ciddi bir məhdudlaşdırıcı faktordur.