Call of the Night,[a] Yaponiyada tanınan adı ilə Yofukashi no Uta[b] – Kotoyama tərəfindən yazılan və illüstrasiya olunan manqa seriyası. 2019-cu ilin avqustundan 2024-cü ilin yanvarına qədər "Shogakukan" nəşriyyatının "Weekly Shōnen Sunday" jurnalında nəşr olunmuşdur. Manqa seriyasının 20 tankobon cildi buraxılmışdır. Manqa seriyası gecələr yata bilməyən və küçələrdə vaxt keçirməyə başlayan Ko Yamori adlı gəncdən bəhs edir. Bir axşam Nazuna Nanakusa adlı müəmmalı vampir qızla tanış olur və aralarında münasibətlər inkişaf etməyə başlayır.
| Call of the Night | |||||||||||||||||||||
 Birinci tankobon cildinin üzlüyü. Personajlar: Nazuna Nanakusa (yuxarıda) və Ko Yamori (aşağıda). | |||||||||||||||||||||
| よふかしのうた (Yofukashi no Uta) | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| Janr | romantik komediya,[1] fövqəltəbii[1] | ||||||||||||||||||||
| Manqa | |||||||||||||||||||||
| Manqaka | Kotoyama | ||||||||||||||||||||
| Nəşriyyat | Shogakukan | ||||||||||||||||||||
| İmprint | Shōnen Sunday Comics | ||||||||||||||||||||
| Jurnal | Weekly Shōnen Sunday | ||||||||||||||||||||
| Demoqrafiya | şonen | ||||||||||||||||||||
| Nəşr tarixi | 28 avqust 2019 – 24 yanvar 2024 | ||||||||||||||||||||
| Cildlər | 20 (cild siyahısı) | ||||||||||||||||||||
| Fəsil sayı | 200 | ||||||||||||||||||||
| |||||||||||||||||||||
"Liden Films" studiyası tərəfindən çəkilən anime serialı adaptasiyasının birinci mövsümü 2022-ci ildə yayımlanmışdır. Anime serialının ikinci mövsümü anons edilmişdir. Manqa seriyası 2023-cü ildə şonen kateqoriyası üzrə Shogakukan Manqa Mükafatının qalibi olmuşdur.
Ko Yamori məktəb yaxşı oxuyan, amma həyatından zövq ala bilməyən 14 yaşlı gəncdir. Bu səbəbdən də yuxusuzluqdan əziyyət çəkir və özünü daha yaxşı hiss etmək üçün gecələr tək küçələrdə gəzir. Bir gecə onun qarşısına Nazuna Nanakusa adlı müəmmalı bir qız çıxır. Nazuna ona yuxusuzluq problemini həll edə biləcəyini bildirir. Nazunanın evinə gedən Ko özünü yatmış kimi göstərəndə qəfildən Nazuna onun boynundan dişləyib qanını içir. O, Nazunanın əslində vampir olduğunu öyrənir. Ko gündüz həyatından qurtulmaq üçün Nazunadan onu da vampirə çevirməsini xahiş edir. Amma vampirə çevrilməyin bir şərti var: vampirin dişlədiyi şəxs vampirə aşiq olmuş olmalıdır. Ko özünü necəsə Nazunaya aşiq edib vampirə çevrilməyi qarşısına məqsəd kimi qoyur. O, tezliklə şəhərdə Nazuna kimi başqa vampirlərin də olduğunu öyrənir.
Manqa seriyasının müəllifi Kotoyama verdiyi müsahibədə qeyd etmişdir ki, o, qaranlıq yerləri sevir və çox işıqlı yerlər onu yorur. Kotoyama dançi, gecə, vampir, gənc oğlan kimi elementləri birləşdirməyə qərar vermiş və beləliklə, "Call of the Night" manqasının ideyası ortaya çıxmışdır. O, Ko personajını yaradarkən onun snikerlərinin dizaynına, gecə səhnələrini çəkərkən işıq dirəklərinə xüsusi diqqət ayırmışdır. O, birinci fəsili yazmaq üçün bir neçə ay vaxt sərf etmişdir.[2] Kotoyama manqanı çəkərkən yaşadığı ən böyük çətinliyin Nazunanın hörüklərini təsvir etmək olduğunu bildirmişdir.[3]
Kotoyama manqa seriyanın adı üçün "Creepy Nuts" qrupunun "Yofukashi no Uta" mahnısından ilhamlanmışdır. O, mahnın adını görəndə dərhal manqa üçün ideal olduğunu düşünmüş və addan istifadə etmək üçün qrupdan icazə istəmişdir. Mahnı daha sonra anime serialı adaptasiyasının bağlanış mahnısı kimi istifadə olunmuşdur.[3]
Manqa seriyası Kotoyama tərəfindən yazılmış və çəkilmişdir. 28 avqust 2019-cu ildən 24 yanvar 2024-cü ilə qədər "Shogakukan" nəşriyyatının "Weekly Shonen Sunday" jurnalında serializasiya olunmuşdur.[4][5] Manqa seriyasının 20 tankobon cildi buraxılmışdır. Birinci cild 18 noyabr 2019-cu ildə,[6] sonuncu – 20-ci cild 18 mart 2024-cü ildə buraxılmışdır.[7]
11 noyabr 2020-ci ildə Kotoyamanın əvvəlki manqası olan "Dagashi Kashi" ilə "Call of the Night" manqasının xüsusi krossover fəsili nəşr olunmuşdur.[8]
11 noyabr 2021-ci ildə açılan saytla manqa seriyasının anime serialı adaptasiyası anons edilmişdir. "Liden Films" studiyası tərəfindən çəkilən anime serialının rejissoru Tomoyuki İtamura, baş rejissoru Tetsuya Miyanişi, ssenaristi Miçiko Yokote, personaj dizayneri Haruka Saqava və bəstəkarı Yoşiaki Devadır.[9] Birinci mövsüm 8 iyuldan 30 sentyabr 2022-ci ilə qədər Fuji TV-nin NoitaminA veriliş bloku vasitəsilə yayımlanmış və 13 seriya davam etmişdir.[10] Açılış və bağlanış mahnıları "Creepy Nuts" qrupu tərəfindən ifa olunan "Daten"[c] və "Yofukashi no Uta" mahnılarıdır.[11]
11 mart 2024-cü ildə ikinci mövsüm anons edilmişdir.[12] İkinci mövsümün 2025-ci ilin iyulunda yayımlanması planlaşdırılır.[13]
Manqa 2023-cü ildə "Ən yaxşı şonen manqası" kateqoriyası üzrə Shogakukan Manqa Mükafatının qalibi olmuşdur.[14] "MyAnimeList" 2023-cü ildə yayımlandığı "Bu manqaları oxumalısız" siyahısında "Call of the Night" manqasını "yeni başlayanlar üçün" kateqoriyasında göstərmişdir.[15]
- ↑ 1 2 "The Official Website for Call of the Night". Viz Media. 16 noyabr 2021 tarixində arxivləşdirilib. İstifadə tarixi: 8 may 2025.
- ↑ "アニメ『よふかしのうた』原作・コトヤマ先生に聞く、創作秘話と夜と闇に惹かれた理由。「暗いところが好きです。明るいと疲れるので」". Futabanet Manga Plus (yaponca). 4 avqust 2022. İstifadə tarixi: 7 may 2025.
- ↑ 1 2 "インタビュー】『よふかしのうた』コトヤマ「こういう子、可愛くない？って読者に問いかけながら描いている」". Comic Space (yaponca). 8 iyul 2020. İstifadə tarixi: 7 may 2025.
- ↑ "Dagashi Kashi's Kotoyama Launches New Manga". Anime News Network (ingiliscə). 30 iyul 2019. İstifadə tarixi: 7 may 2025.
- ↑ "Call of the Night Manga Ends with 200th Chapter (Update)". ANNZ (ingiliscə). 15 noyabr 2023. İstifadə tarixi: 7 may 2025.
- ↑ よふかしのうた １ (yaponca). Shogakukan. 27 oktyabr 2020 tarixində arxivləşdirilib. İstifadə tarixi: 4 iyul 2020.
- ↑ よふかしのうた ２０ (yaponca). Shogakukan. 11 mart 2024 tarixində arxivləşdirilib. İstifadə tarixi: 7 may 2025.
- ↑ "Kotoyama Draws Special Side-Story Manga for Dagashi Kashi, Call of the Night". Anime News Network (ingiliscə). 4 noyabr 2020. İstifadə tarixi: 7 may 2025.
- ↑ "Kotoyama's Vampire Manga Call of the Night Gets TV Anime Next July". Anime News Network (ingiliscə). 11 noyabr 2021. İstifadə tarixi: 7 may 2025.
- ↑ "Terebi Anime "Yofukashi no Uta" TVアニメ「よふかしのうた」". yofukashi-no-uta.com (yaponca). 23 iyul 2022 tarixində arxivləşdirilib. İstifadə tarixi: 7 may 2025.
- ↑ "Creepy Nutsの新曲「堕天」アニメ『よふかしのうた』OP主題歌に、ED曲も担当". Fashion Press (yaponca). 3 avqust 2022. 6 avqust 2022 tarixində arxivləşdirilib. İstifadə tarixi: 7 may 2025.
- ↑ "Call of the Night Anime Gets 2nd Season". Anime News Network (ingiliscə). 11 mart 2024. İstifadə tarixi: 7 may 2025.
- ↑ "Call of the Night Season 2's New Teaser Announces New Cast Member, July Debut". Anime News Network (ingiliscə). 13 mart 2025. İstifadə tarixi: 7 may 2025.
- ↑ "Call of the Night, Blue Orchestra, Medalist, Ui×Kon Manga Win 68th Shogakukan Manga Awards". ANNZ (ingiliscə). 18 yanvar 2023. İstifadə tarixi: 7 may 2025.
- ↑ "MyAnimeList Releases Ultimate List of Manga Recommendations". ANNZ (ingiliscə). 31 mart 2023. İstifadə tarixi: 7 may 2025.
- web.archive.org/web/20240124072408/https://websunday.net/work/724/ — "Web Sunday"də manqanın rəsmi saytı (yap.)
- yofukashi-no-uta.com — Animenin rəsmi saytı (yap.)